Published:Updated:

மியூச்சுவல் ஃபண்ட் ரிவியூ... கவனிக்க வேண்டிய 10 அம்சங்கள்!

ஒட்டுமொத்த விகடனுக்கும் ஒரே ஷார்ட்கட்

Use App
மியூச்சுவல் ஃபண்ட் ரிவியூ... கவனிக்க வேண்டிய 10 அம்சங்கள்!
மியூச்சுவல் ஃபண்ட் ரிவியூ... கவனிக்க வேண்டிய 10 அம்சங்கள்!

மியூச்சுவல் ஃபண்ட் ரிவியூ... கவனிக்க வேண்டிய 10 அம்சங்கள்!

பிரீமியம் ஸ்டோரி

ழைய நிதியாண்டு கழிந்து புது நிதியாண்டில் காலடி எடுத்து வைத்து ஏறக்குறைய ஒரு மாத காலம் முடியப்போகிறது. கடந்த சில ஆண்டுகளில் மியூச்சுவல் ஃபண்டுகளில் மக்கள் அதிகம் முதலீடு செய்தார்கள். அதிலும் எஸ்.ஐ.பி  முறையில் முதலீட்டைத் தொடங்கியவர்கள் பலர்.

இந்த முதலீடு நன்கு வளர்ந்து வருகிறதா, இந்த முதலீட்டினை அவ்வப்போது மறுஆய்வு செய்து, சரியாகப் பராமரிக் கிறவர்கள் நம்மில் எத்தனை பேர்? நாம் செய்த முதலீடு இன்றைக்கு எப்படி உள்ளது, எவ்வளவு வருமானம் தந்திருக்கிறது அல்லது நஷ்டம் ஏதும் தந்திருக்கிறதா என்று ஆராய்ந்து பார்ப்பது அவசியம். இந்த ஆராய்ச்சியை எப்படித் தொடங்குவது, எங்கிருந்து தொடங்குவது என்பதற்கான    10 முக்கிய அம்சங்களை இங்கே பட்டியல் இட்டுள்ளோம்.

மியூச்சுவல் ஃபண்ட் ரிவியூ... கவனிக்க வேண்டிய 10 அம்சங்கள்!

1. முதலீட்டு (சொத்து) மறுசீரமைப்பு

வருடம் ஒருமுறை நமது மியூச்சுவல் ஃபண்ட் முதலீடுகள் பற்றிய  விவரங்களைச் சேகரித்து, லாப நஷ்டங்களை ஆராய்ந்து, எதில் மாற்றம் தேவை என்று கவனித்து அதன்படி நடவடிக்கை எடுப்பது அவசியம். இது அஸெட் ரீபேலன்ஸ் (Asset rebalance) எனப்படும்.

நாம் முதலீட்டு (சொத்து) மறுசீரமைப்பு என்று கொள்ளலாம். இவ்வாறு நமது திட்டங்கள் அனைத்திலும் எத்தனை யூனிட்டுகள் உள்ளன, எவ்வளவு தொகை உள்ளது என்று கேம்ஸ்ஆன்லைன் / கார்வி  (Camsonline / Karvy mfs) ஆகிய இணையதளங்களுக்குச் சென்று எல்லா ஃபண்டுகளின் மதிப்புகளையும் ஒரே இடத்தில் பார்த்துக் கொள்ளலாம். இந்த ஃபண்டுகளின் மதிப்பு, எவ்வளவு தொகை பங்குச் சந்தை சார்ந்த திட்டத்திலும், கடன்  சார்ந்த திட்டத்திலும் உள்ளது என்பதையெல்லாம் பார்த்து, நம் ரிஸ்க் எடுக்கும் தன்மைக்கேற்ப ஈக்விட்டி ஃபண்டுகளில் அதிகப்படுத்தவோ அல்லது கடன்  ஃபண்டுகளில் குறைக்கவோ முடியும். இதைத்தான் நாம் முதலீட்டு மறுசீரமைப்பு என்கிறோம். இந்த மறுசீரமைப்பு செய்வதற்கு ஏற்ற காலம் ஏப்ரல் மாதம்தான்.

2. எத்தனை திட்டங்களை வைத்துக்கொள்ளலாம்?

நாம் முதலீடு செய்துள்ள திட்ட விவரங்கள் நமக்குக் கிடைத்தபிறகு, மொத்தம் எத்தனை திட்டங்களை வைத்துள்ளோம் என்று பார்க்க வேண்டும். பத்து, இருபது என்று இல்லாமல் ஒற்றை இலக்கங் களுக்குள் கொண்டுவருவது நல்லது. இதற்கு நாம் முக்கியமாகச் செய்யவேண்டிய வேலை, நமது திட்டங்கள் எந்த வகையானவை, ஒரே வகையான திட்டங்களில் பல திட்டங்கள் வைத்திருக்கிறோமா என்று பார்க்க வேண்டும்.

உதாரணமாக, ஸ்மால்கேப் என்றால்,  அதே வகையில் பல திட்டங்களில் முதலீடு செய்திருக்கிறோமா என்று பார்க்க வேண்டும். அவ்வாறு இருந்தால் எது நன்கு செயல்படு கிறதோ  அதை வைத்துக்கொண்டு மற்றதைத் தவிர்க்க முடியுமா என்று பார்க்க வேண்டும்.

3. திட்டங்களும் மறுபரிசீலனை காலமும்

(A) ஈக்விட்டி ஃபண்ட்

ஈக்விட்டி திட்டங்களைப் பொறுத்தவரை, அவற்றை நீண்ட காலம் வைத்திருப்பதே நல்லது. ஒரு வருடம், இரண்டு வருட வருமானத்தைப் பார்த்து  மாறுதல்செய்வது அவ்வளவு  சிறப்பாக இருக்காது. எனவே, நான்கு / ஐந்து வருடங்கள், அதற்குமேல், வருமானம் எப்படித் தந்துள்ளது என்று பார்த்து, அதற்கு ஏற்றவாறு நாம் மாறுதல் செய்ய லாம். இதில் முக்கியமாகக் கவனத்தில் கொள்ள வேண்டிய விஷயம், ஒரு வருடத்திற்குமேல் மாறுதல் செய்யும்போது லாபத்துக்கு முதல் ஒரு லட்சம் ரூபாய்க்கு வரி ஏதும் இல்லை.

மியூச்சுவல் ஃபண்ட் ரிவியூ... கவனிக்க வேண்டிய 10 அம்சங்கள்!

(B) கடன் ஃபண்ட் 

கடன் திட்டங்களில் மாறுதல் செய்ய நினைத்து, அது மூன்று வருடங்களுக்குள் இருந்து, அது லாபத்தில் இருந்தால், அதற்கு ஷார்ட் டேர்ம் வரி கட்டவேண்டிய நிலைமை ஏற்படும். இதை மாறுதல் செய்வதற்குமுன் மனதில்கொள்ள வேண்டும்.

(C) கலவை ஃபண்ட் 

கலப்பினத் திட்டங்களில் பெரும்பாலானவை பங்கு சார்ந்த திட்டங்களாக உள்ளன. சில ஃபண்டுகள் கடன் சார்ந்த திட்டமாகவும் உள்ளன. மேற்கூறிய இரண்டு வகையில் எந்த வகைத் திட்டத்தில் நீங்கள் முதலீடு செய்திருப்பதைக் கவனத்தில் கொள்ள வேண்டும். மாறுதல் செய்யும்போது வகைக்கு ஏற்றவாறு செயல்பட வேண்டும்.

(D) இ.எல்.எஸ்.எஸ் 

இந்த ஃபண்டை குறைந்தபட்சம் மூன்று வருடங்கள் வைத்திருக்க வேண்டும். வரிச் சலுகை  கிடைக்கும் காரணத்தால் அதற்குமுன் நாம் இந்தத் திட்டத்திலிருந்து வெளியில் வரமுடியாது. இதில் மூன்று வருடங்களுக்குள் மாறுதல் எதுவும் செய்ய முடியாது. 

(E) குறிக்கோள் சார்ந்த திட்டங்கள்

முதியோர் ஓய்வூதியத் திட்டம் மற்றும் குழந்தைகள் எதிர்காலத் திட்டம் ஆகியவற்றைப் பெரும்பாலும் மாறுதல் செய்வதற்குக் காரணம் ஏதும் இல்லை. குழந்தைகளுக்கான திட்டம் முடிவடையும்போது, அன்றைய பணத் தேவைகளைப் பொறுத்து, அவர்கள் பெயரில் உள்ள முதலீட்டினை பங்குச் சந்தை சார்ந்த திட்டங்களுக்கு மாற்றிக்கொள்ளலாம். அல்லது பணத்தை எடுத்து குழந்தையின் கல்விச் செலவுக்கு பயன்படுத்திக்கொள்ளலாம்.
 
அதுபோல், ஓய்வூதியத் திட்டத்தில் (Pension schemes) முதலீடு செய்யப்படும் பணம் பெரும்பாலும் கடன் திட்டங்களுக்கு மாற்றப்படும். சீரான வருமானம் கிடைக்கும் என்ற அடிப்படையிலேயே இது மாற்றப்படுகிறது. ஓய்வூதியம் எவ்வளவு கிடைக்கிறது, மற்ற வகையில் எவ்வளவு பணம் வருகிறது என்பதைப் பொறுத்து, ஓய்வூதியத் திட்டத்தில் இருக்கும்  பணத்தை  பங்குச் சந்தை சார்ந்த திட்டங்களில் மாற்றிக்கொண்டு லாபம் பெறலாம். அல்லது  மாதாந்திர தேவைக்குக் கட்டாயம்  பணம் தேவை என்றால், கடன் திட்டங்களுக்கு மாற்றலாம்.

மியூச்சுவல் ஃபண்ட் ரிவியூ... கவனிக்க வேண்டிய 10 அம்சங்கள்!

4. திட்டங்களின் செயல்பாடு

முதலில், முக்கியமாக நாம் வைத்திருக்கும் திட்டங்கள் எவ்வாறு செயல்பட்டு வருகின்றன  என்பதை அதன் லாப விகிதங்கள் மற்றும் திட்டங்கள் கொண்டுள்ள பங்குகள், கடன் பத்திரங்கள் விவரம் ஆகியவற்றைத் தெரிந்து கொள்ள வேண்டும். முக்கியமாக, எந்தெந்தக் கடன் பத்திரங்களை நாம் வைத்திருக்கலாம் என்று பார்ப்பது இன்றைய காலகட்டத்தில் மிக மிக அவசியமாகும். காரணம், கடந்த ஆண்டு செப்டம்பர் முதல் இன்றுவரை பல கடன் பத்திரங்கள் கஷ்ட நிலையில் இருக்கின்றன. நமது திட்டங்களில் சந்தேகத்திற்குரிய கடன் பத்திரங்கள், வாராக்கடன் பத்திரங்கள் ஏதும் இருக்கிறதா என்று பார்க்க வேண்டியது காலத்தின் கட்டாயம். வாராக் கடன் வைத்திருக்கிறது என்றால் எத்தனை சதவிகிதத்தில் வைத்திருக்கிறது, நமக்கு எவ்வளவு லாபம் குறையும் அல்லது நஷ்டம் வரும் என்று பார்த்து முடிவு செய்ய வேண்டும். நிச்சயமாக லாபம் குறையும் என்ற தருணங்களில் அதே திட்டங்களில் தொடர்ந்து முதலீடு செய்வதைத் தவிர்க்கலாம்.

5. திட்டங்கள் மாறுவதற்கான காரணிகள்

முதலாவதாக, நாம் எந்தச் சூழலில் திட்டங் களில் மாற்றம் செய்ய வேண்டும் என்று பார்க்கலாம். நாம் ஒரு திட்டத்தில் முதலீடு செய்யத் தொடங்கும்போது இருந்த திட்ட மேலாளர் மாறி, இப்போது வேறு மேலாளர் வந்துவிட்டார் என்றால், தற்போது திட்டங்களை நிர்வகிக்கும் மேலாளரின்கீழ் திட்டம் நன்கு செயல்படுகிறதா என்று பார்த்து அதற்கு ஏற்றவாறு மறுபரிசீலனை செய்யவேண்டும்.

இரண்டாவதாக, ஒரு திட்டத்தில் ஏற்பட்ட மாற்றங்கள் காரணமாக நமது திட்டத்தின் கடந்த வருட செயல்பாடு எவ்வாறு இருக்கிறது என்று பார்க்கவேண்டும். இந்த மாற்றங்கள் பாசிட்டிவான மாற்றங்களைத் தராதபட்சத்தில், அந்தத் திட்டத்திலிருந்து மாறுவது குறித்து யோசிக்கலாம்.

மூன்றாவதாக, சந்தை ஏற்ற இறக்கத்தினால் லாபம் மாறும் என்பது நாம் அறிந்ததே. ஆனால், மற்ற நிறுவனத்தில் அதே வகை யான திட்டங்கள் லாபம் தரும் போது, நாம் முதலீடு செய்திருக்கும் திட்டம் மட்டும் நஷ்டம் தந்தால், அதற்கான காரணத்தை நாம் ஆராய வேண்டும்.  உதாரணமாக, சந்தையில் நான்கு, ஐந்து ஐ.டி   திட்டங்கள் உள்ளன. அவற்றில் சில திட்டங்கள் ஏறுமுகமாக இருக்கும்போது,  நம்மிடம் உள்ள ஐ.டி திட்டம் மட்டும் இறக்கத் தில் இருந்தால், அதை ஆராய்ந்து பார்த்து மாற்ற வேண்டும்.

6. திட்டங்களும் சூழ்நிலையும்

ஒரு திட்டத்தில் முதலீடு செய்த போது இருந்த சூழ்நிலை வேறு. இன்றிருக்கும் சூழ்நிலை வேறு. அன்றிருந்த சூழல் இன்று இல்லாமல் இருக்கலாம். நாம் அன்று எடுத்த முடிவு தவறு என்று தோன்றினால், அந்தத் தவற்றினைச் சரிசெய்து கொள்வது நல்லது. இந்தத் திட்டத்தைத் தொடர்வதில் எந்த அர்த்தமும் இல்லை.

7. திட்டங்களும் வரிக் கணக்குத் தாக்கலும்

ஆண்டு முடிவில் வரிக் கணக்குத் தாக்கல் செய்ய நமது திட்டத்தின் டிவிடெண்ட் வருமானக் கணக்கு மற்றும் ஆதாய வருமானக் கணக்குகள் தேவைப்படுகின்றன. ஒவ்வொரு திட்டத்திற்கும்  ஒவ்வொரு நிறுவனத்திலிருந்து விவரங்களை எடுப்பது சற்று கடினமான காரியமாக இருக்கும். கேம்ஸ்ஆன்லைன் / கார்வி போன்ற இணைய தளங்களில் ஒரே இடத்தில் நம்முடைய  முதலீடு தொடர்பான அனைத்து ஆதாய வருமானக் கணக்குகள், அந்த வருட டிவிடெண்ட் வருமானக் கணக்குகளைப் பெறலாம்.

8. திட்டங்களும் நமது தகவல்களும்

நாம் அடிக்கடி நமது சிம் (sim) கார்டுகளை மாற்றுகிறோம். நமது இ-மெயில் ஐ.டி-யையும் மாற்றிக்கொள்கிறோம். வெளியூர்களுக்கு மாறுதல் ஆகும்போது வங்கிக் கணக்குகள் மாறுகிறது. எனவே, வருடம் ஒருமுறை நாம் முதலீடு செய்துள்ள திட்டங்களில் நம்மைப் பற்றிய தகவல்கள் சரியாக உள்ளதா என்று பார்ப்பது அவசியம். இல்லையெனில் அதற்கான படிவங்களைப் பூர்த்தி செய்து, நமது தகவல்களை மிகச் சரியானதாக  மாற்றிக்கொள்ள வேண்டியது கட்டாயம் ஆகும்.

9. திட்டங்களும் எக்ஸிட் லோடும்

ஒரு மியூச்சுவல் ஃபண்ட் திட்டத்திலிருந்து இன்னொரு ஃபண்ட் திட்டத்துக்கு  மாறும்முன், எக்ஸிட் லோடு மூலம்  லாபம் எவ்வளவு குறையும் என்று தெரிந்துகொள்ள வேண்டும். பங்குச் சந்தை சார்ந்த திட்டங்களில் ஓராண்டுக்குள் மாறினால், வெளியேறும் கட்டணம் உண்டு. கடன் திட்டங் களில் அதன் தன்மையைப் பொறுத்து மாறும். எனவே, நாம் முதலீட்டை ஒரு திட்டத்திலிருந்து இன்னொரு திட்டத்துக்கு மாற்றும்முன் இதைப் பற்றி புரிந்து செயல்படுவது நல்லது.

10.  லிக்விட் திட்டங்கள்

அவசரத் தேவைக்காக முதலீடு செய்ய  நினைக்கும்போது லிக்விட் திட்டங்களில் முதலீடு செய்தால், வெளியேறும் கட்டணம் இல்லாமல் அவசரத் தேவைக்கு எடுத்துக்கொள்ளலாம்.

முடிவாக, உணர்ச்சிவசப்பட்டு, மிகக் குறுகிய காலத்தில் ஒரு திட்டத்திலிருந்து இன்னொரு திட்டத்துக்கு மாறுவது சரியல்ல. அதேசமயம், முதலீடு செய்தபின், அதில் தவறு என்று தெரிந்தபின்பு மாறாமல் இருப்பதும் சரியல்ல.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு