பிரீமியம் ஸ்டோரி

ரசு சார்ந்த மற்றும் வங்கி சார்ந்த சிறுசேமிப்புத் திட்டங்கள் பலவற்றைவிட அதிக வளர்ச்சி தரக்கூடிய சிறுசேமிப்புதான் எஸ்.ஐ.பி! 

எல்லா புகழும் எஸ்.ஐ.பி-க்கே!

மாதா மாதம் ஒரு சிறு தொகையை நமது நீண்டகாலத் தேவைகளுக்காக மியூச்சுவல் ஃபண்டுகளில் முதலீடு செய்வதுதான் எஸ்.ஐ.பி (SIP – Systematic Investment Plan) என அழைக்கப்படுகிறது. கடந்த டிசம்பர் 2018-ல் மட்டும் இவ்வாறு இந்தியா முழுவதும் மக்கள் ஒரு மாதத்திற்கு சேமித்த தொகை எவ்வளவு தெரியுமா?  ரூ. 8,022 கோடி!

மியூச்சுவல் ஃபண்டுகளில் முதலீடு செய்யும் பழக்கம் இப்போது பரவலாகிவருகிறது. நல்ல லாபம் வருமென்பதால்தான் இத்தகைய ஆர்வம். உதாரணத்திற்கு ஒரு குறிப்பிட்ட பங்கு சார்ந்த மியூச்சுவல் ஃபண்டில் ஒருவர் கடந்த 25 வருடங்களாக (01-01-1994-லிருந்து 01-12-2018 வரை) மாதம் ரூ 1,000 முதலீடு செய்துவந்திருந்தால், அவர் செய்த மொத்த முதலீடு ரூ. 3 லட்சமாக இருக்கும் (25 வருடங்கள் = 300 மாதங்கள்). அந்த ரூ. 3 லட்சத்தின் இன்றைய மதிப்பு ரூ. 76 லட்சத்திற்கும் மேல்! கூட்டு வளர்ச்சி அடிப்படையில் ஆண்டு வருமானம் 21 சதவிகிதத்திற்கும் மேல்! அதே சமயத்தில் கடந்த 25 வருடங்களாக நிரந்தர வருமானம் தரக்கூடிய சிறுசேமிப்புத் திட்டங்களில் மாதம் ரூ 1,000 வீதம் முதலீடு செய்த ஒருவருக்கு அந்த ரூ. 3 லட்சத்தின் இன்றைய மதிப்பு ரூ. 8.77 லட்சம்தான். ரூ. 76 லட்சம் எங்கே, 8.77 லட்சம் எங்கே? இப்பொழுது உங்களுக்குப் புரியும், ஏன் பலர் எஸ்.ஐ.பி-யை நோக்கிச் செல்கிறார்கள் என்று!

எல்லா புகழும் எஸ்.ஐ.பி-க்கே!

எஸ்.ஐ.பி முறையில் முதலீடு செய்யும்போது, உங்களால் தொடர முடியவில்லை என்றால் ஒரு மாத முன்னறிவிப்பில் முதலீட்டை நிறுத்திக் கொள்ளலாம். எப்பொழுது முடியுமோ அப்பொழுது திரும்ப ஆரம்பித்துக்கொள்ளலாம். ஏற்கெனவே போட்ட பணத்தை, தேவைப்படும் வரை விட்டு வைக்கலாம், அல்லது உடனடித் தேவை ஏற்பட்டாலும் அன்றைய மதிப்பில் எடுத்துக்கொள்ளலாம். மேலும் சில நிறுவனங்கள் எஸ்.ஐ.பி முறையில் முதலீடு செய்யும்பொழுது, எஸ்.ஐ.பி தொகையைப்போல 100 மடங்கு வரை இலவச ஆயுள் காப்பீட்டை வழங்குகின்றன. எஸ்.ஐ.பி-யில் இ.எல்.எஸ்.எஸ் திட்டங்களில் முதலீடு செய்யும்பொழுது, ரூ 1.5 லட்சம் வரை வரிச் சலுகையும் பெற்றுக்கொள்ளலாம். குறைந்தபட்சமாக மாதம் ரூ. 100-லிருந்து எஸ்.ஐ.பி-யைத் தொடங்கலாம்.

சொக்கலிங்கம் பழனியப்பன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு