நானே கேள்வி... நானே பதில்!

##~## . ''அத்வானி முதல் ஜெயலலிதா வரை மன்மோகன் சிங்கைச் 'செயல்படாத பிரதமர்’ என்று குற்றம் சாட்டுகிறார்களே?''

. ''யார் சொன்னது..? பெரு முதலாளிகளுக்கும், அமெரிக்காவுக்கும், தனது அமைச்சரவையில் உள்ள ஊழல் அரசியல்வாதிகளுக்கும் ஆதரவாகச் 'செயல்படத்தானே’ செய்கிறார் அவர்!''

. - அ.பேச்சியப்பன், ராஜபாளையம்.

. ''முதல்வர் ஆகும் கனவுடன் நடிக்கலாம். ஆனால், முதல்வர் ஆன பிறகு நடிக்கக் கூடாதாமே... என்னங்க இது?!''

. ''முதல்வர் ஆனதும் சினிமாவைத் துறந்தது ஏன் என்ற கேள்விக்கு எம்.ஜி.ஆர். சொன்ன விளக்கத்தைப் படியுங்கள்: 'சட்டத்துக்குத்தான் கட்டுப்பட வேண்டும் என்று இல்லை. மரபு என்கிற முறையிலும் சில முடிவுகளுக்குக் கட்டுப் படத்தான் வேண்டும். நேரு பிரதமராக இருந்த சமயம், முதல்வர் பதவியில்

. இருக்கும்போது, யாரும் எந்த நிறுவனத்திலும் பங்குதாரராக இருக்கக் கூடாது என்ற மரபினை அனைத்து முதல்வர்களையும் கடைபிடிக்கச் சொன்னார். அதனால்தான் முதல்வரான பிறகு நான் நடிப்பதை நிறுத்த நேரிட்டது. சட்டப்படி நடிப்பதைத் தடுக்க முடியாதுதான். ஆனாலும் மரபுப்படி நடந்து வருகிறேன்!’ ''

. - ஜி.சிவராமகிருஷ்ணன், தேனி.

. ''கோடைக்கு ஏற்றாற்போல ஒரு குளுகுளு கவிதை..?''

. ''மலையாளக் கவிஞர் பி.ராமனின் கவிதை வரிகள் இவை...

. 'உன் பாத்திரத்தை நிறைக்க அருவிக்கு ஒரு புன்னகை போதும்!’ ''

. - கா.மதிவதனி, சேலம்.

. ''லிபியா அதிபர் கடாபி வீடு மீதான தாக்குதல், ஒசாமா பின்லேடனை வீழ்த்தியது என்று அமெரிக்காவுக்கு உலக மக்களின் மீதும் அமைதியின் மீதும் அக்கறை அதிகம்தானே?''

. ''அதுதான் உண்மை என்றால், அமெரிக்கப்படைகள் உடனடியாகச் செல்ல வேண்டிய இடம்... இலங்கை அதிபர் மகிந்த ராஜபக்ஷே மாளிகை!''

. - அமுதா, நாமக்கல்.

. ''ஒரு சிரிப்பு அரசியல் ஸ்டேட்மென்ட்?''

. 'அட்சய திருதியை நாளில் ம.தி.மு.க -வின் 18-வது ஆண்டு விழா தொடங்கு வது நம்பிக்கை அளிக்கிறது!’ - நாஞ்சில் சம்பத்.

. ஹைய்யோ... ஹைய்யோ!''

. - எஸ்.கபிலன், திண்டிவனம்.

விகடன் லேட்டஸ்ட்

நானே கேள்வி... நானே பதில்!

Vikatan Correspondent