Published:Updated:

இலக்குகளை அடைய கைகொடுக்கும் அஸெட் அலோகேஷன்

இலக்குகளை அடைய கைகொடுக்கும் அஸெட் அலோகேஷன்
பிரீமியம் ஸ்டோரி
இலக்குகளை அடைய கைகொடுக்கும் அஸெட் அலோகேஷன்

அதில் ஷெட்டி, சி.இ.ஓ, பேங்க்பஜார்

இலக்குகளை அடைய கைகொடுக்கும் அஸெட் அலோகேஷன்

அதில் ஷெட்டி, சி.இ.ஓ, பேங்க்பஜார்

Published:Updated:
இலக்குகளை அடைய கைகொடுக்கும் அஸெட் அலோகேஷன்
பிரீமியம் ஸ்டோரி
இலக்குகளை அடைய கைகொடுக்கும் அஸெட் அலோகேஷன்

சொந்தமாக வீடு வாங்குவதிலிருந்து நமது கனவுப் பிரதேசத்தில் விடுமுறையைக் கழிப்பது வரை நமது   ஆசைகளுக்கு எல்லையே இல்லை. இந்தக் கனவுகளை அடைய நாம் இன்னும் கடினமாக உழைத்து, கடினமாகச் சேமிக்க வேண்டும். எதிர்காலத்தில் நாம் அடையவிருக்கும் இன்பத்துக்காக இன்றைக்கு பல மகிழ்ச்சியான விஷயங்களை நாம் தியாகம் செய்கிறோம். ஆனாலும், நமது இந்த  ஆசைகளை அடைய நாம் எத்தகைய முதலீட்டுத் திட்டங்களை வைத்துள்ளோம்?

உங்களது இலக்குகளை அடைய முதலீட்டு ஒழுக்கமும், நிதித் திட்டமிடலும் அவசியம் தேவை. நிதித் திட்டமிடலில் சொத்து ஒதுக்கீட்டு முறை என்கிற அஸெட் அலோகேஷன் முறை முக்கியப் பங்காற்றுகிறது. இந்த அஸெட் அலோகேஷன் முறை முதலீடு என்பது ரிஸ்க் மற்றும் வருவாயைச் சமநிலையில் வைத்துக்கொள்ளும் விதத்தில் உங்கள் பணத்தைப் பிரித்து வெவ்வேறு விதமான சொத்துகளில் முதலீடு செய்வதாகும். அஸெட் அலோகேஷனுக்கான ஒதுக்கீட்டு விகிதம் உங்களின் ரிஸ்க் எடுக்கும் திறன், உங்களின் இலக்குகள் மற்றும்  இலக்குகளை அடைவதற்கான முதலீட்டுக் காலம் ஆகியவற்றைச் சார்ந்திருக்கும்.

இலக்குகளை அடைய கைகொடுக்கும் அஸெட் அலோகேஷன்

அஸெட் அலோகேஷன் என்கிற ஒதுக்கீட்டு முறை முதலீடு, ஒவ்வொரு முதலீட்டாளருக்கும் வேறுபடும். உங்களுக்கான சரியான ஒதுக்கீட்டு முறை சேமிப்பு எது என்பதைத் தீர்மானிக்க, உங்களின் இலக்குகளை அடையாளம் காண வேண்டும்; அதன்பின்னர் உங்களின் இலக்குகளுக்கு ஏற்றச் சிறந்த முதலீட்டைத் தேர்ந்தெடுக்க வேண்டும்.

முதலீடுகளை வகைப்படுத்துதல்

முதலீடு செய்ய எவ்வளவு நிதி தேவை மற்றும் எவ்வளவு கால அவகாசம் உள்ளது என்பதைப் புரிந்து கொள்ள, உங்களின் இலக்குகள் என்ன என்பதை அறிவது மிகவும் அவசியமானது. இது உங்களின் இலக்குகளை அடைவதற்கான துல்லியமான முதலீட்டுத் திட்டங்களைத் தெரிந்துகொள்ள உதவும். முதலீட்டுக் காலத்தை அடிப்படையாகக்கொண்ட இலக்குகளைக் மூன்று வகையாகப் பிரிக்கலாம்.

ஒட்டுமொத்த விகடனுக்கும் ஒரே ஷார்ட்கட்!

இலக்குகளை அடைய கைகொடுக்கும் அஸெட் அலோகேஷன்

குறுகிய கால இலக்குகள்

குறுகிய கால இலக்குகள் என்பது கிரெடிட் கார்டு தொகையைக் கட்டி முடிப்பது, சிறிய கடன்களை முன்கூட்டியே செலுத்துவது, அவசரக்கால நிதியை உருவாக்குவது உள்ளிட்ட ஆறு மாதங்கள் முதல் ஒரு வருட காலம் வரையிலான  முதலீட்டுக் காலத்தைக் கொண்டவை. இதுபோன்ற இலக்குகளுக்கு முதலீட்டுக் காலம் குறைவானது என்பதால், உங்களின் ரிஸ்க் குறைவாக இருப்பதோடு, பணத் தேவை அதிகமாக இருக்கும். அப்படியான இலக்குகளில் முதலீடு வளர்ச்சி அடைவதைவிட அதன் பாதுகாப்புதான் மிகவும் முக்கியமானது.  வங்கி நிரந்தர வைப்பு நிதி, குறுகிய கால ஃபண்ட் மற்றும் லிக்விட்  ஃபண்ட் மற்றும் குறுகிய காலக் கடன் பத்திரம் போன்றவை, எந்த நேரத்திலும் பணமாக்கும் விதத்திலும் (liquid), முதலீட்டுச் செலவு குறைவாகவும் இருக்கும் என்பதால், அத்தகைய முதலீடுகளில் சேமிக்கலாம். கடந்த காலத் தகவல்களின் அடிப்படையில், இத்தகைய முதலீடுகளிலிருந்து ஆண்டுக்கு 6-9% வருமானத்தை எதிர்பார்க்கலாம்.

நடுத்தரக் கால இலக்குகள்

குறுகிய கால இலக்குகளை நிறைவேற்றுவது முன்னுரிமையாக இருக்கும்போது, மீதமிருக்கும் உங்களின் 50% முதலீடு உங்களின் நடுத்தர கால இலக்குகளைப் பூர்த்தி செய்வதற்கான நிதியை உருவாக்குவதை நோக்கிச் செல்லும். இந்த இலக்குகள் கார் வாங்குவதிலிருந்து திருமணம் செய்வதற்கான நிதியைச் சேர்ப்பது வரைக்குமோ அல்லது வீடு வாங்குவதற்கான முன்பணத்தைச் சேர்ப்பதாகவோ எதுவாக வேண்டுமானாலும் இருக்கலாம்.

நடுத்தர கால இலக்குகள் சற்று நீண்ட காலம் கொண்டது என்பதால், நிறுவனப் பங்குகளில் முதலீடு செய்வதன் மூலம் மிதமான அளவில் உங்களால் ரிஸ்க் எடுக்க முடியும். உங்களின் முதலீட்டுக் காலம் ஓராண்டு முதல் ஆறு ஆண்டுகள் வரை இருக்குமானால், லார்ஜ்கேப் மியூச்சுவல் ஃபண்டுகள், கார்ப்பரேட் டெபாசிட்டுகள்,  மாதாந்திர வருவாய் திட்டம், இ.எல்.எஸ்.எஸ் மற்றும் தேசியச் சேமிப்புப் பத்திரங்கள் போன்றவற்றில் முதலீடு செய்யலாம்.

நீண்ட கால இலக்குகள்

ஓய்வுக்காலத்துக்கான திட்டம், பிள்ளைகளின் உயர் கல்வி மற்றும் திருமணம், மற்றும் வீடு வாங்குவது போன்ற அனைத்தும் நீண்ட கால இலக்குகளில் சேரும். இங்கே முதலீட்டுக் காலம் என்பது ஆறு ஆண்டுகள் மற்றும் அதற்கு மேல். எனவே, உங்களின் பணம் நீண்ட காலத்தில் வேகமாக வளர்ச்சி யடைய மிதமான ரிஸ்க் முதல் அதிகமான ரிஸ்க் வரை நீங்கள் எடுக்க முடியும்.

ரிஸ்க்குகள் அல்லாத முதலீடு தேவை என்றால், பி.பி.எஃப் திட்டத்தை நாடலாம். மிதமான ரிஸ்க் எடுக்கலாம் என்றால், பங்கு சார்ந்த பேலன்ஸ்டு ஃபண்டுகளில் முதலீடு செய்யலாம். அதிக ரிஸ்க்குகள் மற்றும் வருவாய்க்கு டைவர்சிஃபைடு மியூச்சுவல் ஃபண்டுகளில் முயற்சி செய்யலாம். மேலும், மிட்கேப் மற்றும் ஸ்மால் கேப் மியூச்சுவல் ஃபண்டுகள் போன்றவற்றிலும் முதலீடு செய்ய லாம். நீண்ட காலம் என்றால், உங்களுடைய சேமிப்புகளின் கணிசமான பகுதியை அதாவது, 80% பங்கு சார்ந்த முதலீடுகளிலும், மீதத்தை அதிக வருவாய் தரக்கூடிய கடன் பத்திரங்களிலும் முதலீடு செய்யலாம்.

உதாரணமாக, 10 ஆண்டு களுக்குப்பின் உங்கள் பிள்ளையின் உயர் கல்விக்காக உங்களுக்கு ரூ.10 லட்சம் கார்பஸ் தொகையாகத் தேவை என்று வைத்துக்கொள் வோம். மாதம் 5,000 ரூபாயைப் பங்கு மற்றும் கடன் சார்ந்த கலவை யான முதலீடுகளில் வருடத்திற்கு சுமார் 10% வருமான எதிர்பார்ப்புடன் முதலீடு செய்யலாம். இப்படி முதலீடு செய்தால் 10 ஆண்டுகளில் கார்ப்பஸ் தொகை ரூ.10.3 லட்சம்  வரை கிடைக்கும்.

தொகுப்பு : பா.முகிலன்

படம் :  ஜெ. வேங்கடராஜ்

முதலீட்டுத் திட்டங்கள்... மறு ஆய்வு முக்கியம்!

உங்களின் போர்ட்ஃபோலியோவை வருவாய் அதிகரிப்பு மற்றும் சந்தை நிலவரங்களின் மாற்றங்களுக்கேற்ப அவ்வப்போது மாற்றியமைப்பது அவசியமானது. உங்களின் இலக்குகள் மற்றும் ரிஸ்க் எடுக்கும் நிலை போன்றவைகூட வயதின் அடிப்படையில் மாறக்கூடும். எனவே, உங்களின் தேவைகளுக்கேற்ப உங்கள் போர்ட்ஃபோலியோவில் தேவையான மாற்றங்களைச் செய்கிறீர்களா என்பதை உறுதிப்படுத்திக்கொள்ளுங்கள்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism