Published:Updated:

சிக்கலில் யெஸ் பேங்க்... முதலீட்டாளர்கள் என்ன செய்யலாம்?

சிக்கலில் யெஸ் பேங்க்... முதலீட்டாளர்கள் என்ன செய்யலாம்?
பிரீமியம் ஸ்டோரி
சிக்கலில் யெஸ் பேங்க்... முதலீட்டாளர்கள் என்ன செய்யலாம்?

வாசு கார்த்தி

சிக்கலில் யெஸ் பேங்க்... முதலீட்டாளர்கள் என்ன செய்யலாம்?

வாசு கார்த்தி

Published:Updated:
சிக்கலில் யெஸ் பேங்க்... முதலீட்டாளர்கள் என்ன செய்யலாம்?
பிரீமியம் ஸ்டோரி
சிக்கலில் யெஸ் பேங்க்... முதலீட்டாளர்கள் என்ன செய்யலாம்?

ர்ச்சையில் சிக்குவது வங்கிகளுக்கு வாடிக்கையான விஷயமாகி விட்டது. பொதுத்துறை வங்கிகள், ஐ.சி.ஐ.சிஐ வங்கி, ஆக்ஸிஸ் வங்கி ஆகியவற்றைத் தொடர்ந்து தற்போது யெஸ் வங்கியானது சிக்கலில் மாட்டியிருக்கிறது. கடந்த சில மாதங்களாகச் சர்ச்சைகள் சூழ்ந்து இந்தப் பங்கின் விலை கடுமையாகச் சரிந்தது. இந்தச் சரிவிலிருந்து எழத் தொடங்கியிருக்கும் நேரத்தில், மற்றுமொரு சவாலான சூழலில் யெஸ் வங்கி சிக்கி யிருக்கிறது. அப்படி என்ன சிக்கல்?

சிக்கலில் யெஸ் பேங்க்... முதலீட்டாளர்கள் என்ன செய்யலாம்?

முதன்முதலாக நஷ்டம்

2004-ம் ஆண்டு இந்த வங்கி தொடங்கப் பட்டதிலிருந்து இதுவரை நஷ்டத்தைச் சந்தித்ததில்லை. முதல்முறையாகக் கடந்த மார்ச் காலாண்டில் ரூ.1,507 கோடி அளவுக்கு நஷ்டத்தைச் சந்தித்திருக்கிறது. இதனால் கடந்த செவ்வாய்க் கிழமையன்று வர்த்தகத்தில் இந்தப் பங்கு சுமார் 30% சரிந்தது. 2005-ம் ஆண்டு ஐ.பி.ஓ வெளியீட்டுக்குப் பிறகு இந்தப் பங்கு ஒரே நாளில் அதிகம் சரிவது இப்போதுதான். இதனால் ரூ16,000 கோடி அளவுக்கு யெஸ் வங்கியின் சந்தை மதிப்பு சரிந்திருக்கிறது. இதனால் வெளிநாட்டு முதலீட்டாளர்கள், மியூச்சுவல் ஃபண்ட் நிறுவனங்கள், காப்பீட்டு நிறுவனங்கள், சிறு முதலீட்டாளர்கள் என அனைத்துத் தரப்பினரும் கலக்கத்தில் உள்ளனர்.

புதிய தலைமைச் செயல் அதிகாரி

யெஸ் வங்கியின் தலைமைப் பொறுப்பில் அதன் நிறுவனரான ரானா கபூர் இருந்துவந்தார். ஆனால், கார்ப்பரேட் விதிமுறைகளை மீறியதற் காக நிர்வாகத்திலிருந்து வெளியேறுமாறு அவருக்கு உத்தரவிட்டது ரிசர்வ் வங்கி. அதனால் புதிய தலைமைச் செயல் அதிகாரியாக ரவ்னீத் கில் மார்ச் 1-ம் தேதி பொறுப்பேற்றுக்கொண்டார். 

ஐ.எல்.எஃப்.எஸ் மற்றும் ஜெட் ஏர்வேஸ் ஆகிய நிறுவனங்களுக்குத் தரப்பட்ட கடனில் ரூ.1,000 கோடிக்குமேல் வாராக் கடனாகிவிட்டது. இது மட்டுமல்லாமல், பல வாராக் கடன் கணக்கு களுக்கு நிதி ஒதுக்கீடு செய்ததால், ஒதுக்கீடு செய்யும் தொகை கடந்த நிதி ஆண்டின் மார்ச் காலாண்டுடன் ஒப்பிடும்போது எட்டு மடங்குக்கு மேல் அதிகரித்தது. (வாராக் கடன் மற்றும் இதர தேவைகளுக்காக ஒதுக்கீடு செய்த தொகை ரூ.3,661 கோடி). இதுதவிர, மேலும் 10,000 கோடிக்கு வழங்கப்பட்ட கடன் நெருக்கடியில் இருப்பதாக ரவ்னீத் கில் வெளிப்படையாக அறிவித்திருக்கிறார்.

மூடிஸ் கணிப்பு

இந்த வங்கியின் மொத்த வாராக் கடன் 3.2%  என்னும் அளவில் இருக்கிறது எனக் குறிப்பிடப் பட்டிருக்கிறது. ஆனால், ரூ.10,000 கோடி அளவிலான கடன் நெருக்கடியில் இருப்பதாகத் தெரிவிக்கப்பட்டிருப்பதால், மொத்த வாராக் கடன் எட்டு சதவிகிதமாக இருக்கக்கூடும் என மூடிஸ் நிறுவனம் தெரிவித்திருக்கிறது. இதில் பாதிக்கும் மேற்பட்ட தொகை வாராக் கடனாக மாறும் சாத்தியம் இருக்கிறது.  இதனால் அடுத்த 12 முதல் 18 மாதங்களில் கடன்களுக்கு  ஒதுக்கீடு செய்யும் வாய்ப்பிருப்பதால், லாபம் பாதிக்கப்படும் எனவும் அந்த நிறுவனம் தெரிவித்திருக்கிறது. 

ஒட்டுமொத்த விகடனுக்கும் ஒரே ஷார்ட்கட்!

சிக்கலில் யெஸ் பேங்க்... முதலீட்டாளர்கள் என்ன செய்யலாம்?

ஆஸ்திரேலியாவைச் சேர்ந்த புரோக்கரேஜ் நிறுவனமான மக்கொயர் (Macquarie) இந்தப் பங்கினை இரு புள்ளிகள் அளவுக்குத் தகுதி குறைப்பினைச் செய்திருக்கிறது. இந்தப் பங்கினைத் தவறாகக் கணித்ததற்காக மக்கொயர் நிறுவனம் மன்னிப்புக் கேட்டிருக்கிறது. இதுதவிர, டாய்ச் வங்கி, ஹெச்.எஸ்.பி.சி, சிட்டி, மார்கன் ஸ்டான்லி உள்ளிட்ட அனைத்து புரோக்கரேஜ் நிறுவனம் யெஸ் வங்கி பங்கின் இலக்கு விலையைக் கடுமையாகக் குறைத்துள்ளன. இதனால்தான் இந்தப் பங்கின் விலை ஒரே நாளில் மிகப் பெரிய அளவில் இறக்கம் கண்டது.

சிக்கல் தீர்ந்ததா?

வாராக் கடனுக்கான தொகை ஒதுக்கீடு செய்யப்பட்டு இருந்தாலும் சிக்கல் தீர்ந்ததா என்றால், இல்லையென்றே சொல்ல வேண்டும். கடந்த பத்தாண்டுகளுக்கும்மேலாக கார்ப்பரேட் கடனில் உள்ள சிக்கல்கள் வெளியே தெரியவில்லை. இப்போதுதான் இவை வெளிவரத் தொடங்கி இருக்கின்றன. இதேபோன்ற பிரச்னையை ஐ.சி.ஐ.சி.ஐ வங்கி தீர்ப்பதற்கு ஐந்து ஆண்டுகளை எடுத்துக்கொண்டது. ஆக்ஸிஸ் வங்கிக்கு மூன்றாண்டுகள் தேவைப்பட்டன. அதேபோல, யெஸ் வங்கிக்கு இன்னும் சில ஆண்டுகள் தேவைப்படலாம் என்கிறார்கள் வல்லுநர்கள்.

இதுதவிர, இந்த வங்கிக்குச் சொந்தமான 30 சதவிகிதக்  கிளைகள் (மொத்தம் 1,100 வங்கி கிளைகள்) மட்டுமே லாபத்தில் செயல்படுவதாக கில் ஒப்புக் கொண்டிருக்கிறார். 2023-ம் ஆண்டு 83 சதவிகித வங்கிக் கிளைகளும், 2025-ம் ஆண்டு 100 சதவிகிதக் கிளைகளும் லாபத்தில் செயல்பட இலக்கு நிர்ணயம் செய்திருப்பதாகவும் அவர்  தெரிவித்திருக்கிறார்.

தவிர இதுவரை, கார்ப்பரேட் கடனில் கவனம் செலுத்திவந்த இந்த வங்கியானது, இனி ரீடெய்ல் மற்றும் எஸ்.எம்.இ பிரிவில் கவனம் செலுத்தப் போவதாகவும் தற்போது அறிவித்திருக்கிறது.  ரீடெய்ல் பிரிவில் புகுந்து நல்லதொரு பெயரைப் பெறுவது கொஞ்சம் சிக்கலான விஷயம்தான்.  தவிர, 2014 முதல் 2018 வரை இந்த வங்கியின் கடன் வளர்ச்சி விகிதம் 34 சதவிகிதமாக இருந்தது. ஆனால், அடுத்த சில ஆண்டுகளுக்கு  20 முதல் 25% வரை மட்டுமே இருக்கக்கூடும் எனவும் கணிக்கப்பட்டிருக்கிறது.

முதலீடு செய்யலாமா?

இப்படிப் பல சர்ச்சைகள் யெஸ் வங்கியைச் சுற்றி வட்ட மிட்டிருக்கும் நிலையில், மிகச் சில வல்லுநர்கள் மட்டுமே இந்த வங்கிப் பங்கில் முதலீடு செய்யலாம் எனக் கருத்து தெரிவித்திருக்கிறார்கள். இந்தப் பங்கின் விலை இதற்குக் கீழும் சரியும் வாய்ப்புக் குறைவு. அதனால் கான்ட்ரா முதலீடாக ரிஸ்க் எடுத்து இந்தப் பங்கில் முதலீடு செய்யலாம் எனக் குறிப்பிட்டிருக்கின்றனர். ஆனால், யெஸ் வங்கியில்  ஏற்பட்டுள்ள சிக்கல்கள் ஓரளவுக்குக் குறைந்து, ஒரு தெளிவு பிறப்பதற்குக் குறைந்த பட்சம் சில காலாண்டுகளாவது ஆகும். அதுவரை பொறுத் திருப்பதே சரி என்றும் கருத்து தெரிவித்திருக்கின்றனர்.

வாராக் கடன்களைக் குறைப்பது, நிதிநிலை அறிக்கையில் வெளிப்படைத் தன்மையை உருவாக்குவது, கார்ப்பரேட் பிரிவில் இருந்து ரீடெய்ல் மற்றும் எஸ்.எம்.இ பிரிவு தொடர்பான கடன் வழங்கலில் கவனம் செலுத்து வது, ஒவ்வொரு கிளையையும் லாபம் ஈட்டும் அளவுக்கு முன்னேற்றம் காணவைப்பது என ரவ்னீத் கில்லுக்குப் (Ravneet Gill) பல சவால்கள் காத்திருக்கின்றன.

கடந்த ஓராண்டு காலத்தில் இந்தப் பங்கின் விலை 50 சதவிகிதத்துக்குமேல் இறங்கியிருந்தாலும், கடந்த வியாழக்கிழமையன்று இந்தப் பங்கின் விலை 3.50% அளவுக்கு உயர்ந்தது!  

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism