Published:Updated:

வீட்டுக் கடன்... ஃபிக்ஸட் Vs ஃப்ளோட்டிங் உங்களுக்கு ஏற்றது எது?

வீட்டுக் கடன்... ஃபிக்ஸட் Vs ஃப்ளோட்டிங் உங்களுக்கு ஏற்றது எது?
பிரீமியம் ஸ்டோரி
வீட்டுக் கடன்... ஃபிக்ஸட் Vs ஃப்ளோட்டிங் உங்களுக்கு ஏற்றது எது?

ரிஷி ஆனந்த், தலைமை பிசினஸ் அதிகாரி, ஆதார் ஹவுஸிங் ஃபைனான்ஸ்

வீட்டுக் கடன்... ஃபிக்ஸட் Vs ஃப்ளோட்டிங் உங்களுக்கு ஏற்றது எது?

ரிஷி ஆனந்த், தலைமை பிசினஸ் அதிகாரி, ஆதார் ஹவுஸிங் ஃபைனான்ஸ்

Published:Updated:
வீட்டுக் கடன்... ஃபிக்ஸட் Vs ஃப்ளோட்டிங் உங்களுக்கு ஏற்றது எது?
பிரீமியம் ஸ்டோரி
வீட்டுக் கடன்... ஃபிக்ஸட் Vs ஃப்ளோட்டிங் உங்களுக்கு ஏற்றது எது?

ம்மில் பெரும்பாலோர் கடனுக்கான வட்டி எத்தனை சதவிகிதம் என்பதில் கூடுதல் கவனம் செலுத்துகிறோம். ஆனால், அந்த வட்டி கடன் முடியும் வரை நிலையானதா, கடன் சந்தை வட்டி ஏற்ற இறக்கத்துக்கேற்ப மாறக்கூடியதா என்பதைக் கவனிக்கத் தவறிவிடுகிறோம். இதனால், கடனுக்கு அதிக வட்டி கட்டும் சூழல் ஏற்படுகிறது. 

வீட்டுக் கடன்... ஃபிக்ஸட் Vs ஃப்ளோட்டிங் உங்களுக்கு ஏற்றது எது?

வீட்டுக் கடனுக்கான வட்டி விகிதத்தைப் பொறுத்தவரை, நிலையான வட்டி மற்றும் மாறுபடும் வட்டி என இரண்டு வகை உள்ளன. நிலையான (ஃபிக்ஸட்) வட்டி என்பது, நீங்கள் உங்கள் கடன் தொகையை, கடன் காலம் முழுவதும் குறிப்பிட்ட ஒரு வட்டி விகிதத்தில் மாத தவணையாக (EMI- Equal Monthly Instalment) செலுத்திவருவதாகும்.

வட்டி விகிதம் ஏறினாலும் இறங்கினாலும் நீங்கள் ஒரே மாதிரியான வட்டி விகிதத்தில் கடனைச் செலுத்துவதால்,  வட்டி உயர்விலிருந்து நமக்குப் பாதுகாப்பு அளிக்கிறது இந்த முறை.

மாறுபடும் (ஃப்ளோட்டிங்) வட்டி விகிதத்தில் நாம் வாங்கும் கடனுக்கான வட்டி, பொருளாதாரச் சூழ்நிலைக் கேற்ப மாறும். இந்த வட்டி விகிதம், எம்.சி.எல்.ஆர் (MCLR) எனப்படும் கடன் திட்டங்களுக்கான அடிப்படை வட்டி விகிதத்துக்கேற்ப அமையும்.

இதன்படி, வருங்காலத்தில் கடனுக்கான  வட்டி விகிதம் அதிகரிக்கும் என எதிர்பார்க்கப் பட்டால், நீங்கள் வாங்கும் கடனுக்கு நிலையான வட்டி விகித முறையைத் தேர்ந்தெடுப்பது விவேக மானது. அதேசமயம், சில வங்கிகள் குறிப்பிட்ட காலகட்டத்துக்குப்பிறகு, கடனுக்கான வட்டி விகிதத்தை மாற்றியமைக்கலாம் அல்லது மாறுபடும்  வட்டி விகிதத்துடன் இணைக்கக்கூடும் என்பதால், உங்கள் கடனுடன் இணைக்கப் பட்டிருக்கும் நிபந்தனைகள் மற்றும் விதிமுறைகளைப் படித்துப் பார்ப்பது  அவசியம்.

ஒட்டுமொத்த விகடனுக்கும் ஒரே ஷார்ட்கட்!

வீட்டுக் கடன்... ஃபிக்ஸட் Vs ஃப்ளோட்டிங் உங்களுக்கு ஏற்றது எது?

நிலையான வட்டி விகிதத்தின் சாதகமான அம்சம் என்னவென்றால், கடன் காலம் முழுவதும் (விதிவிலக்குகளுடன்)  நிலையான வட்டி விகிதம் இருப்பதுடன், கடனைச் சுலபமாகத் திருப்பிச் செலுத்துவதற்கு எவ்வளவு தொகை தேவைப்படும் என்பது குறித்த பட்ஜெட்டை முன்கூட்டியே கணக்கிட முடியும். இருப்பினும், வட்டி  குறைந்தால், அதனால் ஏற்படும் வட்டிக் குறைப்பின் பலன்களை உங்களால் அனுபவிக்க முடியாமல் போய்விடும்.

உங்கள் கடனுக்கான மாதாந்தரக் கடன் தவணை (இ.எம்.ஐ), உங்களது சம்பளத்தில் 30 சதவிகிதத்துக்குக் குறைவாகவும், கடனைத் திருப்பிச் செலுத்தும் காலம், தீர்மானிக்கப் பட்டதாகவும் இருக்கும் பட்சத்தில், நீங்கள் நிலையான வட்டி விகிதத்தைத் தேர்ந்தெடுக்கலாம். இந்த முறையைத் தேர்வுசெய்வது பாதுகாப்பானது.

மாறுபடும் வட்டி விகிதக் கடன் என்பது, நிலையான வட்டி விகிதக் கடனைக் காட்டிலும் உத்தேசமாக 1 முதல் 2.5% குறைவாக இருக்கும். மாறுபடும் வட்டி விகிதத்தைத் தேர்வுசெய்வதால், வட்டி விகித சுழற்சியின் ஏற்றத்தாழ்வைப் பொறுத்து, கடனைத் திருப்பிச் செலுத்தும் காலத்தைக் குறைக்க முடியும். அதேசமயம், இந்தத் திட்டத்தில் உள்ள பாதகமான அம்சம் என்னவென்றால், கடன் காலத்துக்கான நிதித் திட்டமிடலைச் செய்வது சற்று கடினமானதாக இருக்கும். நீங்கள் செலுத்தவேண்டிய மாதாந்தர கடன் தொகை எவ்வளவு இருக்கும் என்பதைத் தீர்மானிப்பது சவாலாகவே இருக்கும்.

எதிர்காலத்தில் வட்டி விகிதம் குறையும் என நீங்கள் எதிர்பார்த்தாலோ அல்லது வட்டி விகித சுழற்சியின் ஏற்றத்தாழ்வு எப்படியிருக்கும் என்பதை நிபுணர்களே கணிக்க முடியாத நிலையில், சந்தை நிலவரத்துக்கேற்ப வட்டி விகிதம் இருக்க வேண்டும் என நீங்கள் விரும்பினாலோ, மாறுபடும் வட்டி விகித முறையை நீங்கள் தேர்ந்தெடுக்கலாம்.

வீட்டுக் கடன்... ஃபிக்ஸட் Vs ஃப்ளோட்டிங் உங்களுக்கு ஏற்றது எது?

கடன் வாங்குவது நிலையான வட்டி விகிதத்திலா அல்லது மாறுபடும் வட்டி விகிதத்திலா என்பதை முடிவுசெய்வது, ஒருவருடைய தனிப்பட்ட விஷயம் மற்றும் உங்களது ரிஸ்க் எடுக்கும் திறனைப் பொறுத்தது. இரண்டு விதமான வட்டி விகிதங்களிலுமே சாதக பாதகங்கள் இருக்கும்நிலையில், உங்களுடைய தேவைக்கு எது சிறந்ததாக இருக்கிறதோ, அதை நீங்கள் தேர்வுசெய்ய வேண்டும்.

நிலையான வட்டி விகிதம், பாதுகாப்பை உறுதி செய்வதுடன், நிச்சயம் உங்கள் மனதுக்கும் நிம்மதியை ஏற்படுத்தும். அதேசமயம், மாறுபடும் வட்டி விகித முறை, உங்களுக்கு எதிர்பாராத பண ஆதாயம் கிடைக்கவும் உதவும்.
இதுதொடர்பாக இறுதி முடிவெடுக்கும்முன், நிதி நிறுவனங்களிடம் இருக்கும் பல்வேறு வகையான வட்டி விகிதத் திட்டங்களை நீங்கள் கவனத்தில்கொள்ள வேண்டும்.  சொந்தமாகத் தொழில் செய்யும் மற்றும் சம்பளம் வாங்கும் வாடிக்கையாளர்களுக்கு என கவர்ச்சிகரமான வட்டி விகிதத்துடன் கூடிய வீட்டுக் கடன் தீர்வுகளை, ஆதார் ஹவுஸிங் ஃபைனான்ஸ் போன்ற நிறுவனங்கள் அளிக்கின்றன.

உங்களால், உங்களுக்கு ஏற்ற வட்டி விகித முறையைத் தேர்வு செய்ய முடியவில்லையெனில், நிலையான வட்டி விகிதத்தி லிருந்து மாறுபடும் வட்டி விகித முறைக்கு எந்த நேரத்திலும் மாறிக்கொள்ளும் வாய்ப்பு உங்களுக்கு உள்ளது. இந்த வசதியை அளிக்க, உங்களுக்குக் கடன் வழங்கும் நிறுவனம் அதற்கென கணிசமான கட்டணத்தை விதிக்கும். எனவே, உங்களது வட்டி விகித தேர்வு முறை, நீங்கள் வாங்கும் சொத்தின் விலையில் தாக்கத்தை ஏற்படுத்தினாலும்கூட, கடனைத் திருப்பிச் செலுத்தும் காலத்தில் உங்களது தேவைக்கேற்ப வட்டி விகித முறையை மாற்றிக்கொள்ளும் வசதி உங்களுக்கு உள்ளது என்பதை மறக்காதீர்கள்!

தமிழில்: பா.முகிலன்  

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism