நானே கேள்வி... நானே பதில்!

##~## . ''மிரட்டல்களில் உங்களுக்குப் பிடித்த மிரட்டல் எது?''

. ''பெரியாரின் பிளாக்மெயில். காதல், திருமணம், குழந்தைப்பேறு ஆகியவைபற்றி பல அதிர்ச்சி அளிக்கும் கருத்துகளைச் சொன்ன பெரியார்தான், தமிழகத்தில் முதன்முறையாக விவாகரத்துபற்றியும் குடும்பக் கட்டுப்பாடு பற்றியும் வலியுறுத்திப் பேசியவர்.

. 'காதலுக்கு வழிவைத்து கருப்பாதை சாத்த கதவொன்று கண்டறிவோம் இதில் என்ன குற்றம்?’

. - என்று குடும்பக் கட்டுப்பாடுபற்றி கவிதை தீட்டினார், பெரியார் வழியில் வந்த பாவேந்தர் பாரதிதாசன். 1930-களிலேயே விவாகரத்தை வலியுறுத்தி, 'ஆண்களுக்கும் பெண்களுக்கும் கல்யாண விடுதலை வேண்டும்’ என்று செங்கல்பட்டு சுய மரியாதை மாநாட்டில் பெரியார் தீர்மானம் நிறைவேற்றினார். அப்போது, தமிழகத்தில் இருந்த பழமைவாதிகள், விவாகரத்தை மறுத்துப் பேசினார்கள். அப்போது பெரியார் எழுதினார்,

. 'நமது நாட்டிலும் மற்ற நாடுகளில் இருப்பதுபோல கல்யாண ரத்துக்குச் சட்டம் சமீபத்தில் ஏற்படாமல் போகுமாயின், கல்யாண மறுப்புப் பிரசாரமும், கல்யாணம் ஆன புருஷர்களுக்கும் பெண்களுக்கும் பல தார மணப் பிரசாரமும்தான் செய்ய வேண்டியது வரும்’ என்றார். என்ன ஒரு தில்லான மிரட்டல்!''

. - அக்ஷயா, வேலூர்.

. '' 'காந்தி உயிருடன் இருந்திருந்தால், அவரும்கூட ஊழல் செய்திருப்பார்’ என்கிறாரே கர்நாடக முன்னாள் முதல்வர் குமாரசாமி?''

. ''இது காந்தியைத் துளைத்த நான்காவது குண்டு!''

. - ஆர்.ஆர்.உமா, திசையன்விளை.

. '' 'கத்தி எடுத்தவன் கத்தியால்தான் சாவான்’ என்பதைத்தானே ஒசாமா பின்லேடனின் மரணம் காட்டுகிறது?''

. ''சதாம் உசேன், ஒசாமா பின்லேடன் இருவரையுமே உருவாக்கியதும் அமெரிக்காதான், அழித்ததும் அமெரிக்காதான். கத்தியை எடுத்தவன் மட்டும்தான் கத்தியால் சாவானா? கத்தியை உருவாக்குபவர்களுக்கு, இந்தப் பழமொழிகள் பொருந்தாதோ?''

. - கா.வினோதினி, சேலம்.

. '' 'ராணா படமாவது, கானா படமாவது’ என்று சொன்னதற்காக ரஜினி ரசிகர்கள் வடிவேலுவுக்கு எதிராகக் கொதிக்கிறார்களே?''

. ''பொதுவாகவே, வெளியில் வீராவேசமாக வடிவேலு பேசி வந்தாலும், உள்ளுக்குள் ஒரு உதைப்பு இருக்கும்... 'உளவுத் துறை அளவுக்கு நான் வொர்த் இல்லைங்க!’.''

. - பா.நகைமுகன், மதுரை.

. ''தேடிச் செல்லுதல், தேடி வரவழைத்தல்... இரண்டில் எது சிறந்தது?''

. ''கருணாநிதியிடம் கேட்க வேண்டிய கேள்வி. 'அஜீரணக் கோளாறால் மருத்துவமனையில் சேர்க்கப்பட்ட ரஜினிகாந்த்தை, முதல்வர் மருத்துவமனைக்கே சென்று பார்த்தார். தாதா சாகேப் பால்கே விருதுபெற்ற பாலசந்தரோ, முதல்வரை வீட்டுக்குச் சென்று பார்த்தார்!''

. - பா.மதி, சென்னை-91.

நானே கேள்வி... நானே பதில்!

Vikatan Correspondent