Published:Updated:

மணல் கொள்ளை - பசுமைத் தீர்ப்பாயத்தில் ஜூ.வி! - வாதாடிய நல்லகண்ணு

மணல் கொள்ளை - பசுமைத் தீர்ப்பாயத்தில் ஜூ.வி! - வாதாடிய நல்லகண்ணு
பிரீமியம் ஸ்டோரி
மணல் கொள்ளை - பசுமைத் தீர்ப்பாயத்தில் ஜூ.வி! - வாதாடிய நல்லகண்ணு

மணல் கொள்ளை - பசுமைத் தீர்ப்பாயத்தில் ஜூ.வி! - வாதாடிய நல்லகண்ணு

மணல் கொள்ளை - பசுமைத் தீர்ப்பாயத்தில் ஜூ.வி! - வாதாடிய நல்லகண்ணு

மணல் கொள்ளை - பசுமைத் தீர்ப்பாயத்தில் ஜூ.வி! - வாதாடிய நல்லகண்ணு

Published:Updated:
மணல் கொள்ளை - பசுமைத் தீர்ப்பாயத்தில் ஜூ.வி! - வாதாடிய நல்லகண்ணு
பிரீமியம் ஸ்டோரி
மணல் கொள்ளை - பசுமைத் தீர்ப்பாயத்தில் ஜூ.வி! - வாதாடிய நல்லகண்ணு

‘பிரேக்கிங் நியூஸ்’ போதையில் தமிழகம் தள்ளாடி  க்கொண்டிருந்த நேரத்தில்... தமிழகத்தின் நலன் காக்க  பசுமைத் தீர்ப்பாயத்தில் வாதாடிக்கொண்டிருந்தார், 91 வயதான ஒரு மனிதர். அவர், இந்திய கம்யூனிஸ்ட் கட்சியின் மூத்த தலைவரான நல்லகண்ணு. பிப்ரவரி 17-ம் தேதி, பசுமைத் தீர்ப்பாயத்தில் நடந்த வழக்கு ஒன்றில் ஆஜரான நல்லகண்ணு, ஜூனியர் விகடனில் 2013-ம் ஆண்டு வெளிவந்த மணல் கான்ட்ராக்டர் ஆறுமுகசாமியின் பேட்டியை ஆதாரமாகக் கொண்டு வாதிட்டார். நல்லகண்ணுவை சந்தித்தோம்.

மணல் கொள்ளை - பசுமைத் தீர்ப்பாயத்தில் ஜூ.வி! - வாதாடிய நல்லகண்ணு

“தாமிரபரணியைப் பாதுகாக்கத் தொடர்ந்து போராடி வருகிறீர்களே?”

“ஆமாம். தாமிரபரணி மட்டும்தான் தமிழகத்தில் உற்பத்தியாகி, தமிழகத்திலேயே கடலில் கலக்கிற நதி. வற்றாத ஜீவநதியாக அது இருந்தது. மணல் கொள்ளையால் ஆற்றின் போக்கும், நீரோட்டமும் பாதிக்கப்பட்டுவிட்டது. நிலத்தடி நீர் குறைந்து விட்டது. ‘தாமிரபரணியில் சட்டவிரோதமாக ஆறு இடங்களில் மணல் அள்ளப்படுகிறது’ என்று சென்னை உயர் நீதிமன்றத்தின் மதுரைக் கிளையில், ஆதாரங்களுடன் வழக்குத் தொடுத்தேன். நீதிபதிகள் பானுமதி, நாகமுத்து, ஜோதிமணி ஆகியோர் கொண்ட குழு, இதுபற்றி ஆய்வுசெய்து அறிக்கை தாக்கல் செய்தது. அந்த அறிக்கையின்படி, 2010 முதல் 2015 வரை தாமிரபரணியில் மணல் அள்ளத் தடை விதித்தனர்.”

“நீங்கள் ஸ்ரீவைகுண்டம் அணையைத் தூர்வார வேண்டும் என்று கேட்டீர்கள். ஆனால், தூர்வாருகிறோம் என்ற பெயரில் மணலைக் கொள்ளை அடித்துவிட்டார்கள் என்று கூறப்படுகிறதே?”

“அணையில் தூர்வாருவதற்கு அரசு அனுமதி கொடுத்தது. மண்ணை மட்டுமே தூர்வார வேண்டும். ஆனால், நீர் ஆதாரத்தைப் பாதிக்கும் வகையில் பல மீட்டர் ஆழத்துக்கு மணலை அள்ளிக் கடத்தினர். அள்ளிய மணலை சாத்தூர், கங்கைகொண்டான் பகுதிகளில் குடோனில் பதுக்கிவைத்து, லாரிகளில் வெளிமாநிலங்களுக்குக் கடத்திச்சென்றனர். இதனால் உடன்குடி, சாத்தான்குளம், தூத்துக்குடி போன்ற இடங்களில் குடிநீருக்குக் கடும் தட்டுப்பாடு ஏற்பட்டுள்ளது. இவற்றையெல்லாம் ஆதாரங்களுடன் கண்டுபிடித்தோம். ‘தூர்வாருகிறோம் என்ற பெயரில் எப்படியெல்லாம் மணல் கொள்ளை அடிக்கப்பட்டுள்ளது’ என்று பசுமைத் தீர்ப்பாயத்தில் மனு செய்தோம். என் வழக்கறிஞர்கள் மோகன், அருணாசலம், ஆதித்யா, குமார் ஆகியோர் உதவியுடன் நானே வாதிட்டேன். என் வாதத்துக்குப் பின்னர், பசுமை தீர்ப்பாயத்தின் நீதிபதி ஜோதி, நீரியல் துறை ஆய்வாளர் ஆகியோர் மார்ச் 12, 13 தேதிகளில் ஸ்ரீவைகுண்டம் அணையைப் பார்வையிடுவதாகச் சொல்லி உள்ளனர்.”

ஒட்டுமொத்த விகடனுக்கும் ஒரே ஷார்ட்கட்!

மணல் கொள்ளை - பசுமைத் தீர்ப்பாயத்தில் ஜூ.வி! - வாதாடிய நல்லகண்ணு

“தமிழகம் வறட்சியின் பிடியில் தவிப்பதற்கு மணல் கொள்ளையும் ஒரு காரணமா?”

“நிச்சயமாக. 142 வருடங்களில் இல்லாத அளவுக்கு தமிழகத்தில் மழை பொய்த்துப் போயுள்ளது. 32 மாவட்டங்களில் வறட்சி நிலவுகிறது. 1,876-ல் தாது வருஷப் பஞ்சம் வந்தது. அதே சூழ்நிலை இப்போது உள்ளது. தற்போதைய வறட்சிக்கு மணல் கொள்ளை மிகமுக்கிய காரணம். தமிழகத்தில் உள்ள 33 ஆறுகளிலும் மணல் கொள்ளை நடக்கிறது. இதனால், குடிநீர் மாசுபட்டுவிட்டது. நிலத்தடி நீர் குறைந்துள்ளது. விதிமுறையை மீறி ஐந்து முதல் ஆறு மீட்டர் ஆழம் வரை மணல் அள்ளுகின்றனர். இதைத் தடுக்க, பொக்லைன் மூலம் மணல் அள்ளுவதற்குத் தடைவிதிக்க வேண்டும்.”

“தமிழகத்தில் மணல் கொள்ளை நடக்கவில்லை என்று அரசு கூறுகிறதே?”

“சில ஆண்டுகளுக்கு முன்பு தமிழகத்தில் மணல் அள்ளி வந்த ஆறுமுகசாமி, ‘ஜூனியர் விகடன்’ (25.9.13) இதழுக்குப் பேட்டி கொடுத்துள்ளார். அதில், ‘மணல் அள்ள எனக்கு அரசு அனுமதி கொடுத்துள்ளது. அரசியல்வாதிகளின் ஆதரவு எனக்கு இருக்கிறது’ என்று அவர் சொல்லியிருக்கிறார். இதைவிட வேறு என்ன ஆதாரம் வேண்டும்? இதை நான் பசுமைத் தீர்ப்பாயத்தில் சுட்டிக்காட்டினேன். அதேபோல, இப்போது சேகர் ரெட்டியின் ஆதரவாளர் ராமசந்திரன் என்பவரை கைதுசெய்தனர். அவர் கொடுத்த வாக்குமூலத்தில், ‘எனக்கு பொக்லைன் இயந்திரங்கள், லாரிகள் ஆகியவற்றின் மூலமாக தினமும் 1.15 கோடி ரூபாய் வருமானம் கிடைக்கிறது’ என்று சொல்லியிருக்கிறார். அவர் பொக்லைன் இயந்திரத்தையும், லாரியையும் வைத்துக்கொண்டு என்ன செய்தார் என்பது ஊருக்கே தெரியும்.”

“தமிழகத்தின் இப்போதைய அரசியல் சூழலில் இதற்கெல்லாம் தீர்வு கிடைக்குமா?”

“தமிழகத்தில் இவ்வளவு பெரிய அரசியல் நெருக்கடி எப்போதும் இருந்தது இல்லை. தமிழக அரசு இதுவரை செய்த தவறுகளால்தான் தமிழகம் பாதிக்கப்பட்டுள்ளது. இதில் இருந்து மீண்டு வரவேண்டும். இன்றைக்கு தமிழகத்தில் நிலையான அரசு இல்லை என்பது வேதனை. இது ஒரு படிப்பினை. தமிழகத்தை, சோதனையில் இருந்து மீட்டெடுக்க வேண்டிய பொறுப்பு அரசியல் கட்சிகளுக்கு இருக்கிறது.”

- கே.பாலசுப்பிரமணி
படம்: ஸ்ரீனிவாசுலு

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism