Published:Updated:

நானே கேள்வி... நானே பதில்!

தலைமைச் செயலக திருமண மண்டபம்!

நானே கேள்வி... நானே பதில்!

தலைமைச் செயலக திருமண மண்டபம்!

Published:Updated:
##~##

''சிறை வாழ்க்கை எவ்வளவு கொடுமை யானது?'

''ஆந்திரப் புரட்சிகர எழுத்தாளர் சங்கத்தைச் சேர்ந்த கவிஞர் வரவரராவ், ஆந்திர அரசால் சிறைபடுத்தப் பட்டபோது எழுதிய கடிதங்கள், ஒரு ஆங்கில நாளிதழில் வெளியாகி, 'சிறைப்பட்ட கற்பனை’ என்று புத்தக மாகவும் வெளியானது.

ஒட்டுமொத்த விகடனுக்கும் ஒரே ஷார்ட்கட்!

'உழைப்பற்ற ஒருநாள்
காதலற்ற ஓர் இரவு
வரலாற்றுக் கடலின்
கரைகளில்  காத்திருப்பு’ 
 - என்று சிறையில் இருக்கும் நாட்களை அவர் வர்ணிக்கிறார்.

தண்டனையைக் குறைக்கக் கோரும் மனு, பிணை மனு போன்றவற்றைப்பற்றிக் குறிப்பிடும்போது, 'இந்தத் தாள்களுக்குப் பின்னால் இருப்பவர்கள் மனிதர்கள்’ என்று மனித உரிமை வழக்குகளில் ஈடுபாடு காட்டும் வழக்கறிஞர் கண்ணப்பன் அடிக்கடி சொல்வதைச் சுட்டிக்காட்டுகிறார் அவர். அதை உணர்வுகளாக்கி வரவரராவ் எழுதிய கவிதை இது...

'அந்த உள்ளடக்கச் சீட்டைத் திற
அந்தத் தாள்களில் எங்கள் 
 முகங்களைக் காண்பாய்
எங்களை நீளவாக்கில் 
மடிக்கிறாய்
முத்திரைவைத்த தபால்களைப்போல
முகவரி எழுதித் தூக்கி எறிகிறாய்
எங்கள் முதுகில் வாய்தாக்களை 
எழுதுகிறாய்
பிறகு தூக்கிப் போட்டுவிடுகிறாய்
ஒத்திவைப்புகளுக்கும்
வாதங்களுக்கும் எதிர் வாதங்களுக்கும் 
  இடையில்
மனிதர்களின் தலைகள் உருள்கின்றன
பெனால்டிக்கும் கோலுக்கும் இடையில்
அவர்கள் இதயங்கள் உறைகின்றன
நீதி வழங்கும்
மன்றத்தின் அவைகளில்.''

  - கே.புனிதா, மதுரை-6.

நானே கேள்வி... நானே பதில்!

''கடந்த தி.மு.க. ஆட்சியில் விஜயகாந்த்தின் திருமண மண்டபத்தை இடித்தார்கள். அதற்கு ஆளும் அ.தி.மு.க. ஆட்சி என்ன பரிகாரம் செய்யலாம்?''

''தி.மு.க. ஆட்சியில் கட்டி முடித்துச் செயல்படாமல் கிடப்பில் கிடக்கும் தமிழக தலைமை செயலகக் கட்டடத்தை விஜயகாந்த்திடம் கொடுத்து, திருமண மண்டபமாக நடத்தச் சொல்லலாம். ஆனா ஒண்ணு பாஸ், இந்த ஐடியாவை நான்தான் முதலில் சொல்கிறேன். 'சமச்சீர் கல்விபற்றி நான் அப்பவே சொன் னேன்’ என்று ராமதாஸ் சொல்வதுபோல யாரும் பங்குக்கு வரக் கூடாது. ஆமா!''

- அ.முஹம்மது நிஜாமுத்தீன், நீடூர்.

நானே கேள்வி... நானே பதில்!
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism