Published:Updated:

லஞ்ச ஒழிப்புத்துறையின் கிடுக்கிப்பிடியில் கெஜ்ரிவால்!

ராகினி ஆத்ம வெண்டி மு.
லஞ்ச ஒழிப்புத்துறையின் கிடுக்கிப்பிடியில் கெஜ்ரிவால்!
லஞ்ச ஒழிப்புத்துறையின் கிடுக்கிப்பிடியில் கெஜ்ரிவால்!

'ஆம் ஆத்மி’ கட்சியின் முன்னாள் அமைச்சர் அளித்த ஊழல் புகாரின் பேரில் டெல்லி முதல்வர் அர்விந்த் கெஜ்ரிவால் மீது லஞ்ச ஒழிப்புத்துறையினர் விசாரணையை முடுக்கிவிட்டுள்ளனர்.


’ஆம் ஆத்மி’ கட்சித் தலைவர் அர்விந்த் கெஜ்ரிவால் மீது அக்கட்சியிலிருந்து நீக்கப்பட்ட உறுப்பினரும், டெல்லி நீர்த்துறை அமைச்சருமான கபில் மிஸ்ரா லஞ்சப் புகார் அளித்தார். கபில் மிஸ்ரா தனது புகார் குறித்து கூடுதல் ஆதாரங்களை சமர்ப்பிக்கும் முன்னரே லஞ்ச ஒழிப்புத்துறை இக்குற்றச்சாட்டை விசாரணைக்கு எடுத்துள்ளது.

அர்விந்த் கெஜ்ரிவால் தன்னுடைய கட்சி உறுப்பினர் சத்யேந்தர் ஜெயினிடமிருந்து 2 கோடி ரூபாய் பெற்றதாகக் குற்றம்சாட்டப்பட்டுள்ளது. இப்புகாரினை கபில் மிஸ்ரா, டெல்லி ஆளுநர் அனில் பாய்ஜ்லாலிடம் அளித்துள்ளார். ஆளுநர் மூலம் இவ்வழக்கு லஞ்ச ஒழிப்புத்துறைக்கு மாற்றப்பட்டுள்ளது.

இந்நிலையில் ஆளுநரின் உத்தரவின் பேரில் இன்னும் ஏழு நாள் கால அவகாசத்திற்குள் விசாரணை குறித்த முழு அறிக்கையினை லஞ்ச ஒழிப்புத்துறை சமர்ப்பிக்க வேண்டும் என உத்தரவிடப்பட்டுள்ளது.