ஜூஸ் வித் பூஜா!

ஜூஸ் வித் பூஜா . . ‘‘கி ரேக்கத்துல ‘கடவுளின் பானம்’னு சொல்வாங்க கிரேப் ஜூஸை! அநேகமாக மனிதனுக்கு அறிமுகமான முதல் ஜூஸ் இதுவாகத்தான் இருக்கும்னு நினைக்கிறேன். ஏன்னா, கி.மு. 1000-ம் ஆண்டிலேயே கிரேப் ஜூஸ் தயாரிச்சிருக்காங்களாம்!’’ என ‘இன்று ஒரு தகவல்’ சொன்ன பூஜா, திராட்சை ரசத்தின் மேன்மைகளைப் பட்டியலிட்டார்.

. இரண்டு கிளாஸ் திராட்சைப் பழரசம் குடிப்பது, ஐந்து பிளேட் பச்சைக் காய்கறிகள் உண்பதற்குச் சமம்.

. ரத்த ஓட்டத்தைத் துரிதமாக்கும்; ரத்தம் கிளாட் ஆவதை, அதாவது, ஆங்காங்கே உறைவதைத் தடுக்கும்.

. திராட்சைப் பழரசத்தை சோடா, கோலாக்களுக்கு பதிலாக அருந்துவது அத்தனை ஆரோக்கியம்! தினமும் மதிய உணவுக்குப் பின் 200 மில்லி கிரேப் ஜூஸ் குடிப்பது நல்லது!

. ஒரு கிளாஸ் கிரேப் ஜூஸில் 80 சதவிகிதம் தண் ணீரும், 60 சதவிகிதம் கலோரிகளும் இருக்கும். நார்ச்சத்து அதிகமுள்ள இதனை ‘டயட்’டில் இருப்பவர்கள் தயங்காமல் குடிக்கலாம்.

. ‘ரெஸ்வெரட்ரால்’ எனப்படும் ஒரு வகை இயற்கை அமிலம் கிரேப் ஜூஸில் அபரிமிதமாக உள்ளது. இந்த அமிலம் கேன்சர் செல்களின் வளர்ச்சியை முடக்கு வதுடன், தேவை இல்லாத கட்டிகளின் வளர்ச்சியையும் கட்டுப்படுத்துகிறது.

. பெண்களுக்குச் சுரக்கும் ஈஸ்ட்ரோஜன் ஹார்மோனின் வேதிவினை மாற்றத்தை கிரேப் ஜூஸ் கட்டுப்படுத்துவதால், மார்பகப் புற்று நோய்க்கான அபாயம் குறைக்கப்படுகிறது.

ஆகையால், என் இனிய தமிழ் மக்களே, எல்லோரும் திராட்சைப் பழரசம் அருந்தி, முக்கியமா சுத்தமான திராட்சைப் பழங்களின் மூலம் தயாரிக்கப்படும் பழரசத்தை அருந்தி, ஆரோக்கியமா இருங்க!

. \ மை.பாரதிராஜா படம்: ‘ப்ரீத்தி’ கார்த்திக்

ஜூஸ் வித் பூஜா!

Vikatan Correspondent