வெளியிடப்பட்ட நேரம்: 08:08 (08/02/2017)

கடைசி தொடர்பு:08:08 (08/02/2017)

கண்ட இடத்துல கிறுக்கி வைங்க! #WisdomWednesday #Motivation

நாம் ஏதாவது ஒரு விஷயத்த செய்யலாம்னு நினைக்கும் போதோ அல்லது செய்யப் போகும் போதோதான், அதைச் செய்யவே முடியாத அளவுக்கு முட்டுக்கட்டைகள் வந்து விழும். உடனே, நாமும் இதுதான் சமயமென்று அந்த வேலைக்கு முழுக்கு போட்டுவிடுவோம். ஜிம்முக்கு போறது, யோகா பண்றது, டெய்லி வாக்கிங், வாரம் ஒரு புக் படிக்கறதுனு ஆரம்பிச்சு முட்டுக்கட்டை போட்டு நிக்கற பல விஷயங்களைச் சொல்லலாம். அதுபோல் நடக்காமல் இருக்கணும்னு தான் நானும் நினைக்கிறன். ஆனா, முடியலையேனு சொல்றவரா நீங்க? இந்தா புடிங்க நச்சுனு நாலு டிப்ஸ்!

Motivation Wednesday

உடைத்துக் கொள்ளுங்கள்!

கைகால்களை அல்ல. உங்கள் இலட்சியத்தை சிறு சிறு பகுதிகளாக பிரித்துக் கொள்ளுங்கள். உதாரணத்திற்கு, வாக்கிங் போக முடிவு செய்கிறீர்கள் என்று வைத்து கொள்ளுங்கள். அதனை, முதல் நாள் காலை 6 மணிக்கெல்லாம் எந்திரிக்கணும். அடுத்த நாள் வாசல எட்டி பார்க்கணும். அடுத்த நாள் பத்து அடிகளாவது நடக்கணும், என்பது போல பிரித்துக் கொள்வது உசிதம். ஏனென்றால், பெரிதாக எதைப் பார்த்தாலும், உடனே மயங்கி விழும் ஆட்கள் நாம். எனவே, சின்ன சின்ன ஸ்டெப்ஸ் ரொம்ப நல்லது. அதே நேரம் ஒரு பகுதி வெற்றியானதும் அடுத்ததிற்கு நகர்ந்திடுங்கள். இதுபோல் சின்னதாக கோல் வைக்கும் போது இன்னொரு நன்மை என்னவென்றால் ஒரு பகுதி முடிந்ததும், அப்பாடா! சக்சஸ் என ஒரு நிம்மதி வரும். அந்த நிம்மதியை போன்ற எதுவும் உங்களை அடுத்த கட்டத்திற்கு போக தூண்டாது. சின்ன சின்ன வெற்றிகள்தான் பெரிய வெற்றிகளுக்கான ஊக்க மருந்து.

அதே நேரம், அதே இடம்!

டைட்டிலே எதோ சினிமா பட தலைப்பு போல இருக்குல்ல?!. எந்த ஒரு இலக்கை நோக்கிய செயலையும், நாம் தினமுமோ அல்லது ஒரு குறிப்பிட்ட இடைவெளியிலோ தொடர்ந்த வண்ணம் இருப்பது ரொம்ப ரொம்ப நல்லது! உதாரணத்திற்கு நாம் சாப்பிட ஒதுக்கும் நேரம் போல. அதே போல் அந்த வேலைகளை முடிந்த வரை ஒரே இடத்திலோ அல்லது ஒரே போன்ற சுற்றுச் சூழலிலோ செய்து பழகுங்கள். தினமும் ஒரே நேரத்தில் படிப்பது ரொம்ப நல்லது. ஈசியா மனப்பாடம் ஆகும்னு நம்ம பிரண்டு ஸ்கூல் படிக்கும் போது சொன்னது ஞாபகம் வருதா? என்னது, படிச்சதுலாம் கூட ஞாபகம் வருதா?! நீங்க வேற லெவல் பாஸ்!

Motivation Wednesday

சுறுசுறுப்பு சூப்பரப்பு!

நம்ம உடல் அமைப்பு எப்போதும் நமக்கு ஊக்கம் அளிக்கிற விஷயம். நாம் ஜிம்முக்கு சென்று சிக்ஸ் பேக் தான் வைக்க வேண்டும் என்று இல்லை. லேசாக வாக்கிங் ஜாகிங் போன்ற எளிதான உடற்பயிற்சிகள் செய்து கொஞ்சமே கொஞ்சம் பார்க்க நன்றாக இருப்பதுபோல் ஒரு வடிவத்துக்குக் கொண்டு வந்தாலே போதும். நம்ம கான்பிடன்ஸ் லெவல், தானா ஏறும். அப்படி இல்லாமல் நமக்கே நம் தோற்றத்தை பார்த்துப் பரிதாபம் வருவதுபோல் இருக்கக்கூடாது. இதை விட அவ்வப்போதைய உடற்பயிற்சி நமக்கு தருவது சுறுசுறுப்பு எனும் எனர்ஜி. இந்த சுறுசுறுப்புதான் நமக்குள்ளே எரிந்து கொண்டு இருக்கும் லட்சிய நெருப்பு அணையாமல் இருக்க ஆக்சிஜனாக உள்ளது என்பதை மட்டும் நினைவில் கொள்ளுங்கள்!

Motivation Wednesday

கண்ட எடத்துல கிறுக்கி வைங்க!

உங்க நோக்கம் அல்லது எந்த இலட்சியத்தை நோக்கி போறீங்களோ, அதைச் சின்ன சின்ன நோட்களாக அங்கங்கே எழுதி ஒட்டி வைங்க. உங்க வீட்டு ஃபிரிட்ஜ், பீரோ, டி.வி மேல் என எங்கெல்லாம் உங்கள் பார்வை அதிகம் விழுகிறதோ அங்கெல்லாம் ஒட்டி வைத்துக் கொள்ளுங்கள். அப்படியே நீங்கள் ஒட்டும் இடங்கள், உங்கள் நண்பர்கள் மற்றும் குடும்ப உறுப்பினர்கள் கண்களுக்கும் தெரியுமாறு ஒட்டுங்கள். அப்போதுதான், நாமே அந்த விஷயத்தை கைவிட்டு விடலாம் என்று நினைத்தாலும் அவர்களின் கலாய்த்தலுக்குப் பயந்தாவது அந்த விஷயத்தை செய்து முடிக்கத் தோன்றும். 

 மேலே சொன்ன நாலு வழிமுறைகளை மட்டும் ஃபலோ பண்ணுங்க, வெற்றி உங்களைத் தேடி வரும்!

- ரா.கலைச்செல்வன் ( மாணவப் பத்திரிகையாளர் )

நீங்க எப்படி பீல் பண்றீங்க


டிரெண்டிங் @ விகடன்