Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

உலகின் பெரிய டூ-வீலர் மார்க்கெட்: சீனாவை மிஞ்சிய இந்தியா!

இந்தியாவின் Society of Indian Automobile Manufacturers (SIAM) வெளியிட்டுள்ள சமீபத்திய அறிக்கையின்படி, கடந்த 2016-ல் விற்பனையான டூ-வீலர்களின் அடிப்படையில், உலகின் பெரிய டூ-வீலர் மார்க்கெட் என்ற பெருமையை, சீனாவை வீழ்த்தி இந்தியா பெற்றுவிட்டது! எண்களின் அடிப்படையில் இதைச் சொல்வதென்றால், 

2016-ல் இந்தியா விற்பனை செய்த டூ-வீலர்கள் : 17.7 மில்லியன்
2016-ல் சீனா விற்பனை செய்த டூ-வீலர்கள் : 16.8 மில்லியன்


சீனாவின் வீழ்ச்சிக்கு என்ன காரணம்?

இந்தியாவைப் போலவே, சீனாவும் டூ - வீலர்களுக்கான ஒரு மிகப்பெரிய சந்தை. ஆனால் அந்நாட்டின் 200 மாநகராட்சிகளில் டூ-வீலர்கள் அதிகாரப்பூர்வமாகத் தடைசெய்யப்பட்டதால்,  மொத்த டூ-வீலர் விற்பனையும் முன்பைவிடக் குறைந்துவிட்டது; கடந்த 2010-ல் சீனாவின் டூ-வீலர் விற்பனை, 27 மில்லியன் என்றளவில் இருந்தது. ஆனால் தடையின் விளைவாக, அந்த விற்பனை எண்ணிக்கை, கடந்த 5 ஆண்டுகளில் கடும் வீழ்ச்சியைச் சந்தித்துள்ளது. 

சீனா

2010-ல் சீனா விற்பனை செய்த டூ-வீலர்கள் : 27.51 மில்லியன்
2011-ல் -  27.22 மில்லியன்
2012-ல் -  26.37 மில்லியன்
2013-ல் - 25.75 மில்லியன்
2014-ல்26.95 மில்லியன்
2015-ல் - 24.56 மில்லியன்
2016-ல் சீனா விற்பனை செய்த டூ-வீலர்கள் : 16.80 மில்லியன்

சீனா

இறக்குமதிக்கு அதிக விதிகள் - எந்த அதிரடியும் இல்லாமல் ஒழுங்குபடுத்தப்பட்ட சந்தை - மக்களிடையே டூவீலர் டிரெண்டில் மாற்றம் இல்லாதது போன்றவையும், சீனாவின் பின்னடைவுக்குக் காரணங்களாகச் சொல்லப்படுகின்றன. மேலும் நகர்ப்புறங்களில் அதிக சிசிதிறன் கொண்ட டூ-வீலர்கள் நுழைவதற்கும் தடை உள்ளது; முக்கியமான விஷயம் என்னவென்றால், சீனாவில் மிகக் குறைந்த விலைக்குக் கிடைக்கும் கார்களும் - எலெக்ட்ரிக் வாகனங்களும், டூ-வீலர் விற்பனைக்கு பாதகமாகவே இருந்து வருகின்றன.

இந்தியாவின் வளர்ச்சி எப்படி?

சீனாவுடன் ஒப்பிடுகையில் இந்தியா, கடந்த 5 ஆண்டுகளில் ஸ்மார்ட்ஃபோன் போல டூ-வீலர் விற்பனையும், அட்டகாசமான முன்னேற்றத்தைப் பெற்றிருக்கிறது. 2011-2012 நிதியாண்டில், 13 மில்லியன் டூ-வீலர்கள் விற்பனையாகின; இதுவே 2014 - 2015-ல், 16 மில்லியன் என்ற புதிய உச்சத்தை எட்டியிருக்கிறது. தற்போது 2016-2017-ல், விற்பனை எண்ணிக்கை 18 மில்லியனை நெருங்கிவிட்டது! 

 

இந்தியா

 

2011-2012ல் இந்தியா விற்பனை செய்த டூ-வீலர்கள் : 13.40 மில்லியன்
2012-2013ல் - 13.80 மில்லியன்
2013-2014ல் - 14.80 மில்லியன்
2014-2015ல் - 15.97 மில்லியன்
2015-2016ல் - 16.45 மில்லியன்
2016-2017ல் - 17.67 மில்லியன்

 

இந்தியா

இந்தியா விற்பனை செய்த 17.7 மில்லியன் டூ-வீலர்களில் சுமார் 6.5 மில்லியன், கம்யூட்டர் டூ-வீலர்கள் எனப்படும் 100-110சிசி மோட்டார் சைக்கிள்கள்; மொத்த எண்ணிக்கையில் கிட்டத்தட்ட 5.2 மில்லியன், ஸ்கூட்டர்கள் மட்டுமே என்பது, இந்தியாவில் என்ன டிரெண்ட் என்பதை உணர்த்திவிடுகிறது. சீனாவைப் போல, இந்தியாவில் டூ-வீலர்கள் மீது எவ்விதமான தடைகளும் இல்லாதது கவனிக்கத்தக்கது. 

இதுதவிர 1 - 2 லட்ச ரூபாய்க்குக் கிடைக்கக்கூடிய பைக்குகளின் விற்பனையும் ஏறுமுகத்தில் இருக்கிறது. ராயல் என்ஃபீல்டின் கிளாஸிக் 350 பைக்கை, இதற்கான சிறந்த உதாரணமாகச் சொல்லலாம்; இவை ஒருபுறம் மக்களின் பொருளாதார வளர்ச்சி மற்றும் நாட்டின் நுகர்வுதிறனைக் காட்டினாலும், அதிக மாசு அளவுகளினால் சுற்றுப்புறச் சூழ்நிலையும் சேர்ந்து பாதிக்கப்படுவதையும் கவனத்தில் கொள்ள வேண்டும்! 

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

மெகா ரெய்டு - 187 இடங்கள்... 1,800 அதிகாரிகள்... குவிந்தது பணம்... குவித்தது யார்?
Advertisement

MUST READ

Advertisement
[X] Close