இப்படி இப்படி செய்தால் நம்மால் கருந்துளையை கடந்து போக முடியுமாம்..! #BlackHole

கருந்துளை

இயற்கை அவிழ்க்க முடியாத பல மர்மங்களை தன் பக்கம் வைத்திருக்கிறது. அதில் காலப் பயணம், கருந்துளை, வேறொரு பிரபஞ்சம் போன்றவையும் அடங்கும். இது நம் கற்பனைக்கு எல்லாம் அப்பாற்பட்டது. அறிவியல் அறிஞர் ஸ்டீபன் ஹாக்கிங், கருந்துளைக்கு மிக அருகில் சென்றால் உங்களை அது மிக அதிக ஈர்ப்பு விசையுடன் உள்ளே இழுத்து, வேறொரு பிரபஞ்சத்திற்கு கொண்டு போய் சேர்க்கும் என்கிறார். சூரியன், நட்சத்திரங்கள் எல்லாவற்றையும் கடந்து நாம் ஒரு வினாடிக்கு 3,00,000 கி.மீ வேகத்தில் சென்றால் கூட கருதுளையை அடைய 26,000 ஆண்டுகள் ஆகும்.      

ப்ளாக் ஹோல் கருப்பு தானா?
கருப்பு என்று சொல்வதை விட கண்ணுக்குத் தெரியாது என்று சொல்வதே மிகச்சரியானது. நீங்கள் டிவி பார்த்துக் கொண்டிருக்கும் போது மின் தடை ஏற்பட்டால் எல்லாம் இருட்டாக தெரியும் அல்லவா?

ஒளியானது ஒரு பொருளின் மீது விழுந்து, பிரதிபலித்து நமது கண்களின் மூலம் பிம்பங்களை காட்டும். இப்போது சூரியன் மற்றும் ஒளித் தரக்கூடிய பொருள்கள் எதுவும் இல்லையென்றால் நமது கண்களுக்கு எந்தப் பொருளும் தெரியாதுதானே? அதுதான் ப்ளாக் ஹோல் ரகசியம்.

நியூட்டன் தலையில் ஆப்பிள் விழுந்ததை  வைத்து ஈர்ப்பு விசையை கண்டு பிடித்தார். அந்த ஆப்பிளை மேலே தூக்கிப்போட்டால் பூமியின் ஈர்ப்பு விசை காரணமாக கீழே வரும். ஒரு வேளை அந்த ஆப்பிளை ஒரு வினாடிக்கு 11.2 கி.மீ வேகத்தில் தூக்கி எறிந்தால் அது ஈர்ப்பு விசையை எதிர்த்து விண்வெளியில் நேர்க்கோட்டில் ஒரேபாதையில் சென்று கொண்டிருக்கும் இதற்குப் பெயர்தான் வெளியேற்று

திசைவேகம் ( Escape velocity).
இதே ஆப்பிளை வியாழன் கிரகத்திற்கு சென்று ஒரு வினாடிக்கு 11.2 கி.மீ தூக்கி போட்டால் அது மறுபடியும் ஈர்ப்பு விசையால் ஈர்க்கப்பட்டு கீழே வரும். ஏனென்றால், வியாழன் நிறையானது, பூமியின் நிறையை விட 317 மடங்கு அதிகம். ஆக வெளிஎயேற்று திசைவேகமும் அதிகமாக இருப்பதால் ஒரு வினாடிக்கு 59.5 கி.மீ வேகத்தில் மேலே எறிய வேண்டும்.

அப்ப கருந்துளைக்கு செல்ல வேண்டுமென்றால்?
ஐன்ஸ்டீனின் சார்பியல் கொள்கைபடி (the Theory of Relativity) எந்த ஒரு பொருளும் ஒளியை விடவேகமாக செல்லாது. ஒளியானது வெற்றிடத்தில் ஒரு வினாடிக்கு 3,00,000 கி.மீ வேகத்தில் செல்லும். 

கருந்துளை சூரியனை விட பல மடங்கு நிறை கொண்டது. மேலும் ஒளியின் திசைவேகத்தைவிட கருந்துளையின் வெளியேற்று திசைவேகம் ( Escape velocity) அதிகமாக இருப்பதால் எந்த ஒரு பொருளையும் திருப்பி அனுப்பவதில்லை .

வெளியேற்று திசைவேகம் >  ஒளியின் திசைவேகம்.

ஆகவே கருந்துளையை விட்டு எந்த வெளிச்சமும் வெளிவருவது இல்லை. ஆக கருந்துளை கருப்பாக இருக்க இதுவும் ஒரு காரணம்.
கருந்துளைக்கு போக முடியுமா?

கருந்துளை

ஐன்ஸ்டீன் கூற்றின் படி நேரம் என்பது நதி போன்றது. ஒரு இடத்தில் வேகமாக ஓடும். ஒரு சில இடத்தில் மிக மெதுவாக ஓடும். நமது பூமியானது வேகமாக ஓடும் இடத்தில் இருக்கிறது என்று வைத்துக்கொள்வோம்.

பூமியில் இருக்கிறவரின் கடிகாரம் 10 நிமிடம் என்று காண்பித்தால், கருந்துளைக்கு அருகில் இருப்பவரின் கடிகாரம் 5 நிமிடம் தான் காட்டும். ஆக நேரமானது பாதியாக குறையும்.

பூமியில் 20 வயது நபரையும், கருந்துளைக்கு அருகில் 20 வயது கொண்ட அவனை நண்பனையும் நிறுத்துவோம். பத்து வருடங்கள் கழித்து பூமியில் இருவரும் சந்தித்தால் பூமியின் இருப்பவருக்கு 30 வயதும், அவனது நண்பனுக்கு 25 வயதுமாக இருக்கும். 

ஆக நாம் எதிர்காலத்துக்கு செல்ல முடியாது. ஆனால் எதிர்காலத்தில் நமது வயதை தக்க வைத்துக்கொள்ள முடியும். அதாவது, காலப் பயணம் சாத்தியமே ஆனால் முன்னோக்கி செல்ல முடியாது. இதை Interstellar படத்தின் கிளைமாக்ஸ் தத்ரூபமாக காட்டும்.
அடுத்த 300 ஆண்டுகளுக்குள் கருந்துளைக்கு சென்று அடுத்த பிரபஞ்சத்தை பார்க்க நாம் இருக்க மாட்டோம். ஆனால், நமது எதிர்கால சந்ததி அதைப் பார்க்கும் என நம்பலாம்.
 

Do you like the story?

Please Appreciate the Author by clapping!