Published:Updated:

இன்பாக்ஸ்

இன்பாக்ஸ்
பிரீமியம் ஸ்டோரி
இன்பாக்ஸ்

இன்பாக்ஸ்

இன்பாக்ஸ்

இன்பாக்ஸ்

Published:Updated:
இன்பாக்ஸ்
பிரீமியம் ஸ்டோரி
இன்பாக்ஸ்

`அன்பானவன் அடங்காதவன் அசராதவன்’ படத் தோல்வியிலிருந்து மகனை மீட்டெடுக்க, டி.ஆர் புதிய திட்டம் ஒன்றைப் போட்டிருக்கிறார். 10 ஆண்டுகளுக்கு முன்பு சிம்புவே இயக்கிய `கெட்டவன்’ படம் பாதியிலேயே டிராப் ஆனது. ஆனால், படத்தின் ஒரு மணி நேர ஃபுட்டேஜ் எஞ்சி இருக்கிறது. அதை மீண்டும் தூசிதட்ட  முடிவெடுத்திருக்கிறது சிம்பு டீம். விரைவில் சூட்டிங்காம்! அன்பான அப்பா... அசராத அப்பா...

இன்பாக்ஸ்
இன்பாக்ஸ்

டோலிவுட்டின் மோஸ்ட் வான்டட் ஹீரோயின் அனு இம்மானுவேல். ‘ஆக்‌ஷன் ஹீரோ பிஜு’ படத்தில் நிவின் பாலிக்கு ஜோடியாக சினிமாவுக்குள் நுழைந்தவர், இப்போது தெலுங்கில் ஜூனியர் என்.டி.ஆர், பவன் கல்யாண், அல்லு அர்ஜுன் என ஓரே நேரத்தில் மூன்று ஸ்டார் ஹீரோக்களுடன் நடித்துக்கொண்டிருக்கிறார். சீக்கிரமே தமிழுக்கும் வர இருக்கிறாராம் அனு! கேரள எக்ஸ்பிரஸ்.

இன்பாக்ஸ்

`தி நேஷன் வான்ட்ஸ் டு நோ’ என்கிற வரிகள் அர்னாப் கோஸ்வாமியின் அடையாளம். முன்பு டைம்ஸ் நவ் தொலைக்காட்சியில் இருந்தபோது எல்லா விவாதங்களிலும் இதை மறக்காமல் சொல்வார். ரிபப்ளிக் டி.வி-க்குப் போன பிறகும் இதையே சொல்ல, டைம்ஸ் நவ் இனி அர்னாப் அந்த வாக்கியத்தைப் பயன் படுத்தக் கூடாது எனத் தடை கேட்டு கோர்ட்டுக்குப் போயிருக்கிறது. இப்போது நீதிமன்றம் அர்னாபை விளக்கம் தரச் சொல்லியிருக்கிறது. அதுவரை அவர் `தி நேஷன் வான்ட்ஸ் டு நோ’வைப் பயன்படுத்திக் கொள்ளலாமாம்! டிவி வார்ஸ்!

இன்பாக்ஸ்

மோகன்லாலின் மகன் ப்ரணவ் ஹீரோவாகிறார். `பாபநாசம்’ படத்தை இயக்கிய ஜித்து ஜோசப் இயக்கும் ‘ஆதி’ படத்தில் சின்னலால் பிரணவ்தான் ஹீரோ. இவர் ஏற்கெனவே ஜித்து ஜோசப்பிடம் உதவி இயக்குநராக வேலை பார்த்தவர். ஹீரோ அவதாரம் எடுப்பதற்கு முன்பாக முறைப்படி நடிப்பு, நடனம், சண்டைப் பயிற்சிகள் எல்லாம் கற்றுக்கொண்டு வந்திருக்கிறார் ப்ரணவ். புலிக்குப் பிறந்தது!

ன்ஸ்டாகிராமில் 10 கோடி ஃபாலோயர்களை வைத்திருக்கிறார் கால்பந்தாட்ட வீரர் கிறிஸ்டியானோ ரொனால்டோ. அதனாலேயே, அவருடைய இன்ஸ்டா பக்கத்தில் விளம்பர ஸ்டேட்டஸ் போட பெரிய நிறுவனங்கள் போட்டி போடுகின்றன. ரொனால்டோ பக்கத்தில் போடும் ஒரு போஸ்ட்டின் மதிப்பு 2.6 கோடி ரூபாய் என்று சமீபத்திய ஆய்வில் சொல்லியிருக்கிறார்கள்! ஏற்கெனவே கிரிக்கெட் வீரர் கோஹ்லி தன் இன்ஸ்டாகிராம் பக்கத்தில் இது மாதிரியான விளம்பர வீடியோக்களைப் பகிர்ந்துகொள்வதை வாடிக்கையாக வைத்திருக்கிறார். ஒரு ஸ்டேடஸ்க்கு இம்புட்டா!

இன்பாக்ஸ்

ந்தியக் கால்பந்தாட்ட அணி உலக ரேங்கில் 96-வது இடத்தை எட்டி சாதனை படைத்திருக்கிறது. 2014-ல் 171-வது இடத்தில் இருந்த அணி மூன்றே ஆண்டுகளில் 77 இடங்கள் முன்னேறி இந்த இடத்தை எட்டியிருப்பது சாதாரண விஷயம் இல்லை. இதற்குக் காரணம் இந்திய அணியின் பயிற்சியாளர் ஸ்டீபன் கான்ஸ்டன்டைன்தான்! அவர் வந்தபிறகுதான் இந்திய அணியில் பல மாற்றங்கள் நடந்தன. கடைசியாக ஆடிய 15 போட்டிகளில் 13 போட்டிகளில் இந்தியா வென்றது. ``இந்த ரேங்கிங் வளர்ச்சிக்காக நாம் பெரிதாகச் சாதித்துவிட்ட திருப்தியை அடைந்துவிடக் கூடாது. நமக்கு இனிமேல்தான் சவால்கள் காத்திருக்கின்றன’’ என பாசிட்டிவாகப் பேசியிருக்கிறார் பயிற்சியாளர். குருநாதா...

இன்பாக்ஸ்

ச்சின் மகன் அர்ஜுன் டெண்டுல்கர் தான் இப்போது இங்கிலாந்தின் ஹாட் ஸ்டார். தென் ஆப்பிரிக்காவுக்கு எதிரான தொடருக்கு முன்பாக, வலைப்பயிற்சியில் ஈடுபட்ட இங்கிலாந்து பேட்ஸ்மேன்களுக்கு அர்ஜுன்தான் பெளலர். பயிற்சியின்போது இங்கிலாந்து பேட்ஸ்மேன் ஜான் பேர்ஸ்டோவுக்கு, இன்ஸ்விங்கிங் யார்க்கர் போட, அது பேர்ஸ்டோவின் காலைப் பதம் பார்த்தது. இப்போது அவர்முதல் டெஸ்ட் ஆடுவாரா, மாட்டாரா என இங்கிலாந்தே குழம்பிப்போய் இருக்க, பந்தைப்போட்ட அர்ஜுனுக்குப் பாராட்டுகள் குவிகின்றன. அடுத்த ஆண்டு ஐ.பி.எல் போட்டிகளில் களமிறங்க இருக்கிறார் அர்ஜுன்! வர்லாம் வர்லாம் வா...