Published:Updated:

மெரினாவின் ஒருநாளை கேமராவுக்கு இரையாக்க வேண்டும் என தோன்றியிருக்கிறதா? #CelebratedWorldPhotographyDay

சுஜிதா சென்
மெரினாவின் ஒருநாளை கேமராவுக்கு இரையாக்க வேண்டும் என தோன்றியிருக்கிறதா? #CelebratedWorldPhotographyDay
மெரினாவின் ஒருநாளை கேமராவுக்கு இரையாக்க வேண்டும் என தோன்றியிருக்கிறதா? #CelebratedWorldPhotographyDay

'மெரினா  கடற்கரை'- தினம்தினம் கேமராவுக்குக் கவிதை சொல்லும் இடம். அங்கு காலை ஐந்தரை மணிக்கே சூரியன் வானைக் கிழித்துக்கொண்டு கதிர்களை அம்பிட ஆரம்பித்தது. காணும் திசையெல்லாம் கடற்கரை சாரல் உடலெங்கும் பிரவேசிக்க ஆரம்பித்தது. சோடிகளைக் கூவி அழைக்கும் குயில்களின் கானம் காற்றின் அலைவரிசையெங்கிலும் மிதக்க ஆரம்பித்தது. காலையில் நடைப்பயணம் செல்பவர்கள் குழந்தைகளைப்போல் தன் நிழலைத் தானே துரத்திக்கொண்டு ஓடி ஆடிய பின்பு இளைப்பாறி கடலின் ஆழத்தை ரசித்துக்கொண்டிருந்தனர்.

இப்படியான காட்சிகள் மெரினாவில் ஒருபுறம் என்றால் மறுபுறம் மெரினாவை தன் அன்றாட பிழைப்பாய் பார்ப்பவர்களுக்கு அன்று பொழுது விடிந்தாயிற்று... மீன்கள் கரையேறியாயிற்று... இனி வித்துத் தீர்க்க வேண்டியதுதான் மிச்சம் என மீன்களை கூறு போட ஆயத்தமானார்கள். கடல் என்ற சொல்லுடன் ஒன்றிப்பிறந்த சொல் காதலும்... காதலர்களும்... அதை விட்டுவிட்டு ஒருபோதும் மெரினாவை  வர்ணிக்க இயலாது. என்றும் போல அன்றும் காதலர்கள் சூழ் மெரினா தனது இயல்பை நோக்கிப் பயணித்துக் கொண்டிருந்தது. படகை அலைக்கு எதிர் திசையில் திருப்பும் மீனவர்கள், மீன் வியாபாரிகள், சாப்பாட்டுக் கடைக்காரர்கள், சுண்டல், கடலை, பொறி, சமோசா, வடை என பொட்டலம் போடும் சிறுவர்கள்,  டீ, காஃபி வியாபாரிகள் மற்றும்  கடலோடு உரையாடும் மனிதர்கள் என மெரினாவுக்கு நிறைய முகங்கள் உண்டு. இத்தனை முகங்களையும் தங்களின் கேமராவுக்கு இரையாக்க பிரயத்தனமானார்கள்  அந்தக் கேமராக்காரர்கள்.

அதிகாலைப் பொழுதிலிருந்தே அவர்களின் கேமரா வேட்டை ஆரம்பித்துவிட்டது. 'போட்டோ கான்செர்ஜ்' எனும் எட்டு பேர் கொண்ட குழு கடலையும் கடல் சார்ந்து இருக்கும் மக்களையும் புகைப்படம் எடுத்தனர். அங்கு வந்திருந்த புகைப்படக் கலையில் ஆர்வம் உள்ள இளைஞர்களுடன் புகைப்பட நுணுக்கங்களைப் பகிர்ந்துகொண்டனர். நேரம் செல்லச் செல்ல மெரினாவில் கூட்டம் கலய ஆரம்பித்தது. காலையில் மீன் விற்க வந்த மீன் வியாபாரிகள் அனைவரும் தங்களது வியாபாரத்தை முடித்துவிட்டு வீடு திரும்ப ஆரம்பித்தனர். அன்றைய நாள் மெரினாவில் பலர் விட்டுச்சென்ற தடயங்கள் யாவும் புகைப்படமாய் பதிவிடப்பட்டது. உலக புகைப்பட தினத்தை கொண்டாடும் விதமாக மெரினாவில் எடுக்கப்பட்ட புகைப்படங்கள் யாவும் நொச்சிக்குப்பம் மீன் மார்க்கெட்டில் கண்காட்சிக்கு வைக்கப்பட்டது. மெரினாவின் ஒருநாள் நீக்கமற நினைவுகளையும், புகைப்பட அனுபவங்களையும் சுமந்தபடி புகைப்பட தின வாழ்த்துகளுடன் நிறைவுபெற்றோம். அன்றைய நாளில் கிளிக் செய்யப்பட்ட மெரினாவில் நினைவுகளில் சில கேமராவின் கண் வழியே இதோ...

Caption: Aerial view of Nochi Kuppam

Caption: Fishermen setting out to into the sea 

Caption: Fishermen carrying their catch of the day to be sold at the Nochi Kuppan fish market

Caption: Vendor displaying fresh squids for sale

Caption: Fisherman transporting ice on his pedal cart

Caption: Fishermen pulling their boat to the shore 

Photo Courtesy: PhotoConcierge