Published:Updated:

விபசாரத்தில் லட்சங்களை குவிக்கும் புதுவை போலிஸ்!

விபசாரத்தில் லட்சங்களை குவிக்கும் புதுவை போலிஸ்!
பிரீமியம் ஸ்டோரி
விபசாரத்தில் லட்சங்களை குவிக்கும் புதுவை போலிஸ்!

யார் அந்த இரண்டு பேர்?குற்றம்

விபசாரத்தில் லட்சங்களை குவிக்கும் புதுவை போலிஸ்!

யார் அந்த இரண்டு பேர்?குற்றம்

Published:Updated:
விபசாரத்தில் லட்சங்களை குவிக்கும் புதுவை போலிஸ்!
பிரீமியம் ஸ்டோரி
விபசாரத்தில் லட்சங்களை குவிக்கும் புதுவை போலிஸ்!
விபசாரத்தில் லட்சங்களை குவிக்கும் புதுவை போலிஸ்!

ந்தியாவில் விபசாரத் தொழிலின் தலைநகரமாக புதுச்சேரியை இன்னும் சில நாட்களில் அறிவித்து விடலாம். அந்த அளவுக்கு விபசாரம் அப்கிரேடு செய்யப்பட்டு, மிகவும் ஹைடெக்கான முறையில் அரங்கேறி வருகிறது.

பிரெஞ்சுக் கலாசாரத்தைத் தாங்கியிருக்கும் புதுச்சேரியில் சமீபகாலமாக விபசாரக் கலாசாரம் தலைவிரித்தாடுகிறது. பிற மாநிலங்களோடு ஒப்பிடுகையில், மதுபானங்களின் விலை இங்கு குறைவு என்பதால் சென்னை, பெங்களூருவைச் சேர்ந்த மதுப்பிரியர்களுக்கு புதுச்சேரிதான் எவர்கிரீன் சாய்ஸ். வார இறுதி நாட்களில் இவர்களால் நகரமே நிரம்பி வழியும். இவர்களைக் குறிவைத்துத்தான் விபசாரம் நடத்திவருகிறது ஒரு புரோக்கர் கும்பல்.

இதுகுறித்து விசாரித்தபோது பல தகவல்கள் கிடைத்தன. ஒவ்வொரு மாதமும் ஆந்திரம் மற்றும் கேரளப் பகுதிகளுக்குச் செல்லும் இந்தக் கும்பல் வறுமையில் இருக்கும் குடும்பங்களை உள்ளூர் புரோக்கர்களோடு அணுகுகிறது. அவர்களிடம், ‘மிகவும் பெரிய ஆட்களுடன் மட்டும்தான் உங்கள் பெண்ணை அனுப்பிவைப்போம். சாப்பாடு, உடை, தங்குமிடம் அனைத்தும் பார்த்துக்கொள்வோம். கை நிறைய பணத்தோடு உங்கள் பெண் வருவாள்’  என்று ஆசை வார்த்தைகள் கூறுவதால், பெற்றோர்களும் 20 ஆயிரம் முதல் 30 ஆயிரம் வரை பணத்தைப் பெற்றுக்கொண்டு தங்கள் பெண் பிள்ளைகளை இந்தக் கும்பலுடன் அனுப்பிவிடுகிறார்கள். இப்படி மாதத்துக்கு ஒருமுறை சுமார் 40 பெண்களை இரண்டு டெம்போ டிராவலர்களில் அழைத்து வந்து நெய்வேலி, ஆரோவில், கோட்டக்குப்பம், புதுச்சேரி உள்ளிட்ட இடங்களில்  இருக்கும் விடுதிகளில் ஐந்து பேராக இறக்கிவிடுகிறார்கள். இவர்களை வாரத்துக்கு ஒருமுறை சுழற்சி முறையில் அனைத்து விடுதிகளுக்கும் மாற்றிவிடுகிறார்கள்.

விபசாரத்தில் லட்சங்களை குவிக்கும் புதுவை போலிஸ்!

உள்ளூர்வாசிகளுக்கு அனுமதி இல்லை. வெளியூரிலிருந்து வரும் வாடிக்கையாளர்கள் அறிமுகப்படுத்தும் நபர்களை மட்டும்தான் அனுமதிப்பார்களாம். அதிலும், ஒருவர் இரண்டு நண்பர்களை அறிமுகப்படுத்தினால் அவர்களுக்கு மாதத்துக்கு ஒரு முறை ‘இலவச சேவை’ என்ற சிறப்புத் திட்டமும் இதில் உண்டாம். ஒருமுறை இவர்களின் நம்பிக்கையைப் பெற்றுவிட்டால் அதன்பிறகு ரெகுலராகப் பெண்களின் படங்களை அவர்களின் வாட்ஸ்-அப் எண்ணுக்கு அனுப்பி அதிலேயே ரேட்டும் ஃபிக்ஸ் செய்துவிடுகிறார்கள். ஒரு மணி நேரத்துக்கு 3 ஆயிரம், 12 மணி நேரத்துக்கு 15 ஆயிரம் என வசூலிக்கும் இவர்கள், ஒரு பெண்ணைவைத்து ஒரே நாளில் சுமார் 30 ஆயிரம் சம்பாதிக்கிறார்கள். ஆனால், அந்தப் பெண்ணுக்குக் கொடுக்கப்படுவதோ நாளொன்றுக்கு 3 ஆயிரம் மட்டுமே. வாடிக்கையாளர்களுடன் அதிகமாகப் பேசக் கூடாது, செல்போன் எண் வாங்கக் கூடாது என்று ஏகக் கெடுபிடிகள் செய்யும் இந்தக் கும்பல், அந்தப் பெண்களை விடுதிகளின் சமையல் கூடங்களில்தான் தங்கவைக்குமாம்.

வாட்ஸ்-அப்பில் போட்டோவைப் பார்த்து பெண்களை செலக்ட் செய்த உடனேயே விடுதியின் பெயர், அறை எண் போன்றவை செல்போனுக்கு வந்துவிடும். குறிப்பிட்ட நேரத்தில் அங்கு சென்று தங்களது பெயரைச் சொன்னவுடன் அறையின் சாவி வழங்கப்படும். அறையைத் திறந்தவுடன் அவர்கள் செலக்ட் செய்த பெண் அங்கே தயாராக இருப்பார். பிருந்தாவனத்தில் இருக்கும் சொகுசு விடுதி, கோரிமேடு ஜிப்மர் மருத்துவமனை எதிரில், ரெட்டியார்பாளையம் போன்ற பகுதிகள் இவர்களின் முக்கிய ஸ்பாட். அரசியல் தலைவர்கள், அதிகாரிகள் போன்றவர்களுக்கு, ‘புதிய வரவுகளை’ அனுப்பி கவனித்துவிடுவதால் யாரும் இவர்களைக் கண்டுகொள்வதில்லை.

புதுச்சேரியையே கலக்கிவரும் இந்தக் கும்பல், வடக்குப் பகுதி காவல் துறையில் சிறப்புக் குற்றப் பிரிவில் பணியாற்றும் ‘சரக்கு’ பி.சி. மற்றும் சிதம்பரக் கடவுளின் பெயர் கொண்ட இருவர்களின் தலைமையின் கீழ்தான் இயங்குகிறதாம். சாதாரண காவல் துறை பி.சி-யான இவர், மேட்டுப்பாளையத்தில் பல லகரங்களைச் செலவுசெய்து கட்டியிருக்கும் சொகுசு பங்களாவே இதற்கு சாட்சி.

- ஜெ.முருகன், படங்கள்: அ.குரூஸ்தனம்