Published:Updated:

மண்ணுக்குள் இருக்கிறார் கணபதி ஸ்தபதியின் ஸ்ரீ ரங்கநாதர்!

மண்ணுக்குள் இருக்கிறார் கணபதி ஸ்தபதியின் ஸ்ரீ ரங்கநாதர்!

##~##

மாநகரில் வள்ளுவர் கோட்டம், கடலில் வள்ளுவர் சிலை என காலத்தால் அழிக்க முடியாத கற்காவியங்களை உருவாக்கிய கலைச் சிற்பி கணபதி ஸ்தபதி கடந்த வாரத்தில் இறந்து போனார். எத்தனையோ எண்ணங்களை வடிவமைத்த அவருக்கும் நிறைவேறாத ஆசை ஒன்று உண்டு. அந்தக் கவலையுடன்தான் மறைந்து விட்டார். கணபதி ஸ்தபதி பல இரவு பகல்களைச் செலவு செய்து உருவாக்கிய ரங்கநாதர் சிலை, வெளிச்சத்துக்கு வராமல் பூமிக்குள் புதைந்து கிடப்பதுதான் இறுதிக் காலத்தில் அவரது பெருங்கவலையாக இருந்தது! 

கணபதி ஸ்தபதியின் வழக்கறிஞரும் சிற்பியுமான அரசு நம்மிடம் இது குறித்து விரிவாகப் பேசினார். ''இலங்கை அதிபராக இருந்த சந்திரிகா, கொழும்பு நகரில்

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
மண்ணுக்குள் இருக்கிறார் கணபதி ஸ்தபதியின் ஸ்ரீ ரங்கநாதர்!

100 கோடியில் வைணவக் கோயில் ஒன்று கட்ட முடிவு எடுத்தார். மாமல்லபுரத்தில் உள்ள ஸ்தபதியின் சிற்ப கூடத்துக்கு சந்திரிகாவும் இலங்கை அரசின் கலைப் பண்பாட்டுத்துறை அமைச்சர் ஜெயக்கொடியும் 1998-ம் ஆண்டு வந்து அட்வான்ஸ் தொகை கொடுத்து 18 அடியில் ரங்கநாதர் சிலை உருவாக்கச் சொன்னார்கள்.

மண்ணுக்குள் இருக்கிறார் கணபதி ஸ்தபதியின் ஸ்ரீ ரங்கநாதர்!

அதற்காக ஆந்திராவில் இருந்து துருக்கி என்கிற அபூர்வ நீல நிறக் கல்லை 26 டயர்கள் பொருத்திய பெரிய டிரக்டிரைலர் லாரியில் மகாபலிபுரம் கொண்டு வந்தார்கள். இரவு பகலாக நூற்றுக்கணக்கான சிற்பிகளை வைத்து 2001-ல் சிலை முடிக்கப்பட்டது. ஆனால், இலங்கையில் நடந்த அரசியல் மாற்றங்களால் சொன்னபடி சிலையை வாங்கவில்லை. 'சிலையை வாங்கிச் செல்லுங்கள்’ என்று இதுவரையில் 18 கடிதங்கள் எழுதியும், இலங்கை அரசு எந்த பதிலும் சொல்லவில்லை. இப்போது சிலையைப் பாதுகாக்கவே மாதம் ஒரு லட்சம் வரையில் செலவாகிறது. '30 நாட்களுக்குள் உரிய இழப்பீட்டை கொடுத்து சிலையை எடுத்துச் செல்க. இல்லையெனில் சிலை எங்களுக்கே சொந்தம்’ என்று அனுப்பிய நோட்டீஸுக்கும் பதில் வரவில்லை.

புத்த மதத்தின் தீவிர ஆதரவாளரான ராஜபக்ஷே ரங்கநாதர் சிலையை எடுத்துச் செல்ல விரும்பவில்லை என்பது புரிகிறது. மயன் போன்ற சிற்பக் கலைஞரான கணபதி உருவாக்கிய ரங்கநாதர், சிலை வடிவில் மணலுக் குள் கண் திறவாமல் இலங்கையை நோக்கி உறங்குகிறார். மரபுப்படி இது இலங்கைக்கு நல்லது அல்ல!'' என்றார் அரசு.

கணபதி ஸ்தபதியின் ஆசை நிறை வேறுமா?

- எம்.பரக்கத் அலி

படங்கள்: பாலசுப்பிரமணியம்