Published:Updated:

நிதிச் சுதந்திரத்தை அடைய 8 தாரக மந்திரங்கள்!

நிதிச் சுதந்திரத்தை அடைய 8 தாரக மந்திரங்கள்!
பிரீமியம் ஸ்டோரி
News
நிதிச் சுதந்திரத்தை அடைய 8 தாரக மந்திரங்கள்!

நா.சரவணகுமார், நிதி ஆலோசகர்

ளியமுறை வாழ்க்கையோ அல்லது நாம் விரும்பிய வாழ்க்கை முறையோ, எதுவென்றாலும் நாம் பொருளாதாரத்தைச் சார்ந்தே இருக்கிறோம். சிறுகச் சிறுகச் சேர்த்துவைத்த பணத்தை சந்தோஷமாகச் செலவழிப்பதற்கான காலம் இருந்தால் மட்டுமே, நாம் சேர்த்த பணத்திற்கான பயன் உண்டு. நிதிச் சுதந்திரம் அல்லது பொருளாதாரச் சுதந்திரம் (Financial Freedom) என்பது நாம் நமக்கான தேவைக்காக வாழ்நாள் முழுவதும் உழைக்காமல்,  போதுமான செல்வத்தை முன்கூட்டியே சேர்த்து வைத்துக்கொள்வதுதான். இதன் மூலம் நமது வாழ்க்கையில் பொருளாதார ரீதியாக சுதந்திரமாகச் செயல்படலாம்.

நிதிச் சுதந்திரத்தை அடைய 8 தாரக மந்திரங்கள்!

நிதிச் சுதந்திரத்தை விரைவாகப் பெறுவதற்கான எட்டு தாரக மந்திரங்களைப் பார்ப்போம்.

1. சுதந்திரமான மனம் (Freedom Mindset)

உங்கள்  எண்ணங்கள், நம்பிக்கை, வார்த்தைகள் மற்றும் கொள்கைகளில் நீங்கள் சுதந்திரமாக செயல்பட முனையுங்கள். நிதி சார்ந்த முடிவு களிலும் எந்தவொரு வெளியுலக அழுத்தத்திற்கும் உட்படாமல் முடிவுகளை எடுங்கள். அதே சமயம்,  உங்கள் பொருளாதாரத்திற்குமேலாக எடுக்கும் ரிஸ்க்கினைப் பரிசீலனை செய்துகொள்ளுங்கள். அதுவே உங்களை முன்னேற்றத் துணைபுரியும்.

2. இலக்கு மற்றும் திட்டத்தை ஏற்படுத்திக் கொள்ளுதல் (Goal and Plan)


உங்களுக்கான சரியான இலக்கையும், திட்டத்தையும் ஏற்படுத்துவது அவசியம். உங்களுக்கு என்ன வேண்டும், எங்கே செல்ல விரும்புகிறீர்கள், என்ன மாதிரியான வாழ்க்கை முறையை வாழ விரும்புகிறீர்கள் என்பதைத் தீர்மானித்துக்கொள்வது நன்று.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
நிதிச் சுதந்திரத்தை அடைய 8 தாரக மந்திரங்கள்!

பொருளாதாரரீதியாகத் தேவைப்படும் பணத்தின் மதிப்பையும் குறித்து வைத்துக் கொள்வது. அடுத்த 10-15 வருடங்களுக்கு உங்களுக்கும் உங்கள் குடும்பத்திற்கும் என்ன தேவை  உள்ளது  என்பதைக்  கணக்கிட்டுக்கொள்ள வேண்டும். இலக்கு மற்றும் திட்டமில்லாத சுதந்திரம் என்று எதுவும் கிடையாது.

3. சம்பாதிப்பதைவிடக் குறைவாகச் செலவழியுங்கள் (Spend less than you Earn)

தேவையற்ற செலவுகளைக் குறைத்தல் அல்லது அதனைத் தவிர்த்தல் என்பது நிதிச் சுதந்திரத்தின் முக்கியப் பண்பாகும். உங்களிடம் என்ன உள்ளதோ, அதன் எல்லைக்குள் உங்கள் பொருளா தாரத்தைப் பாதுகாத்துக்கொள்ளுங்கள்.

4. உங்கள் பணத்தை நிர்வகிக்கக் கற்றுக் கொள்ளுங்கள் (Manage your money)

உங்களுக்குத் தேவையான மாத அடிப்படை செலவுகள், சேமிப்பு மற்றும் முதலீடுகள், உங்களுக்குப் பிரியமான இடத்திற்குச் செல்ல தேவைப்படும் தொகை ஆகியவற்றைத் தனித் தனியாக ஒதுக்கீடு  செய்யப் பழகுங்கள்.

முடிந்தால் ஒவ்வொன்றுக்கும் வெவ்வேறு வங்கிக் கணக்கு களை ஆரம்பியுங்கள். ஒவ்வொரு தேவைக்குமான தொகையை முன்னரே எடுத்து வைக்கப் பழகுங்கள்.

5. அதிகப்படியான பணம் சம்பாதியுங்கள் (Earn a lot more money)

இளமைக் காலத்தில் அதிகப்படியான வருமானத்தைப் பெறும்போது, உங்களுடைய சேமிப்பையும், முதலீட்டையும் அதிகரிக்கும் வாய்ப்புள்ளது. இதனால் நிதிச் சுதந்திரம் பெறுவதை விரைவாக, எளிதாக அடையலாம்.

6. மூலதனத்தின் சக்தி வாய்ந்த வாய்ப்புகள்       (Investment Appreciation)


உங்களின் பணத்தை வெறும் முதலீடாக மட்டுமல்லாமல், முதலீட்டின்மூலம் பெறும் வருமானத்தின் மதிப்பையும் (Value to Increase) உயர்த்த முயலுங்கள். கையில் கிடைத்த லாபத்தை மறுமுதலீடு செய்வதால், உங்களுடைய செல்வத்தின் மதிப்பும் உயரும்.

7. செயலற்ற வருமானத்தை உருவாக்குங்கள் (Create Passive Income)


உங்கள் நேரம் மற்றும் ஆற்றலை அதிகமாக வீணாக்காமல், வருமானத்தை அதிகரிப்பதற்கான கற்றலை மேற்கொள்ளுங்கள். கற்றலின் மூலம் மிகப் பெரிய செயலற்ற வருமானத்தைப் பெறுங்கள். வாழ்நாள் முழுவதும் உங்களுக்காக சம்பாதித்துக் கொடுக்கும் தொழில் அல்லது முதலீட்டைத் தேடுங்கள் மற்றும் அதனைச் செயல்படுத்துங்கள். (உதாரணம்: பங்குகள்,  மியூச்சுவல் ஃபண்ட், வாடகை வருமானம், தொழில் முதலீடு)

8. உங்களுடைய பங்களிப்பு எப்போதும் அவசியம் (Helping others)


பொருளாதாரச் சுதந்திரம் பெறுவது ஒருபுறம் இருந்தாலும், உங்களுடைய பங்களிப்பை மற்றவர் களுக்கும் அளியுங்கள். உங்களுக்குத் தெரிந்த விஷயங்களை மற்றவர்களுக்குச் சொல்லிக் கொடுப்பது, தொழிலில் ஆர்வமுள்ளவர்களை மேம்படுத்தத் துணைபுரிவது போன்ற செயல்களை எப்போதும் மேற்கொள்ளுங்கள். ‘என்னிடம் பணம் இருந்தால் மட்டுமே நான் மற்றவர்களுக்கு உதவுவேன்’ என்று நீங்கள் கூறினால், உங்களால் வாழ்நாள் முழுவதும் யாருக்கும் நன்மையைச் செய்ய முடியாது.

உங்களுக்காகவும், மற்றவர்களுக்காகவும் பணத்தைச் சேர்க்கத் தொடங்குங்கள்!