Published:Updated:

தமிழர்கள் வாழ்த்த... மங்கள வாத்தியம் முழங்க... நாகையில் ஒரு சீன கல்யாணம்!

விகடன் விமர்சனக்குழு
தமிழர்கள் வாழ்த்த... மங்கள வாத்தியம் முழங்க... நாகையில் ஒரு சீன கல்யாணம்!
தமிழர்கள் வாழ்த்த... மங்கள வாத்தியம் முழங்க... நாகையில் ஒரு சீன கல்யாணம்!

நாகை அருகே, இந்து முறைப்படி சீன ஜோடி திருமணம் செய்து கொண்டனர். இந்த திருமணத்தில் சீனர்களும் தமிழர்களும் ஏராளமானோர் கலந்து கொண்டு புது மண தம்பதியினரை வாழ்த்தினர்.

தமிழர்கள் வாழ்த்த... மங்கள வாத்தியம் முழங்க... நாகையில் ஒரு சீன கல்யாணம்!

சீனாவை சேர்ந்தவர்கள் கோங் ஜோங். இவரும் ஆன்யா யூ என்ற பெண்ணும் காதலித்து வந்தனர். ஆனால் இவர்கள் இருவருக்குமே தங்களது திருமணத்தை இந்து முறைப்படி இந்தியாவில் நடத்த வேண்டுமென்பது தீராத ஆசை.  இதனைத் தொடர்ந்து நாகை மாவட்டம்,  சீர்காழி அருகேயுள்ள தென்னலங்குடியில் வசிக்கும்  நண்பர்களிடம் தங்களது ஆசையை வெளிப்படுத்தினர்.

தொடர்ந்து தென்னலக்குடியில் கோங் ஜோங் - ஆன்யா யூவுக்கு இந்து முறைப்படி திருமணம் செய்து வைக்க இன்று ஏற்பாடுகள் செய்யப்பட்டது. திருமணத்திற்காக சீனாவில் இருந்து மணமக்களின் பெற்றோர்கள், உறவினர்கள், நெருங்கிய நண்பர்கள் தென்னலக்குடிக்கு வந்திருந்தனர். அத்துடன் தென்னலக்குடியை சேர்ந்த பொதுமக்களும் ஏராளமானோர் திருமணத்தில் பங்கேற்றனர்.

மணமகன் கோங் ஜோங் பட்டு வேட்டி அணிந்தும், மணப்பெண ஆன்யா யூ பட்டு சேலை அணிந்தும் தமிழக மணமக்கள் போலவே காட்சியளித்தனர்.

தொடர்ந்து இந்து பாரம்பர்யப்படி,  அம்மி மிதித்து அருந்ததி பார்த்து...  மங்கள வாத்தியங்கள் முழங்க கிராம மக்களின் ஆசியோடு, சீன காதலர்களின் திருமணம் தமிழ் முறைப்படி நடைபெற்றது.

திருமணத்தில் பங்கேற்றவர்களுக்கு தமிழக முறைப்படி விருந்து பரிமாறப்பட்டது.