வெளியிடப்பட்ட நேரம்: 19:20 (21/11/2018)

கடைசி தொடர்பு:19:51 (21/11/2018)

சுஜாவருணியின் திருமண ஆடைகள் இவ்வளவு ஸ்பெஷலானதா?

சுஜாவின், ப்ரீ வெடிங் போட்டோ ஷூட், நிச்சயதார்த்தம், திருமணம், ரிசப்சன் ஆகிய நிகழ்வுகளுக்கு, அவருக்குத் தேர்வு செய்த புடவைகள் அனைத்துமே பாரம்பர்ய முறையில் நெய்யப்பட்டவை

சுஜாவருணியின் திருமண ஆடைகள் இவ்வளவு ஸ்பெஷலானதா?

திருமணம்

பிரியா ரீகன்`பிக்பாஸ்' புகழ் சுஜா வருணியின் திருமணம் கோலாகலமாக  நடைபெற்று முடிந்திருக்கிறது. சிவாஜிகணேசன் குடும்பத்தைச் சேர்ந்த, நடிகர் சிவக்குமாருடன் தன்னுடைய மணவாழ்வைத் தொடங்கியிருக்கிறார் சுஜா. மணப்பெண் சுஜா வருணியின் ஆடை, நிகழ்ச்சிக்கு வந்திருந்தவர்களை மிகவும் கவர்ந்திருந்தது. அதன் சிறப்பம்சம் பற்றி, அந்த ஆடையை டிஸைன் செய்த ப்ரியா ரீகனிடம் பேசினேன்.  ``சுஜாவின், ப்ரீ வெடிங் போட்டோ ஷூட், நிச்சயதார்த்தம், திருமணம், ரிசப்சன் ஆகிய நிகழ்வுகளுக்கு, அவருக்குத் தேர்வு செய்த புடவைகள் அனைத்துமே பாரம்பர்ய முறையில் நெய்யப்பட்டவை. அதற்கு ஏற்ப டிரெடிஷனலான முறையில் ப்ளவுஸ்களையும் வடிவத்தோம்.

ப்ரீ வெடிங் ஷூட்டுக்காக, சுஜா தேர்வு செய்திருந்த சிவப்புநிற புடவைக்குச் சற்று கான்ட்ராஸ்டாக, ரோஸ் நிறத்தில் கேப் டிசைன் ப்ளவுஸைத் தயாரித்தோம். இந்த மிக்ஸ் மேட்ச் டிரெடிஷனல் புடவையிலும் டிரெடிண்டியான தோற்றத்தைத் தந்தது.

சுஜா வருணி              

நிச்சயதார்த்தத்துக்கு, பச்சைநிற புடவைக்கு பிங்க் நிறத்தில் ப்ளவுஸ் வடிவமைத்தோம். மணமகன் சிவக்குமாரின் அம்மா பெயர் மீனாட்சி மேலும் அவருக்கு மதுரை மீனாட்சி அம்மன் மீது அதிக ஈடுபாடு என சுஜா சொல்ல, மணமகன் சிவக்குமாரை ஈர்க்கும் விதமாக ப்ளவுஸில் மீனாட்சி அம்மன் உருவம் வரைந்து ஜர்தோஸி வேலைப்பாடுகள் செய்தோம்.

     ப்ளவுஸ்

முகூர்த்தப் புடவைக்கு மேட்ச் செய்யப்பட்ட ப்ளவுஸ் ஒரிஜினலான குந்தன் ஸ்டோன்களால் அலங்கரிக்கப்பட்டதுதான் இன்னும் சிறப்பு.

      ஆடைகள்

ரிஷப்சனுக்காக சுஜா தேர்வு செய்த கோல்டன்நிற புடவைக்கான ப்ளவுஸ் சம்திங் ஸ்பெஷல். கோல்டன் நிற மெட்டீரியலில், சில்வர் நிற ஜர்தோஸி வேலைப்பாடுகளால் மணமக்களின் முதல் எழுத்தான ` S' என்பதை வடிவமைத்திருந்தோம். இவ்வளவு சிரத்தையோடு இருந்ததுதான், சுஜா திருமண ஆடைகள் எல்லோரையும் கவர்ந்தது" என்றார் ப்ரியா ரீகன்.