Published:Updated:

அதிக ரொக்கக் கையிருப்பு... நிறுவனத்தின் மதிப்பைக் குறைக்குமா?

ஒட்டுமொத்த விகடனுக்கும் ஒரே ஷார்ட்கட்

Use App
அதிக ரொக்கக் கையிருப்பு... நிறுவனத்தின் மதிப்பைக் குறைக்குமா?
அதிக ரொக்கக் கையிருப்பு... நிறுவனத்தின் மதிப்பைக் குறைக்குமா?

அதிக ரொக்கக் கையிருப்பு... நிறுவனத்தின் மதிப்பைக் குறைக்குமா?

பிரீமியம் ஸ்டோரி

ரு நிறுவனத்தின் பங்குகளை வாங்கி, அதில் முதலீடு செய்வதற்குமுன், அந்த நிறுவனத்தின் மதிப்பினைச் (value of the firm) சரியாகக் கணக்கிடுவது மிக முக்கியமான வேலை ஆகும். ஒரு நிறுவனத்தின் மதிப்பினைக் கணக்கிட நாம் அந்த நிறுவனத்தின் உள்ளார்ந்த மதிப்பை (Intrinsic value) கணக்கிட வேண்டும்.

அதிக ரொக்கக் கையிருப்பு... நிறுவனத்தின் மதிப்பைக் குறைக்குமா?

பங்கு நிறுவனங்கள் தங்களிடம் உள்ள பணத்தைச் சரியாக மேலாண்மை செய்வதன்மூலம் தங்களது நிறுவனத்தின் உள்ளார்ந்த மதிப்பினை அதிகரிக்கலாம். எப்படி என்று கேட்கிறீர்களா?

அதாவது, ஒரு பங்கு நிறுவனம் பணத்தை மிக அதிகமாகவோ அல்லது மிகக் குறைவாகவோ கையில் இருப்பு வைக்காமல், தேவையான அளவில் (Optimal cash holding) இருப்பு வைத்திருப்பதன்மூலம் அந்த  நிறுவனத்தின் உள்ளார்ந்த மதிப்பினை அதிகப்படுத்த வாய்ப்புள்ளது. அதேசமயம், அதிக ரொக்கக் கையிருப்பு, எவ்வாறு ஒரு நிறுவனத்தின் மதிப்பினை எதிர்மறையாகக் குறைக்கிறது என்பதைப் பார்ப்போம். 

அதிக ரொக்கக் கையிருப்பு... நிறுவனத்தின் மதிப்பைக் குறைக்குமா?



ரொக்கக் கையிருப்புக்கான தேவைகள்

பணம் என்பது ஒரு வியாபார நிறுவனத்தின் அன்றாட நடவடிக்கைகளுக்கு அடிப்படையான ஒன்றாகும். மூலப்பொருள் வாங்கவும் அல்லது ஏதாவது ஒரு  சேவையைப் பெறுவதற்கும் பணம் தேவைப்படுகிறது.

அதேசமயம், ரொக்க வரவு மற்றும் ரொக்கச் செலவுகள் சரியான முறையில் ஒரேமாதிரி இருக்க வேண்டும். மேலும், ஏதாவது எதிர்பாராத அவசரச் செலவு களுக்காகவும், வியாபாரத்தில் நிலைத்தன்மை யற்ற சூழல் போன்றவற்றைச் சமாளிப்பதற் காகவும் நிறுவனங்கள் ரொக்கக் கையிருப்பை வைத்துள்ளன. 

அதிக ரொக்கக் கையிருப்பு... நிறுவனத்தின் மதிப்பைக் குறைக்குமா?

இவை எல்லாம் ஒரு முன்னெச்சரிக்கை நடவடிக்கைக்காக என்று சொல்லலாம். தொழில் நிலையற்றத்தன்மை நீடித்தாலோ அல்லது இடையூறுகள் தொடர்ந்தாலோ, பணம் அத்தகைய சூழலை எதிர்கொள்ளும் மற்றும் தன்னம்பிக்கையை ஏற்படுத்தும். சிலநேரங்களில், சில நிறுவனங்கள் ஊக வணிகத்தில் ஈடுபடவும், கடன் மதிப்பீட்டில் நல்ல ரேட்டிங்கினைப் பெறவும், உடனடியாகப் பணம் செலுத்தி ரொக்கத் தள்ளுபடி அல்லது அதிகத் தள்ளுபடி பெறவும் அதிகமான ரொக்க கையிருப்பினை இருப்பில் வைத்திருக்கும்.

அதிகப்படியான பண இருப்பை அளப்பது எப்படி?

அதிகப்படியான பண இருப்பு என்பது ஒரு நிறுவனத்தின் கடன் விற்பனை, கடனாளிகளிடம் உள்ள நிலுவைத் தொகை, கிடங்கில் உள்ள சரக்கின் மதிப்பு போன்றவற்றின் பின்னுள்ள தொகையாகும். பொதுவாக, அதிகப்படியான ரொக்க இருப்பு என்பது தேவையான ரொக்க இருப்பிற்கும், கையிலுள்ள உண்மையான ரொக்கத்திற்கும் உள்ள வேறுபாடே ஆகும்.

முதலீட்டு அறிவியலின்படி, ஒரு நிறுவனத்தின் அளவு, நடைமுறை மூலதனத் தின் தேவை, பங்கு ஈவுத்தொகை விகிதம், ஆராய்ச்சி மற்றும் அபிவிருத்தி தொடர் பான செலவுகள், கடன் - பங்கு விகிதம், கடன் முதிர்வுக் காலம் போன்றவை ஒரு நிறுவனம் சரியான அளவில் வைத்திருக்க வேண்டிய ரொக்க இருப்பைத் தீர்மானிக்கும் காரணிகளாக உள்ளன என்று கூறுகிறது. உலகம் முழுவதிலும் உள்ள பெரும்பான்மையான ஆய்வறிக்கைகள், வளர்ந்துவரும் நாடுகள் உட்பட, அதிகப்படியான ரொக்கக் கையிருப்பு, பங்குகளின் வருமானத்தைக் குறைக்கும் என்று நிரூபிக்கப்பட்டுள்ளது.

உள்ளார்ந்த மதிப்பினைக் கணக்கிடுவது எப்படி?

ஒரு நிறுவனத்தின் உள்ளார்ந்த மதிப்பினை இரண்டு பகுதிகளாகக் கணக்கிடலாம். நடப்பு வியாபார வளங்கள் மற்றும் நடவடிக்கைகள் மூலம் வருவது; எதிர்பார்க்கும் விரிவாக்க வியாபார நடவடிக்கைகள்மூலம் வருவது. 

அதிக ரொக்கக் கையிருப்பு... நிறுவனத்தின் மதிப்பைக் குறைக்குமா?

பொதுவாக, கம்பெனி நிர்வாகம் அதிக ரொக்கக் கையிருப்பு வைப்பதன்மூலம் எதிர்பாராத நிலைத்தன்மையற்ற சூழல் மற்றும் இடர்பாடுகளைச் (Risk) சமாளிப்பதுடன், தங்களது சுயலாபத்தையும் கணக்கில் எடுத்துக் கொள்கின்றன. 

எனினும், அதிக ரொக்கக் கையிருப்பு தேவையற்ற சொத்தின் மீதும், சரியாக லாபம் தராத தொழிலிலும் முதலீடு செய்ய வைக்கும் அபாயத்தை ஏற்படுத்தக்கூடும். இந்த செயல்பாடுகள், நிறுவனத்தின் முதலீட்டுத் திட்டங்களில் பெரிய பாதிப்பை ஏற்படுத்தும். இது உள்ளார்ந்த மதிப்பினைக் குறைப்பதுடன், ஒட்டுமொத்த நிறுவனத்தின் மதிப்பையும் குறைத்துவிடும். 

அதேசமயம், சில துறைகளில் ரொக்கக் கையிருப்பு பிற துறைகளைவிட அதிகம் தேவைப் படும்.

உதாரணத்திற்கு, தகவல் தொழில்நுட்பம், மென்பொருள், தொலைத்தொடர்பு போன்ற துறைகளில் உள்ள நிறுவனங்களின் ரொக்கக் கையிருப்பு அதிகமாக இருக்கும்.

இதற்குக் காரணம், இந்தத் துறைகளில் புதிய தொழில்நுட்பம் வந்தால், அதை உடனடியாக ஏற்றுக்கொண்டு, தங்களது வியாபாரத்தைப் பெருக்க அவர்களுக்கு ரொக்கக் கையிருப்பு தேவைப்படும். 

ரொக்கக் கையிருப்பானது  வெறும் ரொக்கத்தை மட்டுமே குறிக்காது. ரொக்கக் கையிருப்பு, வங்கியில் உள்ள வைப்பு, கட்டுப்பாடற்ற (Unrestricted) வைப்பு மற்றும் எளிதில் பணமாக மாற்றக்கூடிய அரசு, ரிசர்வ் வங்கிக் கடன் பத்திரங்கள் போன்றவற்றையும் குறிக்கும்.

ப.சரவணன், பேராசிரியர், இந்தியா மேலாண்மை நிறுவனம், திருச்சி   

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு