Published:Updated:

“அரசியல் பதவி யோகம் இருக்கு!” - ஜாதக நம்பிக்கையில் ஜெயானந்த்

“அரசியல் பதவி யோகம் இருக்கு!” - ஜாதக நம்பிக்கையில் ஜெயானந்த்
பிரீமியம் ஸ்டோரி
“அரசியல் பதவி யோகம் இருக்கு!” - ஜாதக நம்பிக்கையில் ஜெயானந்த்

“அரசியல் பதவி யோகம் இருக்கு!” - ஜாதக நம்பிக்கையில் ஜெயானந்த்

“அரசியல் பதவி யோகம் இருக்கு!” - ஜாதக நம்பிக்கையில் ஜெயானந்த்

“அரசியல் பதவி யோகம் இருக்கு!” - ஜாதக நம்பிக்கையில் ஜெயானந்த்

Published:Updated:
“அரசியல் பதவி யோகம் இருக்கு!” - ஜாதக நம்பிக்கையில் ஜெயானந்த்
பிரீமியம் ஸ்டோரி
“அரசியல் பதவி யோகம் இருக்கு!” - ஜாதக நம்பிக்கையில் ஜெயானந்த்

ஜெயலலிதா இல்லாத தமிழகத்தில், சசிகலா குடும்பத்தில் பலரும் திடீர் திடீரென முக்கியத்துவம் பெறுகிறார்கள். அந்த வரிசையில் இப்போது ஜெயானந்த். சசிகலாவின் தம்பி திவாகரனின் மகன் ஜெயானந்த் பிறந்த நாளை, முதல்முறையாக ஃபிளக்ஸ் எல்லாம் வைத்துக் கொண்டாடி இருக்கிறார்கள், அவரின் ஆதரவாளர்கள். 

சசிகலாவும், தினகரனும் சிறைக்குச் சென்றுவிட்ட நிலையில், சசிகலா குடும்பத்தின் அரசியல் வாரிசாக அவதாரம் எடுத்து வருகிறார் ஜெயானந்த். கடந்த 16-ம் தேதி ஜெயானந்தின் பிறந்த நாள் விழா மன்னார்குடியில் கொண்டாடப்பட்டது. அதையொட்டி வைக்கப்பட்டிருந்த ஃபிளக்ஸ்களில், ‘மன்னையின் இளவரசனே... எங்கள் தளபதியே... எழுச்சி நாயகனே... நீங்க நல்லா இருக்கணும் நாடு முன்னேற’ என்ற  வாசகங்களை அவரது ஆதரவாளர்கள் அடுக்கித் தள்ளியிருந்தார்கள்.

“அரசியல் பதவி யோகம் இருக்கு!” - ஜாதக நம்பிக்கையில் ஜெயானந்த்

ஜெயானந்த்துக்கு இப்போது 26 வயது. இத்தனை ஆண்டுகளாக இல்லாத அளவுக்கு இவரின் பிறந்த நாள் கொண்டாட்டங்களில் ஏன் இத்தனை பரபரப்பு? திவாகரன் வட்டாரத்தில் விசாரித்தோம். ‘‘மயிலாடுதுறை அருகேயுள்ள கிடாரங்கொண்டான் என்ற ஊரில் உள்ள தேவநாத ஸ்வாமி என்பவர்தான் இவர்களின் குடும்ப ஜோதிடர். ஜெயானந்த்தின் ஜாதகத்தைப் பார்த்த தேவநாத ஸ்வாமி, ‘உங்கள் குடும்பத்தில் ஜெயானந்துக்கு மட்டும்தான் அரசுப் பதவி, அரசியல் பதவி வகிப்பதற்கு யோகம் உள்ளது’ எனச் சொன்னாராம். ‘முதல்வர் பதவிக்கான யோகமும் தம்பிக்கு இருக்கிறது’ என அந்த ஜோதிடர் சொல்லியிருக்கிறார். அதிலிருந்து தம்பிக்கு அரசியல் மோகம் வந்துவிட்டது. தன்னை ஓர் அரசியல் தலைவரைப் போல நினைத்துக்கொண்டு அதுபோலவே நடந்துகொள்கிறார். பொதுவாக, திவாகரனை யார் பார்க்க வேண்டுமென்றாலும் நாள் கணக்கில், மணிக் கணக்கில் காத்திருக்க வேண்டும். அதே ஸ்டைலை ஜெயானந்த்தும் கடைப்பிடிக்க ஆரம்பித்துள்ளார். இப்போது, ஜெயானந்த்தை யாரும் எளிதாக சந்தித்துவிட முடியாது. தமிழகம் முழுக்க தனக்கான ஆதரவாளர்களை உருவாக்கி வைத்துள்ளார். தனி அணியாக ஓ.பி.எஸ் பிரிந்தபோது அ.தி.மு.க-வுக்கு நெருக்கடி ஏற்பட்ட நேரத்தில், கூவத்தூருக்குத் தன் ஆட்களை அனுப்பி வைத்தார் ஜெயானந்த்” என்றார், திவாகரன் குடும்பத்துக்கு நெருக்கமான ஒருவர்.

டெல்டா மாவட்டங்களில் போலீஸ் அதிகாரிகள் இடமாற்றம் உட்பட அரசு நிர்வாகத்தில் பல காரியங்களை ஜெயானந்த் செய்துகொடுக்கிறார்; தலையிட்டு வருகிறார் என்ற பேச்சு உள்ளது. தன் பிறந்த நாளன்று வைக்கப்பட்ட ஃபிளக்ஸ்களில், ‘நீங்க நல்லா இருக்கணும்... நாடு முன்னேற’ என்ற வாசகம் ஜெயானந்துக்கு ரொம்பவே பிடித்துவிட்டதாம். உடனே, அந்த ஃபிளக்ஸ் வைத்தவர்களைக் கூப்பிட்டுப் பாராட்டினாராம்.

மன்னார்குடியில் ஜெயானந்த் இருந்தால், அவரைச் சுற்றி பெரும் கூட்டம் ஒன்று இருக்கும். மன்னார்குடியில், ஜல்லிக்கட்டு போராட்டத்தின்போது மாணவர்களோடு கலந்துகொண்டார். ஜெயலலிதா பிறந்தநாளன்று மன்னார்குடியில் கபடிப் போட்டி நடத்தினார். மன்னார்குடி ராஜகோபால ஸ்வாமி கோயில் திருவிழாவில் அவர் தவறாமல் கலந்துகொள்வார். 

“அரசியல் பதவி யோகம் இருக்கு!” - ஜாதக நம்பிக்கையில் ஜெயானந்த்

‘‘ஜெயலலிதா மறைவுக்குப் பிறகு, ஜெயானந்துக்கு மாநில இளைஞர் மற்றும் இளம்பெண்கள் பாசறை செயலாளர் பதவி வேண்டும் என்று திவாகரன் கேட்டார். சசிகலா சிறை செல்லும்வரை திவாகரன் கை ஓங்கியிருந்தது. அதன்பின் கட்சியின் துணைப் பொதுச்செயலாளராக டி.டி.வி.தினகரன் ஆக்கப்பட்டார். தினகரனும் திவாகரனும் எதிரும்புதிருமாக ஆகிவிட்டனர். கட்சியிலோ, ஆட்சியிலோ தமக்கு எந்தப் பொறுப்பும் வேண்டாம் என்று நினைக்கும் திவாகரன், தன் மகனைக் களமிறக்க காய் நகர்த்தி வருகிறார்’’ என்று சொல்லும் திவாகரன் ஆதரவாளர்கள், “சசிகலாவின் அரசியல் வாரிசாகவே ஜெயானந்த்தை உருவாக்க திவாகரன் திட்டமிடுகிறார்” என்கிறார்கள்.

சிங்கத்தின் மீது ஜெயானந்த்துக்கு அலாதிப் பிரியம். சிங்க ஸ்டிக்கர்கள் ஒட்டப்பட்ட கார்களில்தான் ஜெயானந்த்தும் அவருடைய ஆதரவாளர்களும் வலம் வருகிறார்கள். ‘சிங்கம் ஸ்டிக்கர் ஒட்டியிருந்தால் அது ஜெயானந்த்தின் ஆதரவாளர் கார்’ என்பது தனியாகத் தெரியவேண்டும் என்பதற்காக இப்படி ஒரு ஏற்பாடாம்.

- ஏ. ராம், படங்கள்: செ.ராபர்ட்