Published:Updated:

விகடன் போஸ்ட்: ஆபாச அரக்கர்கள் + ஆளும்கட்சி புள்ளிகள், கீதாஜீவன் வைரல் ஆடியோ, மீண்டும் ஜாபர்சேட்!

நமது நிருபர்
விகடன் போஸ்ட்: ஆபாச அரக்கர்கள் + ஆளும்கட்சி புள்ளிகள், கீதாஜீவன் வைரல் ஆடியோ, மீண்டும் ஜாபர்சேட்!
விகடன் போஸ்ட்: ஆபாச அரக்கர்கள் + ஆளும்கட்சி புள்ளிகள், கீதாஜீவன் வைரல் ஆடியோ, மீண்டும் ஜாபர்சேட்!
விகடன் போஸ்ட்: ஆபாச அரக்கர்கள் + ஆளும்கட்சி புள்ளிகள், கீதாஜீவன் வைரல் ஆடியோ, மீண்டும் ஜாபர்சேட்!


ஆபாச அரக்கர்கள் + ஆளும்கட்சி புள்ளிகள் 

விகடன் போஸ்ட்: ஆபாச அரக்கர்கள் + ஆளும்கட்சி புள்ளிகள், கீதாஜீவன் வைரல் ஆடியோ, மீண்டும் ஜாபர்சேட்!

“உன்னை  ஃப்ரெண்டுனு நம்பித்தான வந்தேன்... இப்பிடிப் பண்றீயே... ப்ளீஸ் விட்டுரு!’ என்று கதறுகிறார் அந்த இளம்பெண். அதைத் துளியும் பொருட்படுத்தாமல், அந்தப் பெண்ணின் மேலாடையை உரித்து, தனக்குப் பின்னால் இருப்பவனிடம் கையைக்காட்டி வீடியோ எடுக்கச்சொல்கிறான், அந்தக் கொடூரன்.  திடீரென நுழையும் கும்பலைப் பார்த்து, அதிர்ச்சியிலும் அவமானத்திலும் துடிதுடித்துப்போகிறார், அந்த இளம்பெண். கைகளை மார்பின் குறுக்கே மறைத்துக்கொண்டு, அனைவரின் காலில் விழுந்து மன்றாடுகிறார். இறுதியில் எல்லோரும் சேர்ந்து அவளை சிதைக்கிறார்கள். இப்படி ஒன்று இரண்டு அல்ல... எக்கச்சக்கமான வீடியோக்கள். ஒவ்வொரு பெண்ணின் கதறலையும், கண்ணீரையும் பார்க்கும்போது, இதயம் நொறுங்குகிறது... ‘இந்த மிருகங்களை என்ன செய்யலாம்?’ என்று மனம் கொதிக்கிறது  நூற்றுக்கணக்கான பெண்களைச் சீரழித்த கொடுமை, பொள்ளாச்சியில் நடந்த பயங்கரம்.., ஜூனியர் விகடன் கவர் ஸ்டோரியை படிக்க க்ளிக் செய்க... 

விகடன் போஸ்ட்: ஆபாச அரக்கர்கள் + ஆளும்கட்சி புள்ளிகள், கீதாஜீவன் வைரல் ஆடியோ, மீண்டும் ஜாபர்சேட்!

"தே.மு.தி.க எடுத்த முடிவுதான் என்னவாம்?"

"விஜயகாந்த் ஆக்டிவ்வாக இருந்திருந்தால், இந்த நிலை வந்திருக்குமா என்று தொண்டர்களே குமுறுகிறார்கள். ஒரேநாளில் அ.தி.மு.க–வுடனும், தி.மு.க–வுடனும் பேசியதில் தே.மு.தி.க பெயர் 'பஞ்சர்' ஆகிவிட்டது. ஹோட்டலில் பியூஷ் கோயலுடன் சுதீஷ் பேசிக்கொண்டிருந்தபோதே, துரைமுருகனைச் சந்திக்க தே.மு.தி.க நிர்வாகிகள் போனதில் பி.ஜே.பி நிர்வாகிகள் கடுப்பாகிவிட்டார்களாம்!"

விகடன் போஸ்ட்: ஆபாச அரக்கர்கள் + ஆளும்கட்சி புள்ளிகள், கீதாஜீவன் வைரல் ஆடியோ, மீண்டும் ஜாபர்சேட்!

அப்புறம் எப்படி விஜயகாந்த் படத்தை மேடையில் வைத்தார்கள்?" 

"ஒரு நம்பிக்கையில் வைத்தார்கள், தே.மு.தி.க கொடிகளையும் கட்டினார்கள். ஆனால், முடிவாகாத காரணத்தால், அந்தக் கொடிகளை அகற்றிவிட்டு, அ.தி.மு.க கொடிகளைக் கட்டிவிட்டார்கள். அதே போல், பிரசாரக் கூட்டம் தொடர்பான பத்திரிகை விளம்பரங்களிலும் விஜயகாந்த் பெயர் இடம்பெறவில்லை. மார்ச் 6-ம் தேதி அமாவாசை என்பதால், அன்று எப்படியும் கூட்டணி உறுதியாகிவிடும் என எல்லோரும் எதிர்பார்த்தனர். எதுவும் நடக்கவில்லை."

- திசைதெரியாமல் தே.மு.தி.க நிற்கிறது. இந்த நிலையின் பின்னணியில் நடந்தவற்றை முழுமையாக விவரிக்கும் மிஸ்டர் கழுகு, தி.மு.க கூட்டணி கச்சிதமாக முடிந்தது பற்றியும் கூறியிருக்கிறார். 'கரம் கொடுக்கிறார்களா... கழற்றி விடுகிறார்களா?' என்ற மிஸ்டர் கழுகு பகுதியை முழுமையாக வாசிக்க 

விகடன் போஸ்ட்: ஆபாச அரக்கர்கள் + ஆளும்கட்சி புள்ளிகள், கீதாஜீவன் வைரல் ஆடியோ, மீண்டும் ஜாபர்சேட்!

தேறுமா தே.மு.தி.க?

'குடிகாரன்' என்கிற கடும் விமர்சனத்தை விஜயகாந்த் மீது வைத்த ஜெயலலிதா, அவரிடமே 2011 சட்டசபைத் தேர்தலில் கூட்டணி அமைத்ததற்குக் காரணம், 2009 எம்.பி தேர்தலில் தே.மு.தி.க பெற்ற வாக்குகள்தான். அ.தி.மு.க கூட்டணியில் தே.மு.தி.க 41 தொகுதிகளைப் பெற்று, 29 இடங்களில் வென்றது. எதிர்க்கட்சித் தலைவர் ஆனார் விஜயகாந்த். ஆனால், அதைத் தக்க வைத்துக்கொள்ளத் தவறினார். தே.மு.தி.க எம்.எல்.ஏ-கள், 'தொகுதிப் பிரச்னைக்காக' (!) அம்மாவைப் பார்த்தார்கள். அடுத்தடுத்து தே.மு.தி.க எம்.எல்.ஏ-க்கள் முகாம் மாற... கட்சியும் கரைய ஆரம்பித்தது. 

விகடன் போஸ்ட்: ஆபாச அரக்கர்கள் + ஆளும்கட்சி புள்ளிகள், கீதாஜீவன் வைரல் ஆடியோ, மீண்டும் ஜாபர்சேட்!

தே.மு.தி.க செல்வாக்கு சரிவு, விஜயகாந்த் உடல்நிலை இப்படியான சூழலில் நாடாளுமன்றத் தேர்தலை எதிர்கொள்ளக் காத்திருக்கிறது தே.மு.தி.க. இப்போது தே.மு.தி.க-வுக்கு ஏற்பட்டிருக்கும் மவுசு செல்வாக்கால் அல்ல, சூழலால்.

- தே.மு.தி.க. கடந்துவந்த பாதையையும், தற்போதயைச் சூழலையும் கச்சிதமாகக் கட்டமைத்துள்ள 'தேறுமா தே.மு.தி.க?' எனும் ஆனந்த விகடன் சிறப்பு அலசலை முழுமையாக வாசிக்க 

விகடன் போஸ்ட்: ஆபாச அரக்கர்கள் + ஆளும்கட்சி புள்ளிகள், கீதாஜீவன் வைரல் ஆடியோ, மீண்டும் ஜாபர்சேட்!

ஊழலில் சீரழியும் அரசு போக்குவரத்துக்கழகம்!

பத்தே பேருந்துகள் வைத்துள்ள ஒரு தனியார் நிறுவனம், ஆண்டுக்குப் பல கோடி ரூபாய் வருவாய் பார்க்கிறது. ஆனால், 22 ஆயிரத்துக்கும் அதிகமான பேருந்துகளை வைத்திருக்கும் அரசுப் போக்குவரத்துக் கழகம், 20 ஆயிரம் கோடி ரூபாய் கடனில் மூழ்கிக்கிடக்கிறது. ஊழல், முறைகேடு, நிர்வாகச் சீர்கேடு... என்று இதற்கான காரணங்கள் ஏராளம். 

விகடன் போஸ்ட்: ஆபாச அரக்கர்கள் + ஆளும்கட்சி புள்ளிகள், கீதாஜீவன் வைரல் ஆடியோ, மீண்டும் ஜாபர்சேட்!

இந்த நிலையில், பராமரிப்புக்கு பல கோடி ரூபாய் நிதி ஒதுக்கியும், ஊழலால் போக்குவரத்துக்கழகங்கள் சிக்கிச் சீரழிவதைத் தகவல் அறியும் உரிமைச் சட்டம் மூலம் புள்ளிவிவரங்களுடன் வெளிச்சத்துக்குக் கொண்டுவந்துள்ளார், கோவையைச் சேர்ந்த சமூக ஆர்வலர் டேனியல் ஜேசுதாஸ். தமிழகம் முழுவதும் உள்ள போக்குவரத்துக் கழகங்களில், ஒவ்வோர் ஆண்டும் பராமரிப்புக்காக எவ்வளவு பணம் செலவிடப்படுகிறது என்பதுதான் அவர் கேட்டுள்ள முக்கியக் கேள்வி. இதன்படி, கடந்த 2012 ஜனவரி முதல் 2018 மே மாதம் வரை போக்குவரத்துக் கழகங்கள் சார்பில்  2000 கோடி ரூபாய்க்கும் அதிகமாகப் பராமரிப்புக்காக மட்டுமே செலவழித்தது தெரியவந்துள்ளது.

- புள்ளிவிவரங்களுடன் அம்பலப்படுத்தும் ஆர்.டி.ஐ ஆர்வலரை முன்வைத்து ஜூனியர் விகடன் வெளியிட்டுள்ள 'ஊழலில் சீரழியும் அரசு போக்குவரத்துக் கழகம்! - பராமரிப்பு பெயரில் பலகோடி ரூபாய் சுருட்டல்' எனும் சிறப்பு அலசல் கட்டுரையை முழுமையாக வாசிக்க 

விகடன் போஸ்ட்: ஆபாச அரக்கர்கள் + ஆளும்கட்சி புள்ளிகள், கீதாஜீவன் வைரல் ஆடியோ, மீண்டும் ஜாபர்சேட்!

"இதிலும் சாதிதான் களம்!" 

"சாதிய அரசியல்தான் 'உறியடி 2' -வின் அடிப்படையா?"

" 'உறியடி'யில ஹீரோ மோட்டிவ் கிடையாது. சாதியை வெச்சு அரசியல் பண்ற வில்லன்தான், மோட்டிவ். 'உறியடி 2' படத்திலும் இது கண்டிப்பா இருக்கும். இதைத் தாண்டி, ஒரு கட்டத்துக்குப் போயிருக்கோம். இதுல அரசியல் மட்டுமில்லாம, அரசியல்வாதிகளை ஆட்டிப்படைக்கிற முதலாளித்துவம் பற்றியும் பேசியிருக்கோம். யார் இங்கே பெருசுனு இப்பெல்லாம் வெளிப்படையாவே தெரியுது. முன்னாடியெல்லாம் சாதியும், சாதிப்பற்றும் ஒருத்தனுடைய தனிப்பட்ட விஷயமா இருந்தது. இப்போ அது, அரசியலா மாற்றப்பட்டிருக்கு. இந்த மாதிரி நிறைய விஷயங்களை 'உறியடி 2' பேசும்."

"சாதியை எதிர்த்துப் படம் பண்றது ஆரோக்கியமான விஷயம். அதேசமயம், சாதியைப் பெருமைப்படுத்தி வர்ற சில சினிமாக்களை எப்படிப் பார்க்கிறீங்க?"

விகடன் போஸ்ட்: ஆபாச அரக்கர்கள் + ஆளும்கட்சி புள்ளிகள், கீதாஜீவன் வைரல் ஆடியோ, மீண்டும் ஜாபர்சேட்!

"என்னைப் பொறுத்தவரை, இதுவும் ஒருவித அரசியல்தான். அதுல இருக்கிற பிசினஸ்ஸைப் புரிஞ்சுக்கிட்டு பண்றது ரொம்பத் தப்பான விஷயம். வளர்ச்சியை நோக்கிப் படம் எடுக்காம, இன்னும் பின்னோக்கிப் போறது ஆரோக்கியமான விஷயமில்லை. அன்பை போதிக்காம, சாதிப் பெருமையைப் போதிக்கிறது, விரோதத்தைப் போதிக்கிறதுக்குச் சமம். ஆனா, மக்கள் இப்போ ரொம்பத் தெளிவா இருக்காங்க. சிலர் அந்த மாதிரியான படங்களை ஆதரிச்சாலும், பலரும் எதிர்க்கத்தான் செய்றாங்க. இனிமேலும் அதைச் செய்யணும்." 

- பல்வேறு தடைகளைக் கடந்து வெளியான படம், 'உறியடி.' வணிக ரீதியில் வெற்றிபெறவில்லையென்றாலும், பலதரப்பு மக்களால் பெரிதளவில் பாராட்டுகளைப் பெற்ற படம். இப்படத்தின் இரண்டாம் பாகம், சூர்யா தயாரிப்பில் உருவாகியிருக்கிறது. படத்தின் இயக்குநரும் நடிகருமான விஜய் குமார் அளித்த "இதிலும் சாதிதான் களம்!" எனும் ஆனந்த விகடன் பேட்டியை முழுமையாக வாசிக்க

விகடன் போஸ்ட்: ஆபாச அரக்கர்கள் + ஆளும்கட்சி புள்ளிகள், கீதாஜீவன் வைரல் ஆடியோ, மீண்டும் ஜாபர்சேட்!

விவசாய மறுமலர்ச்சி எப்போது?

2016-ம் ஆண்டுக்குப் பிறகு, விவசாயிகளின் தற்கொலை எண்ணிக்கையைச் சொல்லும் `தேசிய குற்றப் பதிவு பணியக'த்தின் (National Crime Records Bureau – NCRB) தரவுகளை அரசு வெளியிடவில்லை. இதை வெளியிடச் சொல்லி இவர், மத்திய அரசை வலியுறுத்தியதுடன், பிரச்னைகளுக்குத் தீர்வு காணவும் அழுத்தம்கொடுத்தார்.

விகடன் போஸ்ட்: ஆபாச அரக்கர்கள் + ஆளும்கட்சி புள்ளிகள், கீதாஜீவன் வைரல் ஆடியோ, மீண்டும் ஜாபர்சேட்!

இந்தியாவெங்கும் வசித்துவரும் சுமார் ஒன்பது கோடி விவசாயக் குடும்பங்களில் 70% பேர்,கடன் தொல்லையில் மாட்டிக்கொண்டிருக்கிறார்கள். 

50% விவசாயிகளின் தற்கொலைக்கு இதுவே பிரதானமான காரணமாக இருந்திருக்கிறது. கிராமப் புறங்களில் வசித்துவரும் ஒரு விவசாயக் குடும்பத்தின் சராசரி கடன்தொகை சுமார் ரூ.1,03,457 ஆகும். அது, அவர்களது சொத்தில் (நிலம், கட்டடம், கால்நடை, உபகரணங்கள், பணம் மற்றும் வங்கியிருப்பு) சுமார் 8.5 சதவிகிதமாகும்.

- விவசாயத் துறை குறித்தும், விவசாயிகள் குறித்தும் அவர்களின் பிரச்னைக்கான தீர்வு என்ன என்பது குறித்தும் `கள ஆய்வு' செய்து ரூரல் மேனிஃபெஸ்ட்டோ – ரியலைசிங் இண்டியா'ஸ் ஃப்யூச்சர் த்ரூ ஹெர் வில்லேஜஸ் (Rural Manifesto – Realizing India's Future Through Her Villages) என்ற பிரமாண்டமான நூலை எழுதியிருப்பவர், மக்களவைக்கு 2009-ம் ஆண்டில் பிலிஃபிட்டிலிருந்தும், 2014-ம் ஆண்டு சுல்தான்பூர் தொகுதியிலிருந்தும் தேர்ந்தெடுக்கப்பட்ட பா.ஜ.க உறுப்பினர் ஃபெரோஸ் வருண் காந்தி (சஞ்சய் காந்தி – மேனகா காந்தியின் புதல்வர்).

800-க்கும் மேற்பட்ட பக்கங்களில் 11 தலைப்புகளில் இந்தியாவின் கிராமப்புற நிலவரத்தையும், விவசாயத் துறை சார்ந்தவர்கள் படும் சிரமங்களையும் புள்ளிவிவரங்களுடன் கண்முன் கொண்டுவந்து நிறுத்தும் இந்நூலில், முக்கிய அம்சங்களை 'விவசாய மறுமலர்ச்சி எப்போது?' எனும் பசுமை நூலகம் பகுதியில் முழுமையாக வாசிக்க 

விகடன் போஸ்ட்: ஆபாச அரக்கர்கள் + ஆளும்கட்சி புள்ளிகள், கீதாஜீவன் வைரல் ஆடியோ, மீண்டும் ஜாபர்சேட்!

மீண்டும் ஜாபர்சேட்! - அரசு ஆடும் ஐ.பி.எஸ் ஆட்டம்...

ஒடிசா மாநிலத்தைச் சேர்ந்த புஜாரி, 1991 பேட்ஜ் ஐபிஎஸ் அதிகாரி. நேர்மையும், நுண்ணறிவும் மிக்கவர். அதே அம்ரேஷ் புஜாரிதான், தற்போது அருப்புக்கோட்டை கல்லூரிப் பேராசிரியை நிர்மலா தேவி விவகாரம் ஆரம்பித்து, முகிலன் மர்மமான முறையில் காணாமல்போனது வரை முக்கியமான வழக்குகளை விசாரிக்கும் சி.பி.சி.ஐ.டி பிரிவின் கூடுதல் டி.ஜி.பி ஆக இருந்துவந்தார். அவரைத் தான் இப்போது மீண்டும் வண்டலூரில் உள்ள போலீஸ் அகாடமிக்கு தூக்கியடித்துள்ளது தமிழக அரசு. "அரசு சொன்னதைச் செய்திருந்தால், சட்டம் - ஒழுங்கு டி.ஜி.பி என்ற பதவியைப் பெற்றிருக்கவேண்டியவர். அதை மறுத்ததால், மீண்டும் வண்டலூருக்குப் போயிருக்கிறார்" என்கிறார்கள், அவரைப்பற்றி அறிந்த நேர்மையான போலீஸ் அதிகாரிகள்.

விகடன் போஸ்ட்: ஆபாச அரக்கர்கள் + ஆளும்கட்சி புள்ளிகள், கீதாஜீவன் வைரல் ஆடியோ, மீண்டும் ஜாபர்சேட்!

"கடந்த ஒரு வருடமாக நிர்மலாதேவி சிறையில் இருக்கிறார். அவரைப் பிணையில் விட மேலிடத்தில் உள்ள சிலருக்கு விருப்பம் இல்லை. இதைப் புரிந்துகொண்ட நீதிமன்றம், 'அவரென்ன சூப்பர் குற்றவாளியா?' என்று கிடுக்கிப்பிடி கேள்விகளை காவல் துறையிடம் கேட்டது. ஒருகட்டத்தில், 'நிர்மலா தேவியை ஜாமீனில்விட ஆட்சேபனை இல்லை' என்று அரசு தரப்பில் சொல்லப்பட்டது. இப்படிச் சொல்ல அம்ரேஷ் புஜாரிதான் காரணம் என ஆட்சி மேலிடத்துக்குத் தகவல் போயிருக்கிறது... - இது தொடர்பான உள் விவகாரங்களை உள்ளபடியே அறிந்து அடுக்குகிறது 'மீண்டும் ஜாபர்சேட்! - அரசு ஆடும் ஐபிஎஸ் ஆட்டம்...' எனும் ஜூனியர் விகடன் சிறப்பு செய்திக் கட்டுரையை முழுமையாக வாசிக்க 

விகடன் போஸ்ட்: ஆபாச அரக்கர்கள் + ஆளும்கட்சி புள்ளிகள், கீதாஜீவன் வைரல் ஆடியோ, மீண்டும் ஜாபர்சேட்!

விகடன் ஃப்ளாஷ்பேக் (26/02/2015): "தி.மு.க-வும் அ.தி.மு.க-வும் ஒழிந்தால்தான் தமிழ்நாடு உருப்படும்" - ராமதாஸ் தாண்டவம்

''காலங்கள் மாறும்... காட்சிகள் மாறும் என்பது இயற்கையின் நியதி; வரலாற்று விதி. அதுதான் இதுவரை நடந்துகொண்டிருக்கிறது; இனியும் நடக்கும். ஆனால், எது மாறினாலும் என்னைப் பற்றி கட்டமைக்கப்பட்ட தவறான சில அபிப்ராயங்கள் மட்டும் மாறவில்லை. அதை மாறவிடாமல் தடுப்பது சில ஊடகங்கள்தான். அவை என்னைப் பற்றி தவறான பிரசாரங்களைத் தொடர்ந்து செய்துகொண்டே இருக்கின்றன. சரி... பேட்டி எனக் கேட்கிறீர்கள். என் விளக்கத்தைச் சொல்ல இதை ஒரு வாய்ப்பாக எடுத்துக்கொள்கிறேன்'' - கொஞ்சம் கோபம், நிறைய ஆதங்கத்துடன் தைலாபுரம் தோட்டத்தில் தயாராகிறார் பாட்டாளி மக்கள் கட்சி நிறுவனர் ராமதாஸ். 

''ஒவ்வொரு தேர்தலுக்கு முன்பும், 'இனிமேல் திராவிடக் கட்சிகளோடு கூட்டணி இல்லை. தேசியக் கட்சிகளோடு கூட்டணி இல்லை' எனச் சொல்கிறீர்கள். ஆனால், தேர்தல் சமயத்தில் அந்த நிலைப்பாட்டை உடனடியாக மாற்றிக்கொள்கிறீர்களே... ஏன்?''

விகடன் போஸ்ட்: ஆபாச அரக்கர்கள் + ஆளும்கட்சி புள்ளிகள், கீதாஜீவன் வைரல் ஆடியோ, மீண்டும் ஜாபர்சேட்!

''தேர்தல் சமயத்தில் தி.மு.க., அ.தி.மு.க கட்சிகளோடு கூட்டணி வைத்ததற்காக, நான் தமிழ்நாட்டு மக்களிடம் பல முறை மன்னிப்புக் கேட்டிருக்கிறேன். எதிர்காலத்தில் இப்படி ஒரு கேள்வி எழக் கூடாது. இதுபோன்ற விமர்சனம் வரக் கூடாது என்பதற்காகத்தான், எங்கள் கட்சியின் முதலமைச்சர் வேட்பாளரை இப்போதே அறிவித்துவிட்டோம். நாங்கள் மாறி மாறி கூட்டணி வைப்பவர்கள் என்ற வாதத்துக்கு முற்றுப்புள்ளி வைக்கத்தான் இந்த முடிவு.''

'' 'திராவிடக் கட்சிகளுடன் கூட்டணி கிடையாது' எனச் சொல்லும், நீங்கள் தேசியக் கட்சிகளுடன் கூட்டணியில் தொடர்கிறீர்கள்... அவற்றைவிட திராவிடக் கட்சிகள் ஆபத்தா?''

''தேசியக் கட்சிகளைவிட தி.மு.க-வும் அ.தி.மு.க-வும் நிச்சயம் ஆபத்தான கட்சிகள்தான். இந்த இரண்டு கட்சிகளும் 48 ஆண்டுகாலமாக மாறி மாறி ஆண்டு, தமிழ்நாட்டைச் சீரழித்துவிட்டன. இந்த இரண்டு கட்சிகளும் ஒழிந்தால்தான் தமிழ்நாடு உருப்படும். வேரோடும் வேரடி மண்ணோடும் இந்தக் கட்சிகளை வீழ்த்த வேண்டும். இந்த இரண்டு கட்சிகளும் நாட்டிலேயே இனி இருக்கக் கூடாது.''

- விகடன் ஃப்ளாஷ்பேக் தேடலில் கிடைத்த ஆகச் சிறந்த பேட்டி இது. இங்கே இருப்பது வெறும் இரண்டு கேள்விகளும் பதில்களும்தான். இதேபோல் பல கேள்விகளையும் தாண்டவ பதில்களையும் 26/02/2015 தேதியிட்ட ஆனந்த விகடனில் முழுமையாக வாசிக்க