Published:Updated:

வரியைச் சேமிக்க உதவும் வீட்டுக் கடன்

வரியைச் சேமிக்க உதவும் வீட்டுக் கடன்
பிரீமியம் ஸ்டோரி
வரியைச் சேமிக்க உதவும் வீட்டுக் கடன்

தியோ சங்கர் திரிபாதி, சி.இ.ஓ, ஆதார் ஹவுஸிங் ஃபைனான்ஸ்

வரியைச் சேமிக்க உதவும் வீட்டுக் கடன்

தியோ சங்கர் திரிபாதி, சி.இ.ஓ, ஆதார் ஹவுஸிங் ஃபைனான்ஸ்

Published:Updated:
வரியைச் சேமிக்க உதவும் வீட்டுக் கடன்
பிரீமியம் ஸ்டோரி
வரியைச் சேமிக்க உதவும் வீட்டுக் கடன்

சொந்த வீடு வாங்குவது ஒருவரது வாழ்வின் மிக முக்கியமான நிதிசார்  விஷயங்களில் ஒன்றாகும். ஒரு வீட்டைச் சொந்தமாக வாங்குவதற்காக வீட்டுக் கடன் வாங்குபவர்களுக்கு, வீட்டுக் கடனானது பணம் சார்ந்த பலன்களை வழங்கு வதுடன், பல்வேறு வரிப்பலன்களையும் வழங்குகிறது. அந்த வரிப் பலன்கள் குறித்துப் பார்ப்போம்.

வரியைச் சேமிக்க உதவும் வீட்டுக் கடன்

* அசல் தொகையைத் திரும்பச் செலுத்துவதன் வரிப்பலன்கள்

சம மாதத் தவணை (EMI),  இரண்டு பகுதிகளைக் கொண்டு உள்ளது – அசல் (பிரின்சிபல்) மற்றும் வட்டி தொகை. வருமான வரிச்சட்டத்தின் பிரிவு 80 சி–ன் கீழ் அசல் தொகைக்கும், பிரிவு 24(பி)–யின் கீழ் வட்டித் தொகைக்கும் வருமான வரிச் சலுகை பெற முடியும்.

பிரிவு 80 சி-யின் கீழ், ஓராண்டுக்குச் செலுத்தக் கூடிய மொத்த அசல் தொகையில் அதிகபட்சம் ரூ.1.5 லட்சம் வரைக்கும் நிபந்தனைக்கு உட்பட்டு  வரிச் சலுகை அனுமதிக்கப்படும். இந்தப் பிரிவின் கீழ் மேற்கொள்ளப்படும் பிடித்தத்தில், அதே ஆண்டில் சொத்துப் பத்திரப் பதிவு மற்றும் முத்திரைத்தாள் கட்டணங்கள் இருந்தால் அவற்றையும் வரிச் சலுகை பெற சேர்த்துக் கொள்ளலாம். 

பி.பி.எஃப், தேசிய சேமிப்பு பத்திரம், ஆயுள் காப்பீடு பாலிசி பிரீமியம் இ.எல்.எஸ்.எஸ் மியூச்சுவல் ஃபண்டுகள் மற்றும் வங்கி  ஐந்தாண்டு  நிரந்தர வைப்புத்தொகை போன்ற பல்வேறு வகைகளில் மேற்கொள்ளப்படும் முதலீடுகளுக் கான மற்ற பல பிடித்தங்களுக்கும் அதிகபட்சம் ரூ.1.5 லட்சம் வரை 80-சியின் கணக்கில் கொள்ளப்படும்.

ஒட்டுமொத்த விகடனுக்கும் ஒரே ஷார்ட்கட்!

வரியைச் சேமிக்க உதவும் வீட்டுக் கடன்

வீட்டுக் கடனைப் பொறுத்தவரையில் வரிச் சலுகை பெற, வீடு முழுமையாகக் கட்டி முடிக்கப் பட்டதற்கான சான்றிதழ் கிடைக்கப் பெற்றதைப் பொறுத்தே அமையும்.

மேலும், சொத்து கைவசம் வந்த ஐந்து ஆண்டுகளுக்கு முன்னதாகவே விற்பனை செய்யப்பட்டால், அந்தச் சொத்தால் கிடைக்கப் பெற்ற வரிப் பலன்களானது, சொத்து விற்பனை செய்யப்பட்ட ஆண்டின் வரிக்குட்பட்ட வருவாயின் ஒரு பகுதியாக மாறிவிடும் என்பதை நினைவில்கொள்ள வேண்டும்.

வட்டி தொகைக்கான வரிப்பலன்கள்

வருமான வரிச் சட்டம் பிரிவு 24–ன் கீழ், குடியிருக்கும் வீட்டிற்கு அதிகபட்சம் ரூ. 2  லட்சம் வரையிலான பிடித்தங்களைப் பெறலாம். கட்டுமானம் தொடங்கப்பட்ட நாள் முதல், கட்டுமானம் முடிக்கப்பட்ட நாள் வரை வீட்டுக் கடனுக்காகச் செலுத்தப்பட்ட வட்டித் தொகையில் வரிப் பிடித்தங்கள் செய்துகொள்ள லாம்.

இந்தப் பலனைப்பெற, வீட்டுக் கடன், வீடு கட்டுமானத்துக்காக விண்ணப்பிக்கப்பட்டிருக்க வேண்டும் என்பதுடன், கட்டுமானப் பணி களானது கடன் பெறப்பட்ட 5 ஆண்டுகளுக்குள் முடிக்கப்பட்டிருக்க வேண்டும். ஒருவேளை, வீட்டுக் கட்டுமானப் பணிகள் ஐந்து ஆண்டுகளுக்குள் நிறைவு செய்யப்படவில்லை எனில், உங்கள் வருமான வரிச் சலுகையில்  அதிகபட்சம் ரூ.30,000 வரைக்கும் விலக்கு அளிக்கப்படும்.

ஒருவேளை, கடன்களானது வாடகைக்கு விடப்படும் சொத்துகாகப் பெறப்பட்டிருப் பின், செலுத்த வேண்டிய வட்டித் தொகையானது, பெறப்படும் வாடகைத் தொகையிலிருந்து பிடித்தம் செய்யப்படும். ஒருவேளை, வாடகைக்கு விடப்படும் சொத்தில் நஷ்டம் ஏற்பட்டால் அதாவது, பெறப்பட்ட வாடகையைக் காட்டிலும் செலுத்தப்பட்ட வட்டி த்தொகை அதிகமாக இருந்தால், அப்போது கடன் பெற்றவர், பிற வகைகளின் வருவாய் அதாவது, சம்பளம் போன்ற பிற வகைகளின் வருவாயிலிருந்து ரூ.2 லட்சம் வரையிலான நஷ்டத்தைப் பதிவு செய்யலாம். மீதமுள்ள இழப்பை,  வரும் மதிப்பீட்டு ஆண்டுகளுக்குக் கொண்டு செல்லலாம்.

குடியிருப்பு மற்றும் வாடகைக்கு விட்டிருக்கும் வீடுகளுக்குச் சேர்த்து மொத்தம் வட்டியில் ரூ.2 லட்சம் மட்டுமே வரிச் சலுகை உண்டு.

வரியைச் சேமிக்க உதவும் வீட்டுக் கடன்

* பிற பலன்கள்

பிரிவு 54 எஃப்–யின்கீழ், நீண்ட கால மூலதன சொத்திலிருந்து (குடியிருப்பு வீடு இல்லை) கிடைக்கப்பெறும் மூலதனப் பலன், அதற்கான பரிவர்த்தனை நடந்த தேதியிலிருந்து இரண்டு ஆண்டுகளுக்குள் வீடு வாங்குவதற்காகவோ அல்லது மூன்று ஆண்டுகளுக்குள் வீடு கட்டு வதற்காகவோ முதலீடு செய்யப்பட்டிருந்தால், அதற்கு வரி விலக்கு உண்டு. எனினும், இந்தப் பலன்களானது ஒன்றுக்கு மேற்பட்ட குடியிருப்பு வீட்டினைச் சொந்தமாகக் கொண்டிருப்பவருக்குப் பொருந்தாது. இது, முதல்முறையாக வீடு வாங்குபவர்கள் அல்லது நீண்ட கால சொத்து முதலீட்டுக் கண்ணோட்டத்தில் இரண்டாவது வீட்டை வாங்குபவர்களுக்கு  உதவிகரமாக இருக்கும்.

பிரிவு 54–ன்கீழ், ஒருவர் ஒரு குடியிருப்பு வீட்டை விற்பனை செய்தபின், அந்த மூலதனப் பலன் மூலமாக இரண்டு ஆண்டுகளுக்குள் வேறு ஒரு வீட்டினை வாங்கினாலோ அல்லது மூன்று ஆண்டுகளுக்குள் வேறு ஒரு வீட்டைக் கட்டினாலோ அந்த மூலதனப் பலனுக்கு விலக்களிக்கப்படும். இது, பழைய வீட்டை விற்று விட்டு, கூடுதல் தேவைகளுக்காகப் புதிய வீட்டை வாங்குபவர்களுக்கு, பழைய வீட்டை விற்பதால் கிடைக்கும் வருவாய், வருமான வரிக்கு உட்படுத்தப்படாமல் இருப்பதற்கு உதவும்.

வீட்டுக் கடன் கணிசமான வரிச் சலுகைகளை அளிக்கிறது என்பதை  புரிந்துகொண்டிருப்பீர்கள்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism