Published:Updated:

இன்பாக்ஸ்

இன்பாக்ஸ்
பிரீமியம் ஸ்டோரி
News
இன்பாக்ஸ்

இன்பாக்ஸ்

டிகை சாவித்திரியின் வாழ்க்கை வரலாறு, பவன் கல்யாணுடன் `அஞ்ஞாதவாசி’, சூர்யாவுடன் `தானா சேர்ந்த கூட்டம்’ எனப் பெரிய ஹீரோக்கள் பெரிய படங்கள் என அடுத்தடுத்து நடித்துக்கொண்டிருக்கும் கீர்த்தி, பைரவாவுக்குப் பிறகு மீண்டும் விஜய்யோடு ஜோடி சேர்கிறார். ஏ.ஆர். முருகதாஸ் இயக்கும் விஜய் படத்தில் கீர்த்தி சுரேஷ்தான் ஹீரோயின். வர்லாம் வர்லாம் வா!

இன்பாக்ஸ்

ஹைதராபாத்தில் நடந்துமுடிந்த உலகளாவிய தொழில்முனைவோர் மாநாட்டின் ஹைலைட்டே அமெரிக்க அதிபர் டொனால்ட் ட்ரம்ப்பின் மகளும், அரசியல் ஆலோசகருமான இவான்கா ட்ரம்ப்தான். ஒட்டுமொத்த இந்தியாவும், இவான்காவைக் கவனிக்கத் தொடங்கிவிட்டது. சமூக வலைதளங்களில், `கவர்ச்சியானவர், அழகானவர், சக்திவாய்ந்தவர், அவர் கலந்துகொண்டதால் ஹாலிவுட்டும் அரசியலும் கைகோத்ததுபோல் இருந்தது’ என்றெல்லாம் புகழ்ந்து தள்ளிவிட்டார்கள். இவான்கா பக்கம் சாஞ்சுட்டாய்ங்க!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
இன்பாக்ஸ்

`பத்மாவதி’ பட சர்ச்சைகளுக்கு நடுவே இன்னொரு படமும் திரையிடலுக்காகத் திண்டாடிக் கொண்டிருந்தது. அந்தப்படம் சனல் சசிதரன் இயக்கிய `செக்ஸி துர்கா’. ‘ஒளிவு திவசத்தே களி’ இயக்குநரின் அடுத்த படம். ஏற்கெனவே பல்வேறு சர்வதேசப் படவிழாக்களில் திரையிடப்பட்டு விருதுகளைக் குவித்த படம் இது. இந்த ஆண்டு கோவா உலகத் திரைப்பட விழாவின் பனோரமா பிரிவில் திரையிடத் தேர்ந்தெடுக்கப்பட்டது. ஆனால், படத்தின் பெயரில் இந்துக்கடவுளான துர்காவோடு செக்ஸி இருப்பதால் அதைத் திரையிடக் கூடாது என இந்து அமைப்பினர் தடைகோரினர். திரையிடலுக்குத் தடையும் விதிக்கப்பட்டது. பிரச்னை நீதிமன்றம் செல்ல, நீதிமன்றம், திரைப்பட விழாவில் தாராளமாகத் திரையிடலாம் என அனுமதி கொடுத்தது. ஆனால், இப்போது சென்சார் போர்டு படத்திற்குக் கொடுத்த சான்றிதழைத் திரும்பப் பெற்றுள்ளது. சினிமானாலே பஞ்சாயத்துதான்!

ந்திய ஹாக்கி அணியின் முன்னாள் கேப்டன் சந்தீப் சிங்கின் வாழ்க்கை திரைப்படமாகிறது. `சூர்மா’ என்கிற இந்தப்படத்தில் பஞ்சாப் நடிகர் தில்ஜித் நாயகனாகவும் டாப்ஸி நாயகியாகவும் நடிக்கின்றனர். 2006 உலகக் கோப்பையின்போது ரயில்பயணம் ஒன்றில் சந்தீப் சிங்கிற்கு எதிர்பாராதவிதமாக குண்டடிபட்டது. அதனால், அவரால் உலகக் கோப்பையில் கலந்துகொள்ள முடியாமல் போனது, வலிமிகுந்த அந்தக் காலகட்டம்தான் படத்தின் கரு! பயோபிக்தான் ஹிட்டு!

ஸ்ரீதேவியின் மகள் ஜான்வி கபூர் நாயகியாக அறிமுகமாகும் படம் `தடக்.’ மராத்தியில் வெளியாகி இந்தியா முழுக்க சக்கைப்போடு போட்ட ‘சாய்ரட்’ படத்தின் இந்தி ரீமேக் இது. படத்தின் ஃபர்ஸ்ட் லுக்கோடு சூட்டிங்கைத் தொடங்கியிருக்கிறார் படத்தின் இயக்குநர் ஷசாங்க் கெய்தாய். ஸ்ரீதேவியின் வாரிசுக்கு ஒட்டுமொத்த பாலிவுட்டும் வாழ்த்து மழை பொழிந்துகொண்டிருக்கிறது. கலக்கு கண்ணு!

இன்பாக்ஸ்

யக்குநராகும் ஆசை இருக்கிறதாம் ஆண்ட்ரியாவுக்கு! ``ரொம்பநாள் திட்டமெல்லாம் இல்லை. திடீரெனத் தோன்றியதுதான். சீக்கிரமே இயக்கப்போகிறேன். ஃபெமினிஸம், கேபிடலிஸம் என எந்த இஸங்களும் இல்லாத ஸ்வீட் அண்ட் ஹேப்பி எண்டிங் ரொமான்டிக் காமெடி!’’ என்கிறார் ஸ்வீட்டி. வெல்கம் ஏஞ்சல்.

இன்பாக்ஸ்

றைந்த பாடலாசிரியர் நா.முத்துக்குமார் இறப்பதற்கு ஒரு வாரம் முன்பாக எழுதிய கடைசிப் பாடல் இன்னும் வெளியாகவில்லை. ராஜீவ் மேனன் இயக்கத்தில் ஏ.ஆர்.ரஹ்மான் இசையமைக்கும் புதிய படத்தில்தான் முத்துக்குமாரின் கடைசிப் பாடல் இடம்பெற்றிருக்கிறது. இசைப்புயலின் மரியாதை!

ஸ்டுடியோ கிரீன் நிறுவனம் தயாரிக்கும் அடுத்த படத்தில் ஆர்யா கதாநாயகனாக நடிக்கிறார். ‘கலர்ஸ் சேனல்’ கல்யாண வேட்டைக்கு முன்  மூன்றே மாதத்தில் இந்தப்படம் டேக் ஆஃப் ஆகி லேண்ட் ஆகிவிடுமாம்.  ‘பக்கா ஸ்கிரிப்ட். சிம்பிள் பட்ஜெட். செம கல்ட் மூவி மச்சி!’ என, பார்ப்பவர்கள் எல்லோரிடமும் கண்ணடித்துச் சிரிக்கிறார்  ஆர்யா. சாயிஷா கதாநாயகியாக ஒப்பந்தமாகியிருக்கும் இந்தப்படத்தின் இயக்குநர் யார் தெரியுமோ..? `ஹரஹரமகாதேவகி’ புகழ்  சந்தோஷ் ஜெயக்குமார். அச்சச்சோ கூட்டணி.

மெரிக்காவில் நடந்த உலக பளுதூக்குதல் சாம்பியன்ஷிப்பில் தங்கம் வென்று சாதனை படைத்திருக்கிறார் மிராபாய் சானு. ரியோ ஒலிம்பிக்கில் சந்தித்த தோல்விக்குப் பிறகு தொய்வாக இருந்தவருக்கு இந்தப் பதக்கம் பெரிய ஊக்கம் கொடுத்திருக்கிறது. 22 ஆண்டுகளுக்கு முன்பு மல்லேஸ்வரிதான் கடைசியாக உலக சாம்பியன்ஷிப்பில் இந்தியாவுக்காகப் பதக்கம் வென்றிருந்தார். அவருக்குப் பிறகு மிராதான். வெயிட்டு வெயிட்டு!