Published:Updated:

நிலக்கரி இறக்குமதிக்காக நிகழ்ந்ததா பவர்கட்?

நிலக்கரி இறக்குமதிக்காக நிகழ்ந்ததா பவர்கட்?
பிரீமியம் ஸ்டோரி
நிலக்கரி இறக்குமதிக்காக நிகழ்ந்ததா பவர்கட்?

நிலக்கரி இறக்குமதிக்காக நிகழ்ந்ததா பவர்கட்?

நிலக்கரி இறக்குமதிக்காக நிகழ்ந்ததா பவர்கட்?

நிலக்கரி இறக்குமதிக்காக நிகழ்ந்ததா பவர்கட்?

Published:Updated:
நிலக்கரி இறக்குமதிக்காக நிகழ்ந்ததா பவர்கட்?
பிரீமியம் ஸ்டோரி
நிலக்கரி இறக்குமதிக்காக நிகழ்ந்ததா பவர்கட்?

‘தமிழகத்தில் மின் தட்டுப்பாடும் இல்லை... மின்வெட்டும் இல்லை; அனல் மின் நிலையங்களில் பராமரிப்புப் பணி நடப்பதால், தற்காலிக மின்வெட்டு இருக்கிறது; நிலக்கரி தேவையான அளவு இருக்கிறது; ஆனால், மத்திய அரசு தமிழகத்துக்குத் தேவையான அளவு நிலக்கரியைச் சரியான நேரத்தில் கொடுப்பதில்லை; அதைக் கேட்டு மத்திய அரசுக்கு தமிழக முதல்வர் கடிதம் எழுதியுள்ளார்; இருந்தாலும் வெளியிலிருந்து 30 லட்சம் டன் நிலக்கரி இறக்குமதி செய்யப்போகிறோம்; 1,500 மெகாவாட் மின்சாரமும் வெளியிலிருந்து வாங்க டெண்டர் விடப்படும்; தமிழகத்தின் அணைகளில் தண்ணீர் நிறைய இருப்பதால், இந்த ஆண்டு மின்வெட்டே இருக்காது; ஆனால், காற்றாலைகள் ஏமாற்றிவிட்டதால் மின் உற்பத்தி குறைந்து, மின்தட்டுப்பாடு ஏற்பட்டுள்ளது.’

- முற்றிலும் முன்னுக்குப்பின் முரணாக உள்ள இந்த வாக்குமூலங்கள் எல்லாம் தமிழக அரசு, தமிழக அரசின் மின் வாரியம், தமிழக மின் துறை அமைச்சர் தங்கமணி ஆகியோர் ஒவ்வொரு நேரத்திலும் உதிர்த்தவைதான். இப்படிக் குழப்பியவர்கள், கடைசியில் ‘30 லட்சம் டன் நிலக்கரி இறக்குமதி செய்ய டெண்டர் விடப்படும்’ என்பதை மட்டும் தெளிவாகக் குறிப்பிட்டுள்ளனர். விரைவில், அதற்கான டெண்டர் திறக்கப்பட உள்ளது. இதை நோக்கமாக வைத்துத்தான், முன்னுக்குப்பின் முரணான வார்த்தைகளை உதிர்த்து, மின் தட்டுப்பாட்டை ஏற்படுத்தி, அதன்மூலம் செயற்கையாக மின்வெட்டை உருவாக்கி, மக்களைப் படபடக்க வைத்து, கடைசியில், ‘பிரச்னையைத் தீர்க்க நிலக்கரியை இறக்குமதி செய்யப்போகிறோம்’ என்று அறிவித்துள்ளனர்.

நிலக்கரி இறக்குமதிக்காக நிகழ்ந்ததா பவர்கட்?

இதுபற்றி நம்மிடம் விளக்கமாகப் பேசிய சி.ஐ.டி.யூ தொழிற்சங்க மாநிலத் துணைத்தலைவர் விஜயன், ‘‘அமைச்சர், ‘நிலக்கரி தட்டுப்பாடு இல்லை; ஆனால், மத்திய அரசு நிலக்கரியைக் குறைவாகக் கொடுக்கிறது. அதனால், நாங்கள் நிலக்கரி இறக்குமதி செய்யப்போகிறோம்’ என்கிறார். நிலக்கரி இறக்குமதி செய்தால் நல்லதுதானே... அதன் மூலம் அனல் மின்சாரம் தயாரிக்கப்பட்டால், மின்வெட்டு இருக்காது என்பது பொதுமக்களின் எண்ணம். உண்மையில், நிலக்கரித் தட்டுப்பாடு எப்படி ஏற்பட்டது என்பதையும், அதனால், மக்கள் பணம் எப்படி செலவாகப்போகிறது என்பதையும் தெரிந்துகொண்டால், யாரும் இதை நல்லது என்று நினைக்கமாட்டார்கள்.

தமிழகத்தில் காற்றாலை மின்சாரம் ஜூன், ஜூலை, ஆகஸ்ட் மாதங்களுக்குப் பயன்படும். பல நேரங்களில் செப்டம்பர் இரண்டாம் வாரம்வரை உதவும். ஆனால், அதற்கு மேல் அது தாங்காது. இது அரசுக்கும் தெரியும்; அதிகாரிகளுக்கும் தெரியும். அதற்கான மாற்று ஏற்பாடுதான் அனல் மின்சாரம். ஆக, செப்டம்பர் மாதம் தொடங்கியதுமே, நமக்குத் தேவையான நிலக்கரியை ஸ்டாக் வைத்திருக்க வேண்டும் என்பதும், அதற்கேற்ப அனல்மின் நிலையங்களைத் தயார்படுத்தி வைத்திருக்க வேண்டும் என்பதும் மின்வாரியத்தின் பாலபாடம். ஆனால், இந்தமுறை அப்படிச் செய்யவில்லை. ‘அணைகளில் தண்ணீர் இருக்கிறது. அதனால், மின்சார உற்பத்தியை அதை வைத்துப் பார்த்துக் கொள்ளலாம்’ என்றார்கள். ஆனால், காற்றாலையும் ஏமாற்றி, அணைகளிலிருந்து தயாரிக்கப்பட்ட புனல் மின்சாரமும் போதவில்லை என்ற நிலையில், ‘நிலக்கரி ஸ்டாக் இல்லை’ என்கிறார் அமைச்சர். அதற்கு மறுநாளே, இறக்குமதி பற்றிய அறிவிப்பு வருகிறது. இவர்களுடைய நோக்கம், இதைப் பயன்படுத்தி எப்படியாவது நிலக்கரியை வெளியில் இருந்து இறக்குமதி செய்ய வேண்டும் என்பதுதான்.

நிலக்கரி இறக்குமதியில் ‘ஊழல்’ என்று வார்த்தையால் சொல்ல முடியாத அளவுக்கு மிக சாமர்த்தியமாக ஏற்கெனவே ஊழல் நடைபெற்றது. இந்தோனேஷியாவில் ஏற்றப்படும் நிலக்கரி, ஐந்து நிறுவனங்களின் கைமாறி இங்கு வந்து சேரும். அங்கு ஒரு டன் 37 டாலருக்கு வாங்கப்படும் நிலக்கரி, கப்பலில் ஏற்றியதும் 50 டாலராக உயரும். இங்கு வந்து இறங்கும்போது அதன் விலை 82 டாலராகிவிடும். ஒவ்வொரு நிறுவனத்துக்கும் கைமாறும்போது, அதன் விலை கூடும். ஒரே நிலக்கரிதான்... ஒரே கப்பல்தான்... வாங்கிக் கைமாற்றிவிடும் நிறுவனங்களும் ஒன்றுக்கொன்று தொடர்புள்ளவைதான். ஆனால், சாமர்த்தியமாக செயல்பட்டு விலையை உயர்த்துவார்கள். இதுபற்றி 2016-ல் எழுந்த புகாரின் அடிப்படையில், வருவாய் புலனாய்வுத்துறை இந்த ஊழலைக் கண்டுபிடித்து மும்பை நீதிமன்றத்தில் வழக்கு நடந்து வருகிறது. அதில் அரசுக்கு 280 கோடி ரூபாய் நஷ்டம் என்று குறிப்பிடப்பட்டுள்ளது.

ஒட்டுமொத்த விகடனுக்கும் ஒரே ஷார்ட்கட்!

நிலக்கரி இறக்குமதிக்காக நிகழ்ந்ததா பவர்கட்?

இப்போது இறக்குமதி செய்து நமக்கு இங்கு வரும்போது, ஒரு டன் நிலக்கரிக்கு 5,200 ரூபாய் முதல் 6,000 ரூபாய் வரை செலவாகிறது. அதுவே, உள்நாட்டு நிலக்கரி வாங்கினால், அது 1,800 முதல் அதிகபட்சம் 2,200 ரூபாய்க்குள் முடிந்துவிடும். நமது நிலக்கரியின் தரம் அதிகம். இதில் நமக்குப் பணமும் மிச்சமாகும்; அந்நியச் செலாவணி இழப்பும் ஏற்படாது. ஆனால், இதில் ஒரு மெட்ரிக் டன்னுக்கு ஐந்து டாலர் கமிஷன் வைத்தாலே 30 லட்சம் டன்னுக்கு எவ்வளவு கமிஷன்? கிட்டத்தட்ட 100 கோடி ரூபாய்க்கும் மேல் வரும். இறக்குமதி தொழிலில் இருக்கும் தனியார் நிறுவனங்களும், அரசாங்கத்தில் சம்பந்தப்பட்டவர்களும் இவ்வளவையும் அடித்துக்கொண்டு போவார்கள். இதெல்லாம் யார் பணம்?

நமக்கு மத்திய அரசிடமிருந்து தினமும் வரவேண்டிய நிலக்கரி வந்தாலே போதுமானது. முதலில் தினமும் அனுப்பிக்கொண்டிருந்தார்கள். ஆனால், இப்போது இரண்டு நாட்களுக்கு ஒரு முறை அல்லது மூன்று நாட்களுக்கு ஒருமுறை வருகிறது. சமீபத்தில் ஒடிஷாவில் உள்ள நிலக்கரி சுரங்கத்தில் மழை பெய்தது. அதனால், வரும் நிலக்கரிகூட ஈரப்பதமாகத்தான் வருகிறது. அதுபோல, நமக்கு ரேக் ஒதுக்கீடு செய்வதிலும் மத்திய அரசு கொஞ்சம் தாமதம் செய்கிறது. ஒரு நாளைக்கு 7 ரேக் நமக்குக் கொடுக்க வேண்டும்; மாறாக, ஒரு நாளைக்கு இரண்டு அல்லது மூன்றரை ரேக்தான் கொடுக்கிறார்கள்.

போன மார்ச் மாதமே இதேபோல் பற்றாக்குறை வந்தது. அதற்குக் காரணம், தமிழக அரசு கப்பலை வாடகைக்கு எடுப்பதில் தாமதம் செய்ததுதான். வழக்கமாக அக்டோபர் மாதம் ஆரம்பித்து ஜனவரியில் அந்த வேலையை முடிப்பார்கள். ஆனால், போன வருடம் ‘பூம்புகார் ஷிப்பிங் கார்ப்பரேஷனில் உள்ள கப்பல்கள் அதற்குத் தகுந்த கப்பல்கள் அல்ல; வெளியில் எடுக்க வேண்டும்’ என்று தாமதம் செய்தார்கள். தற்போது, ‘காற்றாலை ஏமாற்றிவிட்டது. நிலக்கரி பற்றாக்குறை’ என்கிறார்கள். நிலக்கரியை ஸ்டாக் வைக்காதது யார் தவறு? இது செயற்கையாக உருவாக்கப்பட்ட தட்டுப்பாடுதான். இதை உருவாக்கியவர்களுக்கு வேறு நோக்கம் இருக்கிறது என்பதுதான் உண்மை’’ என்கிறார் விஜயன்.

- ஜோ.ஸ்டாலின், கே.பாலசுப்பிரமணி

நிலக்கரி இறக்குமதிக்காக நிகழ்ந்ததா பவர்கட்?

மின்வெட்டு தகவல் இல்லை!

மிழகம் முழுவதும் தினமும் உபயோகிக்கப்படும் மின்சாரத்தின் அளவு, மின் தேவை, மின்வெட்டு ஆகியவை குறித்து http://tnebldc.org/tnercreports.htm என்ற அரசின் இணையதளத்தில் தெரிவிக்க வேண்டியது கட்டாயம். இதில், செப்டம்பர் 10-ம் தேதி முதல் இதுவரை எந்தத் தேதியிலும் மின்வெட்டு (Load Shedding) நடந்ததாகக் குறிப்பிடப்படவில்லை. ஆனால், கடந்த வாரத்தில் மதுரை, கோவை, தஞ்சை உள்ளிட்ட மாவட்டங்களில் பல மணி நேரம் மின்வெட்டு ஏற்பட்டது. ஏன் இது இந்த இணையதளத்தில் குறிப்பிடப்படவில்லை என்று கேள்வி எழுகிறது. 

இந்தியா முழுவதும் உள்ள அனல்மின் நிலையங்களில் நிலக்கரி இருப்பு விவரத்தை மத்திய அரசின் மத்திய மின் ஆணையத்தின் இணையதளத்தில் http://www.cea.nic.in வெளியிடுகின்றனர். அதன்படி, தமிழகத்தில் உள்ள அனல்மின் நிலையங்களில் செப்டம்பர் 13-ம் தேதி வரையிலான இருப்பு நிலவரம். மேட்டூர் அனல் மின் நிலையம் ஒன்றில் 3 நாட்களுக்கும், மேட்டூர் அனல் மின் நிலையம் இரண்டில் 4 நாட்களுக்கும் நிலக்கரி இருப்பு உள்ளதாகக் கூறப்பட்டிருக்கிறது. வடசென்னை அனல்மின் நிலையத்தில் 2 நாட்களுக்கும், தூத்துக்குடி அனல்மின் நிலையத்தில் 7 நாட்களுக்கும் நிலக்கரி இருப்பு உள்ளதாகக் கூறப்பட்டுள்ளது. அதே போல மத்திய, மாநில அரசுகள் இணைந்து நடத்தும் இன்னொரு தூத்துக்குடி அனல்மின் நிலையத்தில் 19 நாட்களுக்கும், வல்லூர் அனல் மின் நிலையத்தில் 17 நாட்களுக்கும் நிலக்கரி இருப்பு இருக்கிறது.

நிலக்கரி இறக்குமதிக்காக நிகழ்ந்ததா பவர்கட்?

காற்று நின்றுவிட்டது!

தி
டீர் மின்வெட்டுக்குக் காரணம் என்ன என்று மின்துறை அமைச்சர் தங்கமணியிடம் கேட்டோம். ‘‘செப்டம்பர் 9 மற்றும் 10-ம் தேதிகளில் சில பகுதிகளில் அரை மணி நேரம் மின்தடை ஏற்பட்டது. அதன்பின் பிரச்னையே இல்லை. தமிழகத்தின் தினசரி மின் தேவை சுமார் 15 ஆயிரம் மெகாவாட். நாம் 16 ஆயிரம் மெகாவாட் உற்பத்தி செய்து, மின்மிகை மாநிலமாக இருக்கிறோம். மத்திய அரசிடமிருந்து நிலக்கரி தினமும் வந்துகொண்டிருக்கிறது. அதன் அளவை உயர்த்திக் கேட்டிருக்கிறோம். அதேபோல, 20 சதவிகிதம் அளவுக்கு இறக்குமதி செய்கிறோம். இறக்குமதி நிலக்கரி அடுத்த மாதம் முதல் வாரம் வந்துவிடும்.

வழக்கமாகக் காற்றாலையில் இருந்து மின்சாரம் கிடைக்கும்போது, மத்திய, மாநில அரசுகளுக்குச் சொந்தமான அனல்மின் நிலையங்கள் பராமரிப்புப் பணிகளுக்காக நிறுத்தப்படும். அப்படித்தான் அனல்மின் நிலையங்கள் நிறுத்தப்பட்டிருந்தன. காற்று அடிக்கும் காலம் தொடர்ந்து நீடிக்கும் என்று எங்களுக்கு வானிலை அறிக்கை கொடுத்திருந்தார்கள். ஆனால், எதிர்பாராதவிதமாக காற்று நின்று விட்டது. இதனால், மின் உற்பத்தியில் பற்றாக்குறை ஏற்பட்டு இரண்டு நாட்கள் மின்வெட்டு ஏற்பட்டது. பிறகு, நாங்கள் அனல்மின் நிலையங்களை இயக்கத் தொடங்கிவிட்டோம்” என்றார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism