கோழி வெப்புடு, வெஞ்சன மாமிசம், மைசூர் சில்லி சிக்கன்...சண்டே சமையல்!

வ்வளவுதான் மெனக்கெட்டாலும் வறுவல், குழம்பு தவிர, புதுமையான சிக்கன் ரெசிப்பிக்களைப் பலருக்கும் செய்யத் தெரியாது. அல்லது செய்வதில் தயக்கம் இருக்கலாம். அப்படிப்பட்டவர்களுக்கு இதோ சில புதுமையான சிக்கன் ரெசிப்பிக்கள்...

கோழி முந்திரி வறுவல்

கோழி முந்திரி வறுவல்

தேவையானவை:

சிக்கன் – 250 கிராம் (துண்டுகளாக நறுக்கவும்)

இஞ்சி – பூண்டு விழுது – ஒரு டீஸ்பூன்

மிளகாய்த்தூள் – ஒரு டீஸ்பூன்

மல்லித்தூள் (தனியாத்தூள்) – ஒரு டீஸ்பூன்

கறிவேப்பிலை – சிறிதளவு

காய்ந்த மிளகாய் – 3

முந்திரி – 10

மிளகுத்தூள் – ஒரு டீஸ்பூன்

வெங்காயம் – ஒன்று (பொடியாக நறுக்கவும்)

தக்காளி – ஒன்று (பொடியாக நறுக்கவும்)

நறுக்கிய கொத்தமல்லித்தழை – சிறிதளவு

எண்ணெய் – 3 டீஸ்பூன்

பட்டை, கிராம்பு, ஏலக்காய் – சிறிதளவு

உப்பு – தேவையான அளவு

செய்முறை:

வாணலியில் எண்ணெய்விட்டு பட்டை, கிராம்பு, ஏலக்காய், காய்ந்த மிளகாய் தாளிக்கவும்.  இதனுடன் வெங்காயம், இஞ்சி - பூண்டு விழுது, தக்காளி, சிக்கன் துண்டுகள் சேர்த்து வதக்கவும். பிறகு மிளகாய்த்தூள், மல்லித்தூள், உப்பு சேர்த்து சிறிதளவு தண்ணீர்விட்டு வேக விடவும். சிக்கன் துண்டுகள் வெந்து தண்ணீர் வற்றிய பின் முந்திரி, கறிவேப்பிலை, மிளகுத்தூள் சேர்த்துக் கலந்து இறக்கவும். மேலே கொத்தமல்லித்தழை தூவிப் பரிமாறவும்.

சுக்கா வறுவல்

கோழி சுக்கா வறுவல்

தேவையானவை:

எலும்பில்லாத சிக்கன்  – 250 கிராம்

இஞ்சி – பூண்டு விழுது – ஒரு டீஸ்பூன்

மிளகுத்தூள் – ஒரு டீஸ்பூன்

பச்சை மிளகாய் – 3 (பொடியாக நறுக்கவும்)

காய்ந்த மிளகாய் – 3

வெங்காயம் – ஒன்று (பொடியாக நறுக்கவும்)

தக்காளி – ஒன்று (பொடியாக நறுக்கவும்)

சோம்பு – ஒரு டீஸ்பூன்

கறிவேப்பிலை – சிறிதளவு

நறுக்கிய கொத்தமல்லித்தழை – சிறிதளவு

எண்ணெய் – 3 டீஸ்பூன்

உப்பு – தேவையான அளவு

செய்முறை:

வாணலியில் எண்ணெய்விட்டு சோம்பு, கறிவேப்பிலை, பச்சை மிளகாய், காய்ந்த மிளகாய், வெங்காயம் சேர்த்து வதக்கவும். இதனுடன் இஞ்சி - பூண்டு விழுது, தக்காளி, சிக்கன், உப்பு சேர்த்து வதக்கி வேகவிடவும். நீர் வற்றி சிக்கன் துண்டுகள் வெந்த பிறகு மிளகுத்தூள் தூவிக் கிளறி இறக்கவும். நறுக்கிய கொத்தமல்லித்தழையால் அலங்கரித்துச் சூடாகப் பரிமாறவும். 

ஆந்திரா சிக்கன்

ஆந்திரா ஸ்டைல் ஸ்பைசி சிக்கன்

தேவையானவை:

சிக்கன் – 250 கிராம் (துண்டுகளாக நறுக்கவும்)

காய்ந்த மிளகாய் – 4

பச்சை மிளகாய் – 5 (பொடியாக நறுக்கவும்)

காஷ்மீரி மிளகாய்த்தூள் – ஒரு டீஸ்பூன்

வெங்காயம் – ஒன்று (பொடியாக நறுக்கவும்)

இஞ்சி – பூண்டு விழுது – ஒரு டீஸ்பூன்

பச்சை மிளகாய் சாஸ் – ஒரு டீஸ்பூன்

நறுக்கிய கொத்தமல்லித்தழை - சிறிதளவு

எண்ணெய் – 2 டீஸ்பூன்

உப்பு – தேவையான அளவு

செய்முறை:

வாணலியில் எண்ணெய்விட்டு வெங்காயம் சேர்த்து வதக்கவும். இதனுடன் இஞ்சி - பூண்டு விழுது, காய்ந்த மிளகாய், பச்சை மிளகாய் சேர்த்து வதக்கவும். பிறகு சிக்கன் துண்டுகள், காஷ்மீரி மிளகாய்த்தூள், உப்பு சேர்த்து அடுப்பைக் குறைந்த தீயில் வைத்து சிக்கனை வேகவிடவும். சிக்கன் மிருதுவாக வெந்த பிறகு பச்சை மிளகாய் சாஸ், நறுக்கிய கொத்தமல்லித்தழை சேர்த்துக் கிளறி இறக்கி, சூடாகப் பரிமாறவும்.

ஆந்திரா கோழி பிரியாணி

ஆந்திரா கோழி பிரியாணி

தேவையானவை:

சிக்கன் – அரை கிலோ 

(துண்டுகளாக நறுக்கவும்)

சீரக சம்பா அரிசி – அரை கிலோ

பச்சை மிளகாய் – 8 

(நீளவாக்கில் நறுக்கவும்)

வெங்காயம் – 2 (பொடியாக நறுக்கவும்)

தக்காளி – 2 

(சிறிய சதுர துண்டுகளாக நறுக்கவும்)

இஞ்சி – பூண்டு விழுது – 2 டீஸ்பூன்

புதினா – ஒரு கட்டு (ஆய்ந்து வைக்கவும்)

கொத்தமல்லித்தழை – ஒரு கட்டு (பொடியாக நறுக்கவும்)

பால் – கால் லிட்டர் 

(காய்ச்சி ஆறவைக்கவும்)

தயிர் – 100 மில்லி

எண்ணெய் – 50 மில்லி

நெய் – 2 டீஸ்பூன்

பட்டை, கிராம்பு, ஏலக்காய்  – சிறிதளவு

உப்பு – தேவையான அளவு

செய்முறை:

அரிசியை அரை மணி நேரம் ஊறவிடவும். பாத்திரத்தில் எண்ணெய்விட்டு பட்டை, கிராம்பு, ஏலக்காய், வெங்காயம், பச்சை மிளகாய், இஞ்சி - பூண்டு விழுது சேர்த்து வதக்கவும். இதனுடன் சிக்கன், கொத்தமல்லித்தழை, புதினா சேர்த்து வதக்கவும். பிறகு தயிர், உப்பு, பால், அரை லிட்டர் தண்ணீர், தக்காளி சேர்த்து நன்கு கொதிக்கவிடவும். இதனுடன் அரிசியைச் சேர்த்து வேகவிடவும். அரிசி பாதியளவு வெந்த பிறகு தம் போட்டு இறக்கவும். கொத்தமல்லித்தழை, புதினா, நெய் சேர்த்து 15 நிமிடங்கள் அப்படியே வைக்கவும். பிறகு ராய்த்தாவுடன் பரிமாறவும். 

வெப்புடு

கோழி வெப்புடு

தேவையானவை:

எலும்பில்லாத சிக்கன் – கால் கிலோ (துண்டுகளாக நறுக்கவும்)

தட்டிய பூண்டு – 30 கிராம்

நறுக்கிய வெங்காயம் – 50 கிராம்

கறிவேப்பிலை – சிறிதளவு

மஞ்சள்தூள் – 2 சிட்டிகை

காய்ந்த மிளகாய் – 3

மிளகுத்தூள் – ஒரு டீஸ்பூன்

பொடியாக நறுக்கிய கொத்தமல்லித்தழை - சிறிதளவு

சீரகம் – அரை டீஸ்பூன்

எண்ணெய் - 2 டீஸ்பூன்

உப்பு - தேவையான அளவு

செய்முறை:

வாணலியில் எண்ணெய்விட்டு காய்ந்த மிளகாய், சீரகம், பூண்டு, கறிவேப்பிலை, வெங்காயம் சேர்த்து வதக்கவும். இதனுடன் சிக்கன் துண்டுகள், மஞ்சள்தூள் சேர்த்து, சிறிதளவு தண்ணீர் விட்டு வேகவிடவும். பிறகு மிளகுத்தூள் தூவிக் கிளறவும். மேலே கொத்தமல்லித்தழை தூவி இறக்கிப் பரிமாறவும்.

வெஞ்சன மாமிசம்

வெஞ்சன மாமிசம்

தேவையானவை:

எலும்பில்லாத மட்டன் – கால் கிலோ (துண்டுகளாக நறுக்கவும்)

வெங்காயம் – 2 (பொடியாக நறுக்கவும்)

காய்ந்த மிளகாய் – 3

பட்டை, கிராம்பு, ஏலக்காய்  – சிறிதளவு

கறிவேப்பிலை – சிறிதளவு

மிளகாய்த்தூள் – அரை டீஸ்பூன்

மல்லித்தூள் (தனியாத்தூள்) – 2 டீஸ்பூன்

மிளகுத்தூள் – 2 டீஸ்பூன்

இஞ்சி – பூண்டு விழுது – ஒரு டீஸ்பூன்

பூண்டு – 5 பல் (தட்டவும்)

எண்ணெய் – 3 டீஸ்பூன்

உப்பு – தேவையான அளவு

செய்முறை:

வாணலியில் எண்ணெய்விட்டு பட்டை, கிராம்பு, ஏலக்காய், வெங்காயம் சேர்த்துப் பொன்னிறமாக வறுக்கவும். பிறகு இஞ்சி - பூண்டு விழுது, மட்டன், மிளகாய்த்தூள், மல்லித்தூள், உப்பு சேர்த்து,  கொஞ்சம் தண்ணீர் விட்டு, மட்டன் மிருதுவாகும் வரை நன்கு வேகவிடவும். இதனுடன்  மிளகுத்தூள் சேர்த்துக் கலக்கவும். மற்றொரு வாணலியில் எண்ணெய்விட்டு காய்ந்த மிளகாய், பூண்டு, கறிவேப்பிலை தாளித்து, மட்டனுடன் சேர்த்துக் கலந்து சூடாகப் பரிமாறவும்.

மைசூர் சில்லி சிக்கன்

மைசூர் சில்லி சிக்கன்

தேவையானவை

சிக்கன் – கால் கிலோ 

(துண்டுகளாக நறுக்கவும்)

சதுர துண்டுகளாக நறுக்கிய வெங்காயம் – 100 கிராம்

சதுர துண்டுகளாக நறுக்கிய குடமிளகாய் (பச்சை, மஞ்சள், சிவப்பு) – 100 கிராம்

பச்சை மிளகாய் – 5 

(வட்ட வடிவமாக நறுக்கவும்)

தோல் சீவி, பொடியாக நறுக்கிய 

இஞ்சி – ஒரு டீஸ்பூன்

பொடியாக நறுக்கிய பூண்டு – 

ஒரு டீஸ்பூன்

தேங்காய்த் துருவல் – அரை கப்

வெள்ளை எள் – ஒரு டீஸ்பூன்

வேர்க்கடலை – 2 டீஸ்பூன்

காய்ந்த மிளகாய் – 3

கறிவேப்பிலை – சிறிதளவு

நறுக்கிய கொத்தமல்லித்தழை – சிறிதளவு

மஞ்சள்தூள் – 2 சிட்டிகை

எண்ணெய் – 3 டீஸ்பூன்

உப்பு – தேவையான அளவு

செய்முறை:

வாணலியில் சிறிதளவு எண்ணெய்விட்டு காய்ந்த மிளகாய், தேங்காய்த் துருவல், வேர்க்கடலை, எள் சேர்த்து வறுத்து, மிக்ஸியில் பவுடராக அரைக்கவும். அதே வாணலியில் சிறிதளவு எண்ணெய்விட்டு வெங்காயம், குடமிளகாய் சேர்த்து வதக்கி தனியாக எடுத்து வைக்கவும். மீண்டும் அதே வாணலியில் சிறிதளவு எண்ணெய் விட்டு இஞ்சி, பூண்டு, பச்சை மிளகாய், சிக்கன், உப்பு, மஞ்சள்தூள் சேர்த்து வதக்கவும். இதனுடன் அரைத்த பவுடர், கறிவேப்பிலை, வெங்காயம், குடமிளகாய், நறுக்கிய கொத்தமல்லித்தழை சேர்த்துக் கிளறி இறக்கிச் சூடாகப் பரிமாறவும்.  

Do you like the story?

Please Appreciate the Author by clapping!