Published:Updated:

வீட்டுக் கடன்... ஐம்பது வயதிலும் வாங்கலாம்!

வீட்டுக் கடன்... ஐம்பது வயதிலும் வாங்கலாம்!
பிரீமியம் ஸ்டோரி
News
வீட்டுக் கடன்... ஐம்பது வயதிலும் வாங்கலாம்!

பி.விஜயலஷ்மி

னைவருக்கும் சொந்தமாக ஒரு வீடு வாங்க வேண்டும் என்கிற கனவு  இருக்கும். இந்தக் கனவு நிஜமா வதற்குள் பாதி வாழ்க்கை ஓடிவிடும். அதன் பிறகு, வீட்டுக் கடன் வாங்க நினைத்தால், 50 வயதாகிவிட்டது, இனி நமக்கு எங்கே வீட்டுக் கடன் கிடைக்கப்போகிறது என்கிற கவலை பலருக்கும் வந்துவிடுகிறது. 

வீட்டுக் கடன்... ஐம்பது வயதிலும் வாங்கலாம்!

இனி அந்தக் கவலையே வேண்டாம். நீங்கள் ஐம்பது வயதைத் தாண்டியவராக இருந்தாலும், உங்களுக்கு வீட்டுக் கடன் கிடைக்கும். எந்த வயதினருக்கும் வீட்டுக் கடன் கொடுக்க வங்கிகளும், வீட்டு வசதி நிறுவனங்களும் தயாராக இருக்கின்றன. 

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

பொதுவாக, 20-30 வயது உடைய வர்கள் அதிகபட்சம் 30  ஆண்டுகள் வரை  வீட்டுக் கடனை திரும்பக் கட்ட லாம். அதாவது, வேலை பார்க்கும் காலத்திலேயே அந்தக் கடனை திரும்பச் செலுத்திவிடலாம். 40 வயதில் வீட்டுக் கடன் வாங்கினால் குறுகிய காலம் அதாவது, 15-20  ஆண்டுகளில் கடனைத் திரும்பச் செலுத்தலாம். பொதுவாக, வீட்டுக் கடனை 58 அல்லது 60 வயதுக்குள் திரும்பக் கட்டிவிடச் சொல்வார்கள்.

ஆனால்,  இன்றைய தேதியில் பணி ஓய்வு பெற்றவர்களுக்கு வீட்டுக் கடன் வாங்க முடியும். அவருக்குக் கிடைக்கும் பென்ஷன் அடிப்படையில் வீட்டுக் கடன் வழங்கப்படுகின்றன. அதாவது, காலதாமதமாகப் பெறப்பட்ட வீட்டுக் கடனை பணி ஓய்வுக்குப்பிறகும் கட்ட அனுமதிக்கப்படுகிறது.

மேலும், பணி ஓய்வின்போது கிடைக்கும் மொத்தத் தொகையைக் கொண்டு பாக்கித் தொகையை அடைத்துவிடும் வசதியும் இருக்கிறது. அப்படி இல்லையெனில், பகுதி தொகையைக் கட்டி, மாதக் கடன் தவணையைக் குறைத்துக் கொள்ளலாம். இப்படி மொத்தத் தொகை அல்லது பகுதித் தொகையைக் கட்டும் வாய்ப்பு இல்லாதபட்சத்தில், பென்ஷன் தொகையிலிருந்து வீட்டுக் கடனுக்கான மாதத் தவணையைக் கட்டலாம்.

பொதுவாக, ஒருவர் 50 வயதில் வீட்டுக் கடன் வாங்கினால் அதனை அவரின் 70 வயது வரை கட்ட முடியும்.  இப்படி அதிக வயது வரை வீட்டுக் கடனை கட்ட விரும்பவில்லை என்றால் அதற்கும் வழி இருக்கிறது.

சுமார் 40, 45, 50 வயதில் இருப்பவர்கள் பணிபுரியும் தம்பதியாக இருக்கும்பட்சத்தில் வீட்டுக் கடனை இணைந்து வாங்கலாம். இது பல வழிகளில் லாபகரமாக இருக்கும். கடனை எளிதில் அடைக்க முடிவதுடன், அதிக வரிச் சலுகையை இதன்மூலம் பெற முடியும்.

கணவரைவிட மனைவிக்கு வயது குறைவாக இருந்து, இருவரும்  இணைந்து வீட்டுக் கடனுக்கு விண்ணப்பித்தால் கடன் கிடைக்கும் வாய்ப்பு மிகவும் பிரகாசமாக இருக்கும். கணவரின் பணி ஓய்வுக்குப்பிறகு மனைவி வீட்டுக் கடன் தவணையை முழுமையாகச் செலுத்துவதுபோல் இருக்கும்.

தம்பதியாகக் கூட்டு வீட்டுக் கடன் வாங்க இயலவில்லை என்றால், அதிக முன்பணம் (டவுன் பேமென்ட்) செலுத்து வதன் மூலம் மாதத் தவணையைக் குறைக்க முடியும். இதனால் மிக எளிதாகக் கடனைக் கட்ட இயலும். ஆண்டு தோறும் கிடைக்கும் போனஸ் தொகையை வீட்டுக் கடனுக்குக் கட்டிவந்தால், கடன் எளிதில் அடைந்துவிடும்.

மேலும், ஓய்வுக்காலத்தில் கிடைக்கும் பணிக்கொடை போன்றவற்றைக்கொண்டு மாதத் தவணையைக் குறைத்துக் கொள்ள முடியும். இதன்மூலம் கடன் சுமை குறைந்து, ஏற்கெனவே செய்திருக்கும் நீண்ட கால சேமிப்புகளை ஓய்வுக்காலத்தில் பயன்படுத்தி மகிழ்ச்சியாக வாழ முடியும்!