Vikatan.com

www.vikatan.com would like to send you push notifications.

Notifications can be turned off anytime from browser settings.

`இது ட்ரெய்லர்தான்; இன்னும் மெயின் பிக்சர் காட்டல' - சீறும் சீமான்!

`தமிழர்களுக்கான உரிமையை வாங்காமல் விடமாட்டோம்' என நாம் தமிழர் கட்சி ஒருங்கிணைப்பாளர் சீமான் தெரிவித்துள்ளார்.

சீமான்

காவிரி மேலாண்மை வாரியம் அமைக்கக்கோரியும் ஸ்டெர்லைட் ஆலை மூடக்கோரியும் தமிழ்நாடு முழுவதும் போராட்டங்கள் வெடித்து வருகிறது. தமிழ்நாட்டில் இத்தனை பிரச்னை இருக்கும்போது ஐ.பி.எல் கிரிக்கெட் போட்டி தேவையா? அதனைப் புறக்கணிக்க வேண்டும் என்று பல்வேறு அமைப்பினர் போராட ஆரம்பித்தனர். இயக்குநர் பாரதிராஜா, 'தமிழர் கலை இலக்கிய பண்பாட்டுப்  பேரவை' என்ற அமைப்பினை ஆரம்பித்தார். அதில் வெற்றிமாறன், அமீர், ராம், தங்கர் பச்சான், கெளதமன் எனத் திரையுலகைச் சார்ந்த பலர் இருக்கின்றனர். இந்த அமைப்போடு இணைந்து தமிழர்களின் உரிமைக்காகக் குரல் கொடுக்க சீமான், தமிமுன் அன்சாரி, தனியரசு ஆகியோர் முன்வந்தனர். ஐ.பி.எல் புறக்கணிப்புப் போராட்டத்தில் கலந்துகொண்டு பாரதிராஜா, வெற்றிமாறன் உள்ளிட்ட திரைத்துறையைச் சேர்ந்த பலர் கைதாகினர்.   
           
அப்போது பேசிய சீமான்,   ``இன்று ஐ.பி.எல் போட்டியை பார்க்கப் போனவர்கள் உணர்வற்றவர்கள். அங்குச் செருப்பை வீசி ஒரு ட்ரெய்லர்தான் காட்டியிருக்கோம். இன்னும் மெயின் பிக்சர் காட்டல. நாங்க போராடுற திட்டத்தை முடிவெடுக்கிறதுக்குள்ள டிக்கெட் எல்லாம் வித்துட்டாங்க. இல்லைனா, வேற மாதிரி பண்ணியிருப்போம். எங்களோட எதிர்ப்பை காட்டிட்டோம். ஆனாலும், போட்டி நடந்துச்சு. இன்னும் சென்னையில நிறையப் போட்டிகள் இருக்கு. அதுக்கு எங்ககிட்ட திட்டமிருக்கு. அதுக்கான வேலைகளை ஆரம்பிக்கப்போறோம். அடுத்து 20-ம் தேதி நடக்க வேண்டிய போட்டி சென்னையில நடக்காது. வேற ஊருக்கு மாத்திருவாங்க. மாத்த வைப்போம். ப்ளேயர்களே விளையாட வரமாட்டங்க பாருங்களேன்.  தமிழர்களுக்கான உரிமையை வாங்காமல் விடமாட்டோம். என்ன நடக்குதுன்னு பொறுத்திருந்து பாருங்க" என்றபடி முடித்தார்.  

உங்கள் கருத்தைப் பதிவு செய்யுங்கள்

Advertisement
Advertisement
Advertisement

அதிகம் படித்தவை

Advertisement

எடிட்டர் சாய்ஸ்

Advertisement

MUST READ

Advertisement