Published:Updated:

‘அம்மா அனுமதி’ என்பது சட்டத்தில் இல்லை!

‘அம்மா அனுமதி’ என்பது சட்டத்தில் இல்லை!
பிரீமியம் ஸ்டோரி
News
‘அம்மா அனுமதி’ என்பது சட்டத்தில் இல்லை!

‘அம்மா அனுமதி’ என்பது சட்டத்தில் இல்லை!

ன் வீட்டில் சோதனை நடைபெற்ற முறை குறித்து முன்னாள் தலைமைச் செயலாளர் ராம மோகன ராவ் பல குற்றச்சாட்டுகளைச் சொல்லி உள்ளார். இதுகுறித்து ஓய்வுபெற்ற சி.பி.ஐ அதிகாரியும் ராஜீவ் காந்தி கொலை வழக்கு விசாரணை அதிகாரியுமான ரகோத்தமனிடம் விளக்கம் கேட்டோம்.

‘அம்மா அனுமதி’ என்பது சட்டத்தில் இல்லை!

“ ராம மோகன ராவ் வீட்டில் நடந்த வருமானவரித் துறை சோதனை பற்றி என்ன நினைக்கிறீர்கள்?”

“வருமானவரி அதிகாரிகள், மாநில அரசின் உயர் அதிகாரி ஒருவரின் வீட்டில் சோதனை செய்வது அரிதினும் அரிதான ஒன்று. வேறு ஒரு சோதனையின்போது கிடைத்த ஆதாரத்தின் அடிப்படையில் ஓர் அரசு அதிகாரியின் வீட்டில் சோதனை நடத்தமுடியும். சேகர் ரெட்டி வீட்டில் நடைபெற்ற வருமானவரிச் சோதனையில் தங்கக்கட்டிகள், பணக்கட்டுகள், ஆவணங்கள் கிடைத்திருக்கின்றன. சேகர் ரெட்டி வீட்டில் கிடைத்த ஆதாரங்கள் அடிப்படையில் தான் ராம மோகன ராவ் வீட்டில் சோதனை நடைபெற்றிருக்கிறது.”

“சோதனைக்கான அனுமதி ஆவணத்தில் என் பெயர் இல்லை என்று ராம மோகன ராவ் சொல்கிறாரே?”

“ஒருவர் வீட்டில் சோதனை நடத்தும் முன், அவர் எந்த வீட்டில் வசித்து வருகிறார் என்று கண்காணிக்கப்படும். அதன்பின் சோதனைக்கான அனுமதி ஆவணம் தயாரிக்கப்படும். அதில் சோதனை நடத்தப்படும் இடத்தின் பெயர் குறிப்பிடப்படும். சோதனை நடத்தப்படுபவர் பெயர் இருக்காது. சி.பி.ஐ, அமலாக்கப் பிரிவு,  வருமானவரித் துறை என அனைத்துத் துறைகளின் சார்பிலும் சோதனை அனுமதி ஆவணத்திலும் இதுதான் நடைமுறை. ஐ.ஏ.எஸ் அதிகாரியான அவருக்கு இந்த நடைமுறை தெரிந்து இருக்கும். அவர் வசிக்கும் வீடு, ஒருவேளை அவருடைய மகன் பேரில் இருந்திருக்கலாம். எனவே, அவருடைய மகன் பெயர் அதில் இடம் பெற்றிருக்கக் கூடும்.”

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz


“சோதனையின்போது துணை ராணுவப்படை அழைக்கப் பட்டது சரியா?”

“தமிழகத்தின் தலைமைச் செயலாளர் வீட்டில் சோதனை நடத்தும்போது மத்தியப் படையை அழைப்பதற்கு வருமானவரித் துறைக்கு அதிகாரம் இருக்கிறது. வருமானவரித் துறை அதிகாரிகளுக்குத் தற்காப்பு முக்கியம். சோதனைசெய்யும் இடத்தைப் பாதுகாக்க வேண்டும். சோதனைக்குப் பின்னர் எடுத்துப் போகும் ஆவணங்களைப் பாதுகாப்பாக எடுத்துச் செல்லவேண்டும். இது ஒரு பெரிய விவகாரம் இல்லை.” 

“தன் வீட்டில் நடந்த சோதனை, அரசியல் சாசனத்துக்கு எதிரானது என்று அவர் சொல்லி இருக்கிறாரே?”

“இதுபோன்ற சோதனை நடைபெறும்போது அரசியல் தொடர்புகள் இருக்கின்றன என்று சொல்லப்படுவது இயல்பான ஒன்று. இந்த சோதனை குறித்து பிரதமர், உள்துறை அமைச்சரிடம் ஆலோசனை செய்திருக்கலாம், செய்யாமலும் இருந்திருக்கலாம். அதிகபட்சம் நிதி அமைச்சர் அனுமதி இல்லாமல் இந்த சோதனை நடந்திருக்க வாய்ப்பில்லை. இணைச் செயலாளர் மட்டத்துக்குக் கீழே உள்ளவர்களை மட்டும்தான் வருமானவரித் துறை அதிகாரிகள் தன்னிச்சையாக சோதனைசெய்ய முடியும். அதற்கு மேற்பட்ட அந்தஸ்த்தில் உள்ள அதிகாரிகளிடம் சோதனை நடத்த நிதி அமைச்சகத்தின் ஒப்புதல் தேவை.”

“முதல்வர் ஜெயலலிதா இருந்திருந்தால் இது போல் நடந்திருக்காது என்று ராம மோகன ராவ் சொல்லி இருக்கிறாரே?”

“ `அம்மா அனுமதியுடன்தான் செய்தேன்’ என்று சொல்கிறார். `அம்மா அனுமதி’ என்பது சட்டத்தில் இல்லை. சட்டப்படி, சட்டத்துக்கு உட்பட்டு அவர் செயல்பட்டிருக்கிறாரா என்பதுதான் முக்கியம்.”

“இப்போது அதிகாரிகளுக்குப் பாதுகாப்பு இல்லை, மரியாதை இல்லை என்றெல்லாம் ராம மோகன ராவ் சொல்லியிருக்கிறாரே?”

‘‘ `துப்பாக்கிமுனையில் சோதனை நடத்தினர்’ என்று கூறுகிறார். அதுபோன்ற வாய்ப்பே இல்லை. நான் நேர்மையானவன், சட்டப்படி எதிர்கொள்கின்றேன் என்று ராம மோகன ராவ் ஏன் சொல்லவில்லை? அவர் இந்தப் பதவிக்கு தகுதியானவரா என்பதில் எனக்கு சந்தேகம் உள்ளது.”

‘அம்மா அனுமதி’ என்பது சட்டத்தில் இல்லை!

“ராம மோகன ராவ் மீது சி.பி.ஐ வழக்குப் போட வாய்ப்பு இருக்கிறதா?”

“சேகர் ரெட்டியிடம்  வருமானவரிச்  சோதனை நடத்தப்பட்டது. தொடர்ந்து சி.பி.ஐ வழக்குப் பதிவு செய்யப்பட்டது. ராம மோகன ராவ் விஷயத்திலும் அடுத்தகட்டமாக சி.பி.ஐ வழக்கு வரலாம். அவர் ஒரு மக்கள் பணியாளர். அவர் வீட்டின் மதிப்பு, அவரது மகன் மற்றும் உறவினர்களின் சொத்துக்களின் மதிப்பு இதை யெல்லாம் கணக்கீடு செய்து, வருமானத்துக்கு அதிகமான சொத்துச் சேர்ப்பு என்று ஊழல் தடுப்புச் சட்டத்தின் கீழ் வழக்குப் பதிவு செய்யப் படலாம். அப்போது சி.பி.ஐ கைதுசெய்ய  வாய்ப்பு இருக்கிறது.” 

“அ.தி.மு.க-வை வளைக்க பி.ஜே.பி அரசு இதுபோன்று நடவடிக்கை எடுக்கிறது என்ற கருத்து இருக்கிறதே?”

“எமர்ஜென்ஸிக்கு எதிராகக் குரல் கொடுத்தவர் கருணாநிதி. அவரை வளைக்க அவரது அரசை இந்திரா காந்தி டிஸ்மிஸ் செய்தார். அவர் மீது சர்க்காரியா கமிஷன் உள்ளிட்ட நடவடிக்கைகள் மேற்கொள்ளப்பட்டன. கருணாநிதியின் தனிச் செயலாளர் வீட்டில்  சோதனை நடந்தது. தங்களுக்குப் பிடிக்காத மாநில அரசு மீது எந்த ஒரு மத்திய அரசும் இதுபோன்ற நடவடிக்கைகளை எடுத்துதான் வருகிறது.”

- கே.பாலசுப்பிரமணி
படம் சு.குமரேசன்