Published:Updated:

நீட் தேர்வு... நிஜம் என்ன?

நீட் தேர்வு... நிஜம் என்ன?
பிரீமியம் ஸ்டோரி
நீட் தேர்வு... நிஜம் என்ன?

நீட் தேர்வு... நிஜம் என்ன?

நீட் தேர்வு... நிஜம் என்ன?

நீட் தேர்வு... நிஜம் என்ன?

Published:Updated:
நீட் தேர்வு... நிஜம் என்ன?
பிரீமியம் ஸ்டோரி
நீட் தேர்வு... நிஜம் என்ன?

ருத்துவக் கல்வி சேர்க்கைக்கான நீட் தேர்வு முடிந்த பின்னும், அந்தத் தேர்வு குறித்த சர்ச்சைகள் உயிர்ப்புடன் உள்ளன. ‘ஒவ்வொரு மாநிலத்துக்கும் ஒவ்வொருவிதமான கேள்வித்தாளை உருவாக்கியது ஏன்’ என்ற கேள்வியை எழுப்பி, நீட் தேர்வு முடிவுகளை வெளியிட சென்னை உயர் நீதிமன்றத்தின் மதுரை கிளை தடை விதித்தது. ஆனால், உச்ச நீதிமன்றம் நீட் தேர்வு முடிவுகளை வெளியிட அனுமதி அளித்தது. இன்னொரு பக்கம் இது சட்டமன்ற கூட்டத்தொடரிலும் விவாதப் பொருளாகி இருக்கிறது. ‘நீட் தேர்வு விவகாரத்தில் அரசின் கொள்கை என்ன?’ என தி.மு.க எம்.எல்.ஏ தங்கம் தென்னரசு எழுப்பிய கேள்விக்குப் பதிலளித்த சுகாதார அமைச்சர் விஜயபாஸ்கர், “முன்னாள் முதல்வர் ஜெயலலிதா பின்பற்றிய கொள்கைதான் இந்த அரசின் கொள்கை. நீட் தேர்வு வேண்டாம் என்ற நிலைப்பாட்டில் எந்த மாற்றமும் இல்லை” எனப் பதிலளித்துள்ளார். மாநில அரசு நீட் தேர்வுக்கு எதிரான நிலைப்பாட்டில் இருக்கும்போது, மத்திய அரசு அதை இந்தியா முழுக்க அமல்படுத்துவதில் தீவிரமாக இயங்குகிறது.

நீட் தேர்வு... நிஜம் என்ன?

‘‘நீட் தேர்வு  இந்திய அரசியலமைப்புச் சட்டத்துக்கே எதிரானது’’ என்கிறார், அத்தேர்வுக்கு எதிராக தொடர்ந்து போராடி வரும் ‘பொதுப்பள்ளிக்கான மாநில மேடை’யின் பொதுச் செயலாளர் பிரின்ஸ் கஜேந்திரபாபு. “தனியார் மருத்துவக் கல்லூரிகளின் கட்டணக் கொள்ளையைத் தடுப்பதுக் குறித்து விவாதித்த நாடாளுமன்ற நிலைக் குழு (சுகாதாரம் மற்றும் குடும்ப நலத்துறை), தனது அறிக்கையில் பொது மருத்துவ நுழைவுத் தேர்வு ஒன்றை பரிந்துரைத்தது. அதே நேரத்தில், ‘இத்தேர்வை ஏற்காத மாநில அரசுகளுக்கு இத்தேர்விலிருந்து விலக்களிக்க வேண்டும். அப்படி விலக்களிக்கப்பட்ட மாநிலங்கள் சில ஆண்டுகளுக்குப் பின் இத்தேர்வை ஏற்க முன்வந்தால் அதற்கும் வாய்ப்பளிக்க வேண்டும்’ என்றும் தெளிவாகக் குறிப்பிட்டு இருந்தது.

கூட்டாட்சித் தத்துவத்தின்படி, பொதுப் பட்டியலில் இருக்கும் கல்வியில் மாநில அரசுக்குத்தான் உரிமை இருக்கிறது. இதை உச்ச நீதிமன்றத் தீர்ப்பு ஒன்றும் தெளிவுபடுத்தியுள்ளது. மத்தியப் பிரதேச மாநிலம் இந்தூரில் உள்ள  மாடர்ன் பல் மருத்துவக் கல்லூரி தொடுத்த வழக்கில், ‘மாநில அரசுக்குத்தான் மருத்துவக் கல்லூரி மாணவர் சேர்க்கையில் உரிமை இருக்கிறது. அவர்களுக்குத்தான் மாநிலத்தின் நிலை குறித்து தெளிவாகத் தெரியும்’ என உச்ச நீதிமன்றம் தீர்ப்பளித்துள்ளது.  இவ்வளவுக்கும் பிறகு, மத்திய அரசு நீட் விவகாரத்தில் விடாப்பிடியாக அரசியலமைப்புச் சட்டத்தையும், நீதிமன்றத்தையும், நாடாளுமன்ற நிலைக்குழுவையும் மதிக்காமல், மக்களின் நலனுக்கு எதிராக நடப்பது கூட்டாட்சித் தத்துவத்துக்கே எதிரானது” என்கிறார்.

மேலும் அவர், “சென்ற ஆண்டு தமிழகத்துக்கு நீட் தேர்விலிருந்து விலக்கு அளிப்பதற்குக் காரணமாக தமிழக மேல்நிலைப் பள்ளிப் பாடத்திட்டம் குறிப்பிடப்பட்டது. அந்தப் பாடத்திட்டம் இன்னும் மாற்றப்படாதநிலையில், நம் மாணவர்களுக்கு இந்த ஆண்டு நீட் தேர்விலிருந்து விலக்களிக்க மறுப்பதன் அரசியல் என்ன?” என்று கேள்வி எழுப்புகிறார்.

ஒட்டுமொத்த விகடனுக்கும் ஒரே ஷார்ட்கட்!

நீட் தேர்வு... நிஜம் என்ன?

‘‘நீட் தேர்வு, தனியார் கல்லூரிகளின் கட்டணக் கொள்ளையைத் தடுப்பதாகச் சொல்கிறார்கள். அதற்கு வேறு எத்தனையோ வழிகள் இருக்கும்போது, இது சரியான வழியில்லை என்பதுதான் எங்கள் வாதம். நாங்கள் கோருவது மாநிலத்தின் உரிமை பறிபோகக் கூடாது என்பதைத்தான். அதாவது, மாநில அரசுக்கு அரசு மருத்துவக் கல்லூரிகளில் 85 சதவிகித இட ஒதுக்கீடு இருக்கிறது. அதுபோல தனியார் கல்லூரிகளிலும் ஒதுக்கீடு இருக்கிறது. இந்த இடங்களை நிரப்பிக் கொள்ளும் உரிமை மாநில அரசுக்குத்தான் இருக்கிறது. அதை உறுதி செய்ய வேண்டும் என்பதற்காகத்தான் போராடுகிறோம்” என்கிறார், டெல்லி பல்கலைக்கழகத்தின் முன்னாள் கல்விப்புலத் தலைவரான பேராசிரியர் அனில் சட்கோபால். 

‘‘நீட் தேர்வுக்குப் பின்னால் உலக வர்த்தக அமைப்பு இருக்கிறது’’ என்ற குற்றச்சாட்டையும் முன்வைக்கிறார் அவர். “உலக வர்த்தக அமைப்புக்குச் சில வாக்குறுதிகளை இந்திய அரசு அளித்துள்ளது. அதில் ஒன்று, இந்தியச் சுகாதாரத் துறையை முழுவதும் தனியார்மயமாக்குவது. அதில் தங்குதடை இல்லாமல், அந்நிய மூலதனத்தை அனுமதிப்பது. இது நிறைவேற வேண்டுமானால், பொது சுகாதாரத் துறையைச் சிதைக்க வேண்டும். அதைச் சிதைக்கத்தான் இந்த நீட் தேர்வு. இப்போதுள்ள மருத்துவக் கல்வி முறையில் மாணவர்கள் சில காலம் கிராமத்தில் பணியாற்ற வேண்டும். அதற்கான ஒதுக்கீடு இருக்கிறது. ஆனால், நீட் தேர்வில் அதற்கான வாய்ப்பே இல்லை. இதனால், கிராமப்புற ஆரம்ப சுகாதார நிலையங்கள் முற்றாக அழியும். அந்த இடத்தில் தனியார் மருத்துவமனைகள் வரும். நீட் தேர்வை இந்தப் பின்னணியில்தான் புரிந்துகொள்ள வேண்டும்’’ என்கிறார் அவர்.

“நீட் தேர்வு சமூக நீதிக்கும், இந்திய அரசியலமைப்புச் சட்டத்துக்கும் எதிரானது. மாநில உரிமைகளைப் பறிப்பது. அதனால்தான் ஜெயலலிதா தீவிரமாக அதை எதிர்த்தார். அவரின் வழியில்தான் தமிழக அரசு நடக்கிறது என்று அமைச்சர்கள் சொல்வது உண்மையென்றால், நம் மாணவர்களைக் காக்க வேண்டும்” என்கிறார்கள் கல்வியாளர்கள்.

என்ன செய்யப் போகிறது தமிழக அரசு?

- மு.நியாஸ் அகமது

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism