Published:Updated:

ஜெ. மெடிக்கல் ரிப்போர்ட் - ஆக்‌ஷனும் ரியாக்‌ஷனும்!

ஜெ. மெடிக்கல் ரிப்போர்ட் - ஆக்‌ஷனும் ரியாக்‌ஷனும்!
பிரீமியம் ஸ்டோரி
News
ஜெ. மெடிக்கல் ரிப்போர்ட் - ஆக்‌ஷனும் ரியாக்‌ஷனும்!

ஜெ. மெடிக்கல் ரிப்போர்ட் - ஆக்‌ஷனும் ரியாக்‌ஷனும்!

75 நாள்கள் அப்போலோவில் ஜெயலலிதா இருந்தபோது வாய் திறக்காத தமிழக அரசு, அவர் இறந்து 90 நாள்கள் கடந்த நிலையில் ஜெயலலிதாவுக்கு அளிக்கப்பட்ட சிகிச்சைகள் குறித்து மெளனம் கலைத்திருக்கிறது. எய்ம்ஸ், அப்போலோ ரிப்போர்ட்டுகளைக் கரைத்துக் குடித்து, அறிக்கை ஒன்றை வெளியிட்டிருக்கிறது தமிழக அரசு. ஜெயலலிதா மரணத்தைத் தெளிவுபடுத்துவதைவிட மேலும் பல்வேறு கேள்விகளையும் சர்ச்சையையும் ஏற்படுத்தியிருக்கிறது இந்த அறிக்கை. இதன் ரியாக்‌ஷன் என்ன?

ஜெ. மெடிக்கல் ரிப்போர்ட் - ஆக்‌ஷனும் ரியாக்‌ஷனும்!

முரண்பாடுகள்!

அப்போலோ அறிக்கைகளுடன் ஒப்பிடும் போது, தமிழக அரசின் அறிக்கையில் பல முரண் பாடுகள் உள்ளன. ஜெயலலிதாவுக்கு நாள்பட்ட சர்க்கரை நோய், நீர்ச்சத்துக் குறைபாடு மற்றும் சுவாசக் குழாய் அழற்சி மட்டுமே இருந்ததாக முந்தைய அறிக்கைகளில் கூறப்பட்டன. ஆனால், தற்போது, அவருக்கு தைராய்டு சுரப்பி செயல் குறைபாடும் இருந்ததாகச் சொல்லியிருக் கிறார்கள். மேலும், தீவிர தோல் ஒவ்வாமை இருந்ததும்  தெரியவந்திருக்கிறது. ஆனால், இவை முந்தைய அறிக்கைகளில் இல்லை. ‘ஜெயலலிதாவுக்கு உடல்நிலை சரியில்லாமல் போனதற்கு, அவருக்குத் தரப்பட்ட மருந்துகள் காரணம் இல்லை’ என்கிறது அரசு. ஆனால், ‘சரும நோய்க்கான ஸ்டீராய்டு மருந்துகள் தவிர, சர்க்கரை நோய் மற்றும் ரத்தக் கொதிப்புக்காக நீண்ட நாள்களாக மருந்துகளை அவர் எடுத்துக்கொண்டிருந்தார்’ என்றும் குறிப்பிடப்பட்டுள்ளது. ஆனால், “முற்றிய சர்க்கரை நோயும், தைராய்டு சுரப்பி செயல்பாட்டில் பிரச்னையும் இருப்பவர்கள், இப்படியான ஸ்டீராய்டு மருந்துகளை உட்கொள்வது தவறு. செப்ஸிஸ் நோய்த் தாக்கம், தைராய்டு சுரப்பி செயல்பாட்டில் குறைவு மற்றும் ஸ்டீராய்டு மருந்துகளை உட்கொள்ளும் சர்க்கரை நோயாளிகளுக்கு இதய பாதிப்பு எந்த நொடியிலும் ஏற்படலாம்’’ என்கிறார்கள் மருத்துவ நிபுணர்கள். ‘ஜெயலலிதாவின் மரணத்துக்கு இதயச் செயலிழப்புதான் காரணம்’ என்கிறது அப்போலோ அறிக்கை. ஆனால், முந்தைய நாள் வரை உடல்நிலை மிகச் சீராக இருந்தவருக்கு, இதயச் செயலிழப்பு எதனால் ஏற்பட்டது என்பதற்கான உண்மைக் காரணம் அதில் சொல்லப்படவில்லை.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
ஜெ. மெடிக்கல் ரிப்போர்ட் - ஆக்‌ஷனும் ரியாக்‌ஷனும்!

நெஞ்செலும்பைப் பிளந்து...

சமூக சமத்துவத்துக்கான டாக்டர்கள் சங்கத்தின் பொதுச் செயலாளர் ஜி.ஆர்.ரவீந்திரநாத்திடம் பேசினோம். “நீண்டகாலம் சர்க்கரை நோய் இருந்து, வேறு பிரச்னைகளுக்காக ஸ்டீராய்டு மருந்துகள் எடுத்துக் கொள்வோருக்கு நோய் எதிர்ப்பு சக்தி இருக்காது. சர்க்கரை நோய் அதிகமாக உள்ளவர்களுக்கு

ஜெ. மெடிக்கல் ரிப்போர்ட் - ஆக்‌ஷனும் ரியாக்‌ஷனும்!

நோய்த்தொற்று வந்தால் சீக்கிரத்தில் சரியாகாது. இப்படி சிறு சிறு பிரச்னைகள் ஒன்றாகச் சேர்ந்து பெரிய அளவில் சிக்கல் ஆகியிருக்கிறது. அவரின் இதய வால்வு மற்றும் இதயத்தில் நோய்த்தொற்று இருந்துள்ளது. இதனால், ஒரு கட்டத்தில் உடல் முழுவதும் கிருமித்தொற்று பரவி, ரத்தம் முழுவதும் இன்ஃபெக்‌ஷன் ஆகியிருக்கிறது. இதை ஆன்டிபயாடிக் கொடுத்து கட்டுப்படுத்தி முன்னேற்றம் கண்ட நேரத்தில், நுரையீரலில் நீர் கோத்துள்ளது. ஏற்கெனவே இதயப் பிரச்னை இருந்ததால், இவையெல்லாம் சேர்ந்து அவரது இதயம் சுருங்கி விரிவதில் சிரமம் ஏற்பட்டுள்ளது. இயல்பான சுவாசத்துக்கு மருத்துவர்கள் முயற்சிகள் எடுத்து, சிறிது முன்னேற்றம் அடைந்த நேரத்தில், இதயத்துடிப்பு முடக்கம் ஏற்பட்டுள்ளது. இந்த மாதிரி நேரத்தில் மசாஜ் செய்தும், டிஃபிப்ரிலேட்டர் கருவி பொருத்தியும் இதயத்துடிப்பை மீட்க முயல்வார்கள். ஆனால், ஜெயலலிதாவுக்கு இந்த முயற்சிகள் பலனளிக்காத நிலையில், நேரடியாக நெஞ்செலும்பைப் பிளந்து இதயத்தில் டிஃபிப்ரிலேட்டர் மற்றும் பேஸ்மேக்கர் கருவி பொருத்தி இயல்பான இதயத்துடிப்புக்கு முயன்றுள்ளனர். அதன்பிறகும் நிலைமை சீரடையாத நேரத்தில் எதிர்பாராமல் மூளைத்தண்டு செயலிழப்பு அடைந்துள்ளது. இது கிட்டத்தட்ட மூளைச்சாவு போன்ற நிலைதான். இது 24 மணி நேரத்துக்கும் மேல் தொடர்ந்ததால், இனி அவர் பிழைக்க வழியில்லை என மருத்துவ அறிவியல் முறைப்படி மருத்துவக்குழு முடிவெடுத்து எக்மோ கருவி உள்ளிட்ட உடலில் பொருத்தப்பட்ட மருத்துவக் கருவிகளை எடுத்துள்ளனர்’’ என்கிறார் ரவீந்திரநாத்.

ஜெ. மெடிக்கல் ரிப்போர்ட் - ஆக்‌ஷனும் ரியாக்‌ஷனும்!

 ‘‘நடிக்கிறார்கள்’’

ஜெயலலிதாவின் தோழியான கீதா, “ஜெ. மரணம் அடைந்து மூன்று மாதங்கள் கடந்து விட்டன. இவ்வளவு நாள்களாக அறிக்கையை வெளியிடாமல், உண்ணாவிரதம் இருக்கப் போவதாக ஓ.பன்னீர்செல்வம் அறிவித்தவுடன் அறிக்கையை வெளியிடுகிறார்கள். ஓ.பி.எஸ் இவ்வளவு நாள்களாக, ‘நான் அம்மாவைப் போய் பார்த்தேன்’ என்றார். இப்போது, ‘ஒருநாள்கூட பார்க்கவில்லை’ என்கிறார். இன்றைக்கு இவர்கள் சொல்லும் குற்றச்சாட்டுகளை, மூன்று மாதங்களுக்கும் முன்பே நான் சொல்லிவிட்டேன். இப்போது உண்ணாவிரதம் என்று இவர்கள் நடிக்கிறார்கள். மருத்துவ அறிக்கை என்று அவர்கள் நடிக்கிறார்கள்’’ என்கிறார் காட்டமாக.

- ஜோ.ஸ்டாலின், எஸ்.கிருபாகரன், ஐஷ்வர்யா
 படம்: தி.ஹரிஹரன்

மெடிக்கல் டிக்‌ஷனரி

ஜெயலலிதாவுக்கு இருந்த நோய்கள் பற்றிய டிக்‌ஷனரி...

Enterococcus bactereamia with Septic shock: ரத்தத்தில் பரவும் எண்டிரோகாக்கஸ் வகை பாக்டீரியாவால் உடலின் உறுப்புகளுக்கு ஏற்படும் பாதிப்பு மற்றும் அதன் செயல்பாடுகளில் ஏற்படும் பிரச்னை.

ARDS: மிகவும் ஆபத்தான நிலையில் இருக்கும் நோயாளிகளுக்கு ஏற்படும் நுரையீரல் வீக்க நோய்.

Infective endocarditis with calcified mitral valve:
பாக்டீரியா தாக்கத்தால் இதயத்தின் உள் திசுக்களில் ஏற்படும் வீக்கம் மற்றும் நெஞ்சுப்பையின் சவ்வடைப்புகளில் கால்சியம் திட்டுகள் அதிக அளவில் தேங்குதல்.

Mitral Regurgitation: நெஞ்சுப்பையின் சவ்வடைப்புகளில் திரவம் சேர்தல்.

Hypothyroidism:
தைராய்டு சுரப்பி செயல்திறன் குறைவது.

Irritable Bowel Syndrome:
குடல் எரிச்சல் நோய். அதனால் அடிக்கடி ஏற்படும் வயிற்றுப்போக்குப் பிரச்னை

Atopic dermatitis: தீவிர தோல் அரிப்பு அலர்ஜி

Ventricular fibrilation: இதயம் ரத்தத்தை வெளியேற்றாமல் வெறுமனே துடித்துக் கொண்டிருக்கும் நிலை