Published:Updated:

இன்ஷூரன்ஸ் நிறுவனங்களில் கோரப்படாத ரூ.15,167 கோடி... திரும்பப் பெற என்ன வழி?

இன்ஷூரன்ஸ் நிறுவனங்களில் கோரப்படாத ரூ.15,167 கோடி... திரும்பப் பெற என்ன வழி?
பிரீமியம் ஸ்டோரி
இன்ஷூரன்ஸ் நிறுவனங்களில் கோரப்படாத ரூ.15,167 கோடி... திரும்பப் பெற என்ன வழி?

இன்ஷூரன்ஸ் நிறுவனங்களில் கோரப்படாத ரூ.15,167 கோடி... திரும்பப் பெற என்ன வழி?

இன்ஷூரன்ஸ் நிறுவனங்களில் கோரப்படாத ரூ.15,167 கோடி... திரும்பப் பெற என்ன வழி?

இன்ஷூரன்ஸ் நிறுவனங்களில் கோரப்படாத ரூ.15,167 கோடி... திரும்பப் பெற என்ன வழி?

Published:Updated:
இன்ஷூரன்ஸ் நிறுவனங்களில் கோரப்படாத ரூ.15,167 கோடி... திரும்பப் பெற என்ன வழி?
பிரீமியம் ஸ்டோரி
இன்ஷூரன்ஸ் நிறுவனங்களில் கோரப்படாத ரூ.15,167 கோடி... திரும்பப் பெற என்ன வழி?

எல்.ஐ.சி உள்பட பல்வேறு ஆயுள் காப்பீட்டு நிறுவனங்களில் பாலிசிதாரர்களால் க்ளெய்ம் செய்யப் படாத தொகை சுமார் ரூ.15,167 கோடி வரை கிடப்பதாகத் தெரிவித்துள்ளது இந்தியக் காப்பீட்டு ஒழுங்குமுறை மற்றும் மேம்பாட்டு ஆணையம். அவ்வாறு க்ளெய்ம் செய்யாத நபர்கள் யார் யார் என்பதைச் சம்பந்தப்பட்ட பாலிசிதாரர் கள் அல்லது பயனாளிகள் தெரிந்துகொள்ளும் வகையில் அதுகுறித்த தகவலை இணையதளத்தில் வெளியிடுமாறு அறிவுறுத்தியுள்ளது இன்ஷூரன்ஸ் கட்டுப்பாட்டு வாரியமான ஐ.ஆர்.டி.ஏ.ஐ.

பல்வேறு காரணங்களால் 23 ஆயுள் காப்பீடு நிறுவனங்களிடம் கடந்த மார்ச் 31-ம் தேதி நிலவரப்படி, கேட்பாரற்று கிடக்கும் தொகை ரூ.15,167.47 கோடி எனத் தெரிவிக்கப் பட்டுள்ளது. இவ்வாறு உரிமை கோராமல் இருக்கும் பணத்தை அதிகம் கொண்டு முதலிடத்தில் இருக்கிறது  எல்.ஐ.சி நிறுவனம். இந்த நிறுவனத்தில் ரூ.10,509 கோடி உரிமை கோரப்படாமல் உள்ளது.

அடுத்து, 22 தனியார் காப்பீட்டு நிறுவனங்களிடம் ரூ.4,657.45 கோடி உள்ளது. இதில் தனியார் ஐ.சி.ஐ.சி.ஐ புரூடென்ஷியல் லைஃப் இன்ஷூரன்ஸ் நிறுவனத்தில் ரூ.807.4 கோடியும், ரிலையன்ஸ் நிப்பான் லைஃப் இன்ஷூரன்ஸ் நிறுவனத்தில் ரூ.696.12 கோடியும், எஸ்.பி.ஐ. லைஃப் இன்ஷூரன்ஸ் நிறுவனத்தில் ரூ.678.59 கோடியும் மற்றும் ஹெச்.டி.எஃப்.சி லைஃப் இன்ஷூரன்ஸ் நிறுவனத்தில் ரூ.659.3 கோடியும் கேட்பாரற்றுக் கிடக்கின்றன.

இன்ஷூரன்ஸ் நிறுவனங்களில் கோரப்படாத ரூ.15,167 கோடி... திரும்பப் பெற என்ன வழி?

பாலிசிதாரர்கள் பணம் இவ்வாறு க்ளெய்ம் செய்யப் படாமல் போனதற்குக் காரணங்கள் என்ன, ஐ.ஆர்.டி.ஏ.ஐ அறிவுறுத்தலின்படி, உரிமை கோராத பாலிசிதாரர்கள் மற்றும் பயனாளிகளைக் கண்டறிந்து, அவர்களிடம் அந்தப் பணத்தைக் கொடுப்பதற்கு எத்தகைய நடவடிக்கை எடுக்கப்பட்டு வருகின்றன என்பது குறித்து சென்னை, அண்ணா சாலையில் உள்ள எல்.ஐ.சி தென் மண்டல மேலாளர் ஆர்.தாமோதரனிடம் கேட்டோம்.

இடம்மாறியபின் முகவரியைத் தருவதில்லை

‘‘பாலிசிகள் லேப்ஸ் (lapse) ஆவது மற்றும் க்ளெய்ம் செய்யப்படாமல் போவதற்கான முக்கியக் காரணமே, பாலிசிதாரர் இடம்மாறிச் செல்வதுதான். அப்படி  இடம் மாறிச் செல்பவர்கள் தங்களின் முகவரியை மாற்றம் செய்வது கிடையாது. அதுகுறித்த தகவலை முகவரிடமோ அல்லது எங்கள் கிளை அலுவலகத்திலோ கூடத் தெரிவிப்பதில்லை. இதனால், பாலிசிக்கான பிரீமியம் கட்டப்படாமல் இருந்து, அது குறித்தத் தகவல் சம்பந்தப்பட்ட நபருக்கு அனுப்பப்பட்டாலும், அது அவரது கவனத்துக்கு வராமலேயே போய்விடுகிறது.

பாலிசி போட்டவர் புதிய இடம் அல்லது புதிய வேலை அல்லது புதிய வாழ்க்கைச் சூழலில் பாலிசி போட்டதையே மறந்துவிடுகிறார். அப்படியே  நினைவுக்கு வந்தாலும் சிறிய தொகைதானே என்று அதனை விட்டுவிடுகிறார்.

சமயங்களில் பாலிசி போட்ட தற்கான பாண்ட் (Bond) தொலைந்து போனாலும் க்ளெய்ம் செய்யாமல் இருந்துவிடுகிறார்கள். அத்தகைய சூழலில் பெயர் அல்லது பாலிசி எண் போன்ற ஏதாவது ஒன்றின் மூலமாகவே மூன்றாண்டு களுக்குப் பின்னர் கட்டாமல் விட்ட பாலிசிக்கான தொகையை, அதன் வட்டி வருவாயுடன் சேர்த்து க்ளெய்ம் செய்ய முடியும்.

பிரீமியம் கட்ட வழியில்லை

வேலை அல்லது வருவாய் இழப்பு, குடும்பத்தில் திடீர்ப் பண நெருக்கடி ஏற்படும்போது பாலிசி கட்டுவதற்கு அதிக முக்கியத்துவம் கொடுப்பதில்லை. மேலும், வீட்டில் எதிர்பாராத வகையில் ஏற்படும் துயரச் சம்பவம் உள்ளிட்ட வேறு சில காரணங் களாலும் சிலர் பாலிசியைத் தொடராமல் விட்டுவிடுகின்றனர்.

10 ஆண்டுகள் கழித்தும்... 

லேப்ஸ்-ஆன பாலிசிகளின் எண்ணிக்கையைக் குறைக்க, பாலிசி போடுபவர் அதனைத் தொடர்ந்து கட்டக்கூடிய வருவாய் ஆதாரத்தைக் கொண்டிருக்கிறாரா என்பதை, முகவர் மட்டத்திலேயே உறுதிசெய்யும் நடவடிக்கை களையும் மேற்கொள்கிறோம்.

க்ளெய்ம் செட்டில் பண்ணாமல் இருக்கும் பாலிசிதாரர் களுக்கு அதுகுறித்து நோட்டீஸ் அனுப்புகிறோம். தொலைபேசி எண் மற்றும் இ-மெயில் முகவரி இருந்தால் அவற்றின் மூலமாகவும் தெரியப்படுத்துகிறோம். இந்த நடவடிக்கைகள் பலனளிக்க வில்லை என்றால், எடுக்கப்பட்ட பாலிசி எந்தக் கிளை அலுவலகம் மூலம் வந்ததோ அந்த அலுவலகம் மூலம் சம்பந்தப்பட்ட பாலிசி தாரர்களைத் தொடர்புகொள்ள அல்லது தேடிக்கண்டுபிடிக்க நடவடிக்கை எடுக்குமாறு அறிவுறுத்துகிறோம். அதுவும் பலனளிக்கவில்லை என்றால், எந்த முகவர் மூலம் அந்த பாலிசி வந்ததோ, அவர் மூலமாகவும் பாலிசிதாரர் முன்னர் வசித்த இடத்துக்குச் சென்று, அக்கம் பக்கத்திலுள்ளவர்களிடம் விசாரித்து, அவர் மாறிச் சென்ற இடம் அல்லது சொந்த ஊர் முகவரியை விசாரித்துத் தெரியப்படுத்தக் கோருகிறோம்.

அப்படியும் க்ளெய்ம் செட்டில் செய்ய முடியவில்லை என்றால், க்ளெய்ம் செட்டில் பண்ணாமல் இருப்பவர்களின் பணத்தை நாங்கள் அப்படியே வைத்துக் கொள்ள முடியாது. க்ளெய்ம் செய்வதற்கான தேதி முடிவடைந்து விட்டால், ஆறு மாத காலத்துக்குப் பின்னர் அதனை உரிமை கோரப் படாத (Unclaim Account) கணக்குக்குக் கொண்டு சென்றுவிடு வோம். ஆனால், இவ்வாறு அந்தக் கணக்குக்குக் கொண்டு செல்வ தற்கு, சம்பந்தப்பட்ட பாலிசிதாரர் குறைந்தபட்சம் மூன்றாண்டு காலமாவது  பாலிசித் தொகையைக் கட்டி இருக்க வேண்டும்.

அப்படிக் கொண்டுசென்ற உடனேயே அந்தத் தொகை வட்டி அல்லது மூலதனம் மூலமான வருவாயைப் பெறத் தொடங்கிவிடும். இதில் மூலதனம் மூலமான வருவாய் மற்றும் வங்கியின் வட்டி ஆகிய இரண்டையும் ஒப்பிட்டு, எது அதிகமோ அந்த அளவுக்கான வருவாய் அளிக்கப் படும். கடந்த ஆண்டு இவ்வாறு அளிக்கப்பட்ட வட்டி வருவாய் 6.12% ஆகும்.

இப்படி 10 ஆண்டுகளுக்கு இந்தக் கணக்கை நாங்கள் பராமரித்து வருவோம். அதன்பின்னர் ஐ.ஆர்.டி.ஏ.ஐ அறிவுறுத்தலின்படி, அந்தத் தொகை மத்திய அரசின் கணக்குக்கு மாற்றப்பட்டு, மூத்த குடிமக்களின் நலத்திட்டங்களுக்காகச் செலவிடப் படும். மேலும், மத்திய அரசின் கணக்குக்கு மாற்றப்படும் இந்தத் தொகையைப் பல்வேறு வகையான முதலீடுகள் மூலம் பெருக்குவதற்கான நடவடிக்கைகளை எல்.ஐ.சி-யே தொடர்ந்து மேற்கொள்ளும். இதற்கான சேவைக் கட்டணமாக ஒரு தொகையை எல்.ஐ.சி-க்கு மத்திய அரசு தரும். அதேசமயம், இந்தத் தொகையை மத்திய அரசு வேறு எந்தவொரு திட்டத்துக் காகவும் பயன்படுத்த முடியாது.

ஒட்டுமொத்த விகடனுக்கும் ஒரே ஷார்ட்கட்!

இன்ஷூரன்ஸ் நிறுவனங்களில் கோரப்படாத ரூ.15,167 கோடி... திரும்பப் பெற என்ன வழி?

இந்த நிலையில், உரிமை கோருவதற் கான காலக்கெடு முடிவடைந்து, அந்தத் தொகை 10 ஆண்டுகளுக்குப்பின்னர் மத்திய அரசின் கணக்குக்கு மாற்றப் பட்டபின்னரும்கூட, திடீரென ஒரு பாலிசிதாரர் வந்து க்ளெய்ம் கோருகிறார் என்றால், சம்பந்தப்பட்ட நபர் அவர்தான் என்பதை உறுதி செய்து கொண்டு, அவருக்கு நாங்கள் அந்தத் தொகையை, அது ஈட்டிய வட்டி வருவாயுடன் சேர்த்துக் கொடுத்து விடுவோம். இந்தத் தொகையை அடுத்த ஆண்டு மத்திய அரசின் கணக்குக்கு அனுப்பும் உரிமை கோரப்படாத பணத்துக்கான கணக்கில் கழித்துக் கொள்வோம்.

கடந்த ஆண்டிலிருந்துதான்,        ஐ.ஆர்.டி.ஏ.ஐ அறிவுறுத்தலின்படி, இவ்வாறு செட்டில் செய்யப்படாத பாலிசிதாரர்களின் பணத்தை மத்திய அரசின் கணக்குக்கு அனுப்பும் நடவடிக்கை மேற்கொள்ளப்பட்டு வருகிறது. ஆரம்பத்தி லிருந்து இந்த ஆண்டு வரை அதாவது, 10 ஆண்டுக் காலத்தையும் தாண்டி இவ்வாறு செட்டில் செய்யப்படாத தொகையானது தென்மண்டலத்தில் மட்டும் ரூ.591 கோடி யாக உள்ளது. இது சுமார் 23 லட்சத்துக்கும் அதிகமான பாலிசிதாரர்களுக்கு உரியது. அதாவது, சராசரியாக ஒருவருக்கு ரூ.2,563. பாலிசிதாரர்களின் பணம் ரூ.10,509 கோடி உரிமை கோராமல் உள்ளதாகச் சொல்லப்பட்டாலும், ஒவ்வொரு பாலிசிதாரரின் உரிமை கோரப்படாத பணம் சராசரியாக இந்த அளவுக்குத்தான் எல்.ஐ.சி-யிடம் உள்ளது.

உண்மை நிலைமை இப்படியிருக்க, ‘‘எல்.ஐ.சி-யிடம் உரிமை கோரப்படாமல் ஏராளமான தொகை உள்ளது. அதை நீங்கள் சென்று வாங்குங்கள்’’ என்கிறரீதியில் வாட்ஸ் அப் உள்ளிட்ட சமூக வலைதளங்களில் தவறான செய்தி பரப்பப்படுகிறது. பாலிசிதாரரின் பணத்தை எல்.ஐ.சி தவறாகப் பயன்படுத்திவிட முடியாது. விதிமுறைகள் அவ்வளவுக் கடுமையாக இருக்கின்றன. பாலிசிக்கான பிரீமியம் கட்டியவர் தனது பணத்தைத் திரும்பக் கேட்கும் பட்சத்தில், நிறுவனத்தின் சட்ட திட்டங்களுக்கு உட்பட்டு பணம் திரும்ப அளிக்கப்படும்’’ என்று முடித்தார்.

நீங்களோ, உங்கள் குடும்பத்தினரோ அல்லது உங்கள் சொந்தக்காரர்களோ இன்ஷூரன்ஸ் நிறுவனத்தில் பணம் கட்டி அதைத் தொடராமல் போயிருந்தால், மீண்டும் அதைப் பெற முயற்சி செய்யலாமே!   
 
- பா.முகிலன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism