Published:Updated:

ஆன்லைன் ஷாப்பிங்கில் ஈடுபாடு கொண்ட மனைவி! - பிறந்தநாளுக்கு கணவர் கொடுத்த`மாத்தியோசி' கிஃப்ட்

கலிலுல்லா.ச

`அவர் இதற்கு முன் இதுபோன்ற சர்ப்ரைஸ்களை கொடுத்ததில்லை. ஆனால், இப்போது அது ஒரு நடைமுறையாகவே மாறிவிட்டது.'

பிறந்தநாள் கிஃப்ட
பிறந்தநாள் கிஃப்ட

அமெரிக்காவில் உள்ள வடக்கு கரோலினாவைச் சேர்ந்தவர் வேலன் மெக்கொயர். இவர் தன் மனைவியின் பிறந்தநாளுக்கு சர்ப்ரைஸ் கொடுக்க திட்டமிட்டிருந்தார். வித்தியாசமான முறையில் ஏதாவது செய்ய வேண்டும் என்று எண்ணியவர், மனைவிக்குப் பிடித்த விஷயம் ஒன்றை `கேக்’ வடிவத்தில் உருவகப்படுத்தி கொடுக்கலாம் என முடிவு செய்தார்.

சாக்லேட், டைமண்ட், பூக்கள் இப்படி ஏதாவது ஒன்றாக இருக்கலாம் என நாம் நினைப்போம். ஆனால், அவரது விருப்பம் வேறுமாதிரியாக இருந்தது. மெக்கொயர், அமேசான் டெலிவரி பாக்ஸ் ஒன்றை கேக் வடிவத்தில் வடிவமைத்துக் கொடுத்துள்ளார். ``நான் இதைப் பார்த்த பிறகு என்னையே அறியாமல் சிரித்துவிட்டேன்; ஆரம்பத்தில் இது உண்மையான பாக்ஸ்தான் என்று நினைத்தேன். பிறகு தான் கேக் என்பதை உணர்ந்தேன்” என்கிறார் அவரின் மனைவி எமிலி.

இப்படியொரு கேக் கொடுக்க காரணம், அவரின் மனைவி எமிலி, அமேசானிலிருந்து வாரத்துக்கு இரண்டு, மூன்று முறை எதையாவது வாங்கிக்கொண்டேயிருப்பாராம். அதனடிப்படையில் அவருக்கு டெலிவரி பாக்ஸையே கேக்காகக் கொடுத்திருக்கிறார். இந்த கேக் கேரோலினாவில் உள்ள `ஸ்வீட் டிரீம்ஸ்’ பேக்கரியில் வடிவமைக்கப்பட்டுள்ளது

கேக்
கேக்

அச்சு அசல் அமேசான் டெலிவரி பாக்ஸ் போன்றே, டேப் ஓட்டி, பார்கோடு உள்ளிட்டவற்றை இடம்பெற்றிருப்பது போலவே அந்தக் கேக்கை வடிவமைத்துள்ளனர். இந்தக் கேக்கின் விலை 50 டாலராம். அதாவது நமது இந்திய மதிப்பில் தோராயமாக 3,441 ரூபாயாம். உண்மையில் அந்தப் புகைப்படத்தைப் பார்க்கும்போது, நாமும்கூட ஒரு நிமிடம், `இது பாக்ஸா, கேக்கா?’ என்று உற்றுநோக்க வேண்டியுள்ளது. அந்தப் புகைப்படம் சமூக வலைதளங்களில் வைரலாகி வருகிறது.