Published:Updated:

இன்பாக்ஸ்

இன்பாக்ஸ்
பிரீமியம் ஸ்டோரி
இன்பாக்ஸ்

இன்பாக்ஸ்

இன்பாக்ஸ்

இன்பாக்ஸ்

Published:Updated:
இன்பாக்ஸ்
பிரீமியம் ஸ்டோரி
இன்பாக்ஸ்
இன்பாக்ஸ்

கால்பந்து சூப்பர்ஸ்டார் ரொனால்டோவுக்கு இன்னும் திருமணம் ஆகவில்லை. ஆனால், அவருக்கு ஏழு வயதில் ஒரு மகன் இருக்கிறான். இதுவரை மகனின் தாய் யார் என அறிவிக்காத ரொனால்டோவுக்கு, அடுத்ததாக இரட்டை ஆண் குழந்தைகள் பிறந்திருக்கின்றன. இந்தக் குழந்தைகளுக்கும் அம்மா யார் என ரொனால்டோ அறிவிக்கவில்லை. சீக்ரெட் ஸ்டார்!

இன்பாக்ஸ்

ஒட்டுமொத்த விகடனுக்கும் ஒரே ஷார்ட்கட்!

ண்டனைச் சேர்ந்த நடிகர் மைக்கேல் கோர்சல்தான் ஸ்ருதிஹாசனின் புதிய நண்பர். ட்விட்டரில் ஸ்ருதி, மைக்கேல் இணைந்திருக்கும் படங்கள் வைரலாகப் பரவிவரும் நிலையில் சமீபத்தில் இங்கிலாந்து சென்ற கமல்ஹாசனும் மைக்கேல் கோர்சலைச் சந்தித்திருக்கிறார். அந்தப் படமும் ட்விட்டரில் அப்டேட் ஆனது. இதுபற்றி ஸ்ருதியிடம் கேட்டால், `இந்த நட்பு, காதல் குறித்தெல்லாம் பேசுவதற்கான நேரம் இதுவல்ல' என்கிறார். சீக்கிரம் செய்தி சொல்லு ஸ்ருதி!

இன்பாக்ஸ்

மெரிக்க அதிபர் டொனால்டு ட்ரம்ப்பின் மகள் இவான்காதான் அமெரிக்காவின் ரெட் கார்ப்பெட் டார்லிங். அமெரிக்காவில் நடக்கும் பல்வேறு நிகழ்ச்சிகளுக்கு ட்ரம்ப், மனைவி மெலானியா ட்ரம்ப்பைவிட அதிக வரவேற்பு இவான்காவுக்குத்தான். பல்வேறு தூதரக நிகழ்ச்சிகளிலும் இவான்காவே முன்னிலைப்படுத்தப்படுகிறார். அமெரிக்காவின் முதல் பெண் மெலானியாதான் என்றாலும், அப்பாவுக்கு எல்லா அட்வைஸும் கொடுப்பது மகள் இவான்காதான் என்கிறார்கள். சமீபத்தில் அமெரிக்கா வந்த ஜெர்மன் அதிபர் ஏஞ்சலா மெர்க்கல், இவான்காவுடன் தனி சந்திப்பு நடத்தினார் என்பது குறிப்பிடத்தக்கது. இவான்காவுக்கு ரசிகர் மன்றம் ஆரம்பிச்சாச்சா!

இன்பாக்ஸ்

  `தளபதி' என்ற படத் தலைப்பில் நடிக்க வேண்டும் என்பது இளைய தளபதியின் நீண்டநாள் ஆசை. ஏற்கெனவே ஒரு படத்துக்கு `தளபதி' என டைட்டில் வைக்க முயற்சிகள் நடந்து முடியாமல் போனது. மீண்டும் அட்லி இயக்கும் படத்தின் தலைப்பை `தளபதி' என வைக்க முயற்சிகள் பல தரப்பிலும் நடந்தன. ஆனால், அந்தத் தலைப்பின் உரிமையை வைத்திருக்கும் ஜி.வி ஃபிலிம்ஸ் டைட்டிலைத் தர மறுக்க, மீண்டும் வேறு தலைப்புகள் தேடும் முயற்சியில் இருக்கிறார் அட்லி. ஆல் தி பெஸ்ட்!

இன்பாக்ஸ்

`நான் அறிமுகமாகி 25 வருஷங்கள் முடிஞ்சிடுச்சு. இப்போவும் மணி சார்கூட இருக்கும் உறவு அவ்வளவு ஃப்ரெஷ்ஷா இருக்கு. ஒரு நல்ல ஆசானாக, சகோதரனாக என்னை நகர்த்திட்டுப்போறவர் அவர்' என மணிரத்னத்துடனான 25 வருட இசைப் பயணம் பற்றி சிலிர்க்கிறார் ஏ.ஆர்.ரஹ்மான். நிஜ நாயகர்கள்!

இன்பாக்ஸ்

மோடி பிரதமரான பிறகு, மிகக் குறைந்த நாள்கள் நடந்தது 2016-ம் ஆண்டு நாடாளுமன்றக் குளிர்காலக் கூட்டத்தொடர்தான். திட்டமிட்டதில் மொத்தமாக 17.9 சதவிகிதம் மட்டுமே மக்களவையும், 20.31 சதவிகிதம் மட்டுமே மாநிலங்களவையும் செயல்பட்டிருக்கின்றன. இதிலும் சட்ட மசோதாக்கள் தொடர்பாக நடந்த விவாதங்கள் மிகவும் குறைவு. மக்களவை, மாநிலங்களவை இரண்டும் சேர்த்து அதிகபட்சமாக 35 நிமிடங்கள் ஒரே பிரச்னையைப் பற்றி தொடர்ந்து பேசியிருக்கின்றன. அது என்ன தெரியுமா? மம்தா பானர்ஜியின் விமானம் தரை இறங்கத் தாமதமானது குறித்துதான் அதிக நேரம் பேசியிருக்கிறார்கள். மக்களால்... மக்களுக்காகவே!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism