Published:Updated:

ரசிப்போம்... மகிழ்வோம்!

நா.சிபிச்சக்கரவர்த்தி

ரசிப்போம்... மகிழ்வோம்!

நா.சிபிச்சக்கரவர்த்தி

Published:Updated:

 'சென்னையில் திருவையாறு’ இசைத் திருவிழாவுக்கு இது ஒன்பதாவது ஆண்டு. இந்த வருடம் டிசம்பர் 18 முதல் 25 வரை மார்கழிக் குளிர் பக்கவாத்தியத்துடன் இசை மழையில் நனைய இருக்கிறார்கள் ரசிகர்கள். இந்த இசை மேளாவை நடத்தும் லஷ்மன் ஸ்ருதி இன்னிசைக் குழுவின் லஷ்மன், இந்த சீஸனுக்கான ஹைலைட்களை வெளிச்சமிட்டார்.

''தொடர்ந்து எட்டு நாட்கள் உற்சாக உற்சவமாக அரங்கேறும் சென்னையில் திருவையாறு விழா. இந்த வருடம், எஸ்.ஆர்.ஜி.எஸ். மோகன்தாஸ் நாகஸ்வரம், பி.எஸ்.நாராயணசாமியின் பஞ்ச ரத்னக் கீர்த்தனைகள், பிர்கூ மகாராஜின் கதக் நடனம், நித்யஸ்ரீ மகாதேவன், உன்னிகிருஷ்ணன், சுதா ரகுநாதன் போன்ற ஜாம்பவான்களின் வாய்ப்பாட்டு, ஷோபனாவின் பரதநாட்டியம் என எல்லாமே பிரமாதமான நிகழ்ச்சிகள். ஒரே சமயத்தில் 300 கலைஞர்கள் மேடையில் அமர்ந்து பஞ்சரத்னக் கீர்த்தனைகள் பாடும் அளவுக்கு பிரமாண்டமான மேடை வடிவமைக்கப்பட்டுள்ளது.

ரசிப்போம்... மகிழ்வோம்!

ஒட்டுமொத்த விகடனுக்கும் ஒரே ஷார்ட்கட்!

'சென்னையில் திருவையாறு’ங்கிறது இப்ப ஒரு பிராண்ட் ஆகிருச்சு. அரங்கத்தில் இருக்கைகளின் எண்ணிக்கை தாண்டியும் கூட்டம் திரண்டு வந்து நிக்குது. ஆனா, முதல் வருஷம் இந்த நிகழ்ச்சியை நடத்த நாங்க பட்ட சிரமத்தை இப்போ நினைச்சாலும் தூக்கி வாரிப் போடும். இப்படி ஒரு இசை நிகழ்ச்சி நடத்தலாமேனு விளையாட்டா முடிவெடுத்து

##~##
அறிவிச்சுட்டோம். 'லஷ்மன் ஸ்ருதி டீம் எல்லா புரோக்ராமும் நல்லா பண்ணிருவாங்க’ங்ற நம்பிக்கையில இசையுலக பிரபலங்களும் நாங்க கேட்டதும் டேட்ஸ் கொடுத்துட்டாங்க. ஆனா, அந்த வருஷம் ஒரு போஸ்டர்கூட ஒட்ட முடியாத அளவுக்கு சென்னைல பேய் மழை. அதனால நிகழ்ச்சி ஆரம்பிச்சப்ப நாங்க எதிர்பார்த்தக் கூட்டம் வரலை. அதனால, வேற வழியில்லாம கார், வேன் அனுப்பி நாங்களே ஆளுங்களைக் கூட்டிட்டு வந்து நிகழ்ச்சியைப் பார்க்க வெச்சோம். சொற்பக் கூட்டம்தான்... ஆனா, கச்சேரிகளைப் பார்த்த எல்லாரும், 'நிஜமாவே சென்னையில் திருவையாறைக் கொண்டுவந்துட்டீங்க’னு பாராட்டினாங்க. அப்புறம்தான் நாங்க திருவையாறுக்கே போய் அங்கே நடக்கிற கச்சேரியைப் பார்த்தோம். நம்ம நிகழ்ச்சியை இன்னும் அட்டகாசமா நடத்தணும்னு தோணுச்சு. தூக்கம், சாப்பாடு மறந்து உழைச்சோம். இப்போ திகட்டாத இசை உற்சவமும், திகட்டவைக்கும் உணவுத் திருவிழாவுமா 'சென்னையில் திருவையாறு’ நிகழ்ச்சி சங்கீத ஆர்வலர்களை உற்சாகத்தில் ஆழ்த்திட்டு இருக்கு!''

சென்னை திருவையாறின் ரசனை அத்தியாயங்களை ரசிப்போம்... மகிழ்வோம்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism