Published:Updated:

பணம் பழகலாம்! - 5

பணம் பழகலாம்! - 5
பிரீமியம் ஸ்டோரி
News
பணம் பழகலாம்! - 5

சொக்கலிங்கம் பழனியப்பன், ஓவியம்: பாரதிராஜா

ள்ளி மற்றும் கல்லூரிகளில் படிக்கும் குழந்தைகளுக்கு `பாக்கெட் மணி’ கொடுப்பது சில பெற்றோருக்கு,

பணம் பழகலாம்! - 5

கெத்து! பல பெற்றோர்களுக்கு,  தேவையில்லாத பழக்கம். இவற்றில் எது சரி, எது தவறு? இரண்டிலுமே சரியும் இருக்கிறது, தவறும் இருக்கிறது.

பெற்றோர் குழந்தைகளுக்குப் பாக்கெட் மணி கொடுப்பது, அவர்களுக்குப் பசித்தால் ஏதாவது வாங்கிச் சாப்பிடட்டும் என்பதற்காகத்தான். இன்னும் சிலரோ, ஏதேனும் அவசரத் தேவைக்கு உதவும் என்று பணம் கொடுக்கிறார்கள். வெகுசிலர், நண்பர்களோடு வெளியில் சென்றால் செலவுக்கு ஆகட்டும் என்று கொடுத்து அனுப்புகிறார்கள்.

முதலில், பள்ளிக்கு தினசரி வீட்டிலிருந்து சென்று வரும் குழந்தைகளைப் பற்றிப் பேசலாம். இந்தக் குழந்தைகளுடைய உணவுக்குப் பணம் தேவைப்படாது. நாமே அதைத் தயார் செய்துகொடுத்துவிடுவோம். மாலைப் பசிக்கு வீட்டிலிருந்தே பழங்கள் கொடுத்தனுப்பலாம். எனவே, இந்தக் குழந்தைகளுக்குப் பாக்கெட் மணி தேவைப்படாது. 50 ரூபாய் அல்லது 100 ரூபாயை அவர்கள் கையில் கொடுத்து, பத்திரமாக வைத்துக்கொள்ளச் சொல்லலாம். அது, அவசரத் தேவை ஏற்பட்டால் அந்தச் சூழலைச் சமாளிக்க உதவும்.

வீட்டிலிருந்து சாப்பாடு/ஸ்நாக்ஸ் கொடுத்து அனுப்ப முடியாத நிலையில் உள்ள பெற்றோர், பள்ளியில் உள்ள கேன்டீனில் வாங்கிச் சாப்பிடுவதற்கு மாதாந்திர அடிப்படையில் கூப்பன் வாங்கிக்கொடுக்கலாம். அல்லது, தேவைப்படும்போது பணம் கொடுத்து அனுப்பலாம். 

பள்ளியில் கேன்டீன் இல்லாமல், வீட்டிலிருந்தும் உணவு கொடுத்தனுப்ப முடியாத குழந்தைகள் பசியோடு வீட்டுக்கு லேட்டாக வருவார்கள் என்றால், தினசரி பாக்கெட் மணி கொடுத்துதான் ஆகவேண்டும். அவர்களுக்கு நாள் ஒன்றுக்கு எவ்வளவு தேவையோ, அதைக் கொடுத்தனுப்பினால் போதும். உங்களிடம் பணம் அதிகமாக இருக்கிறது என்றாலும், அதிக பணம் கொடுத்து அனுப்பாதீர்கள். அது அவர்களை, சம்பாதிக்கும் முன்னரே செலவாளியாக மாற்ற ஆரம்பிக்கும்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
பணம் பழகலாம்! - 5

குழந்தைகளிடம் கையில் அதிகமாகப் பணம் இருந்தால், அது வெவ்வேறு வகையான பழக்கங்களை முயன்றுபார்க்கத் தூண்டும். அவர்களிடம் இருக்கும் பணத்தைச் செலவழிப்பதற்கு, தவறான நண்பர்கள் கூட்டம் புடைசூழும். அதிக பணம், குழந்தைகளின் குணாதிசயங்களைத் தவறான வழியில் மாற்றிவிடும்.

குழந்தைகளுடன் போதுமான நேரத்தைச் செலவழிக்க முடியாத பெற்றோர், தங்களது குற்ற உணர்ச்சியைச் சரிசெய்துகொள்வதற்காகக் குழந்தைகளிடம் தேவைக்கு அதிகமாக பாக்கெட் மணி கொடுப்பது, இன்று வழக்கமாகிவருகிறது. நீங்கள் உங்கள் குழந்தைகளிடம் அதிகமான பாசத்தைக் காண்பிக்க விரும்பினால், அவர்களுடன் அதிக நேரத்தைச் செலவழியுங்கள். அதுவே அவர்களுக்குப் பெரிய பாக்கெட் மணி!

முடிந்தவரை பள்ளிக்கு அருகில் உங்கள் வீட்டை அமைத்துக்கொள்ளுங்கள். அது, பலவிதமான பிரச்னைகளைத் தீர்த்துவைக்கும். மேலும், பாக்கெட் மணி கொடுக்கும் தேவையும் இருக்காது.

பாக்கெட் மணி கொடுக்க விருப்பப்படுகிறீர்கள் என்றால், எவ்வாறு கொடுக்கலாம்?

வீட்டில் அல்லது உங்கள் தொழிலில் உங்களின் குழந்தைகளைச் சிறு சிறு உதவிகளைச் செய்யச் சொல்லுங்கள். அவ்வாறு செய்யும் உதவிக்கு ஏற்ப ஊதியத்தை நிர்ணயித்துக் கொடுங்கள். உதாரணத்துக்கு, உங்களின் வாகனத்தை சுத்தம் செய்யச் சொல்லலாம்;  தினசரி வீட்டுவேலைகளில் ஒரு பகுதியை அவர்களைப் பார்க்கச் சொல்லலாம். நீங்கள் செய்யும் தொழிலில் தினசரி ஓரிரு மணி நேரம் வந்து உதவி செய்யச் சொல்லலாம். இந்த வேலைகள், அவர்களின் எதிர்கால வாழ்க்கைக்கும் உதவியாக இருக்கும்; பாக்கெட் மணியையும் ஈட்டித்தரும்; அவர்களுக்கு இளம் வயதிலேயே உலகத்தைப் பற்றிய ஞானம் கிடைக்கும்.

 அவ்வாறு சம்பாதிக்கும் பாக்கெட் மணியை, அவர்களுக்கென்று ஒரு சேமிப்புக்கணக்கைத் தொடங்கி அதில் டெப்பாசிட் செய்யச் சொல்லுங்கள். நிதி நிர்வாகம் மற்றும் சேமிக்கும் பழக்கம் அவர்களுக்குச் சிறு வயதிலேயே ஏற்படும். அவர்கள் அக்கவுன்ட்டில் ஓரளவு பணம் சேரும்போது, ஈக்விட்டி மியூச்சுவல் ஃபண்டுகளில் மாதம்தோறும் சிறு தொகையை (100, 250, 500 அல்லது 1,000 ரூபாய்) முதலீடு செய்யக் கற்றுக்கொடுங்கள்.

 கல்லூரிகளில் படிப்பவர்களுக்கு மேற்கூறிய அனைத்தும் பொருந்தும். ஒரே வித்தியாசம், இவர்கள் வீட்டிலிருந்து செல்லலாம் அல்லது ஹாஸ்டலில் தங்கிப் படிக்கலாம். கல்லூரியில் படிக்கும் மாணவர்கள் பகுதிநேர வேலை செய்ய, வாய்ப்பிருந்தால், அவர்களைப் பகுதிநேர வேலைக்குச் சென்று பணம் ஈட்டி, தங்களின் பாக்கெட் மணிக்கு வைத்துக்கொள்ளச் சொல்லுங்கள். இளம் வயதிலேயே பகுதிநேர வேலைக்குச் சென்று சம்பாதிப்பவர்கள், எதிர்காலத்தில் மிகவும் பொறுப்பானவர்களாக இருப்பார்கள். அவர்கள், ஒரு தொழிலைக் கற்றுக் கொள்வதோடு, சம்பாதிக்கவும் செய்வார்கள்.

பள்ளியோ கல்லூரியோ, தேவைப்பட்டால் மட்டுமே பணம் கொடுங்கள். கொடுக்கும் பணத்தை என்ன செய்தார்கள் என்று தினசரி கணக்கு கேளுங்கள். அது மிக மிக முக்கியம்!

- வரவு வைப்போம்...