Published:Updated:

“குடிசையைக் கொளுத்தினால் கைது இல்லை... மெழுகுவத்தி ஏற்றினால் குண்டாஸ்!” - கொதிக்கும் திருமுருகன் காந்தி

“குடிசையைக் கொளுத்தினால் கைது இல்லை... மெழுகுவத்தி ஏற்றினால் குண்டாஸ்!” - கொதிக்கும் திருமுருகன் காந்தி
பிரீமியம் ஸ்டோரி
“குடிசையைக் கொளுத்தினால் கைது இல்லை... மெழுகுவத்தி ஏற்றினால் குண்டாஸ்!” - கொதிக்கும் திருமுருகன் காந்தி

“குடிசையைக் கொளுத்தினால் கைது இல்லை... மெழுகுவத்தி ஏற்றினால் குண்டாஸ்!” - கொதிக்கும் திருமுருகன் காந்தி

“குடிசையைக் கொளுத்தினால் கைது இல்லை... மெழுகுவத்தி ஏற்றினால் குண்டாஸ்!” - கொதிக்கும் திருமுருகன் காந்தி

“குடிசையைக் கொளுத்தினால் கைது இல்லை... மெழுகுவத்தி ஏற்றினால் குண்டாஸ்!” - கொதிக்கும் திருமுருகன் காந்தி

Published:Updated:
“குடிசையைக் கொளுத்தினால் கைது இல்லை... மெழுகுவத்தி ஏற்றினால் குண்டாஸ்!” - கொதிக்கும் திருமுருகன் காந்தி
பிரீமியம் ஸ்டோரி
“குடிசையைக் கொளுத்தினால் கைது இல்லை... மெழுகுவத்தி ஏற்றினால் குண்டாஸ்!” - கொதிக்கும் திருமுருகன் காந்தி

ழத் தமிழர்கள் படுகொலைக்காக மெழுகுவத்தி ஏந்தி மெரினாவில் நினைவேந்தல் கூட்டம் நடத்தியதற்காக, மே 17 இயக்கத்தின் ஒருங்கிணைப்பாளர் திருமுருகன் காந்தியும் அவரது இயக்கத்தினரும் கைது செய்யப்பட்டனர். இந்நிலையில், திருமுருகன் காந்தி, தமிழர் விடியல் கட்சியைச் சேர்ந்த டைசன், இளமாறன் மற்றும் அருண்குமார் ஆகியோர் மீது குண்டர் சட்டம் பாய்ந்திருக்கிறது. அதோடு நிற்காமல் பழைய சம்பவங்களைத் தூசுதட்டி எடுத்து, திடீரென திருமுருகன் காந்தி மீது மூன்று வழக்குகள் போடப்பட்டுள்ளன. எதற்காக இவ்வளவு வழக்குகள்? குண்டர் சட்டம் பாயக் காரணம் என்ன? சிறைக்கும் நீதிமன்றத்துக்கும் அலைக்கழிக்கப்படும் திருமுருகன் காந்தியைச் சந்தித்துப் பேசினோம்.

“குடிசையைக் கொளுத்தினால் கைது இல்லை... மெழுகுவத்தி ஏற்றினால் குண்டாஸ்!” - கொதிக்கும் திருமுருகன் காந்தி

“உங்கள்மீது  குண்டர் சட்டம்  பாய்ந்ததற்குப் பின்னணியில் பி.ஜே.பி. இருக்கிறது என எதை வைத்துச் சொல்கிறீர்கள்?”

“என் கைதுக்கு முழுக்க முழுக்க பா.ஜ.க அரசுதான் காரணம். ரேஷன் கடைகளை மூடப் போகிறார்கள் என முதலில் சொன்னது, காவிரி உரிமை மீட்புக்குக் குரல் கொடுத்தது, நெடுவாசல் பிரச்னையை முதன்முதலில் மக்களிடம் எடுத்துச் சொல்லியது, கீழடி அகழ்வாய்வில் தமிழர் பெருமையை மூடி மறைக்க நடந்த முயற்சியை மக்களிடம் அம்பலப்படுத்தியது, ஜல்லிக்கட்டுப் போராட்டம் எனத் தொடர்ந்து பா.ஜ.க அரசுக்குக் குடைச்சல் கொடுப்பதுதான் காரணம். இதை ஹெச்.ராஜா போன்றவர்களே சொல்லி வந்திருக்கிறார்கள். அந்த அடிப்படையில்தான் இப்போது குண்டர் சட்டத்தில் கைது செய்திருக்கிறார்கள். 

இதற்கு அவர்கள் சொல்லும் குற்றச்சாட்டு, ‘பேருந்து கண்ணாடி உடைந்துவிட்டது’ என்பதுதான். அந்தக் கண்ணாடி அதுவாகவே விழுந்து உடைந்தது. கைதுக்கு முன் வன்முறை நடக்கவில்லை. காவல்துறை அத்துமீறலுக்குப் பிறகுதான் கண்ணாடி உடைந்தது. காவல்துறையினர்தான் வன்முறை செய்தார்கள். இதற்கு நாங்கள் எப்படிப் பொறுப்பாக முடியும்?

இறந்தவர்களை நினைவு கூர்வது என்பது அடிப்படை உரிமை. இதைத் தடுக்கக் கூடாது என்று சர்வதேச நீதிமன்றமே சொல்லி இருக்கிறது. இலங்கையில் இதைத் தடுத்ததால்தான் ஐ.நா சபையே தலையிட்டு, கண்டித்தது. தற்போது அதே விஷயத்தைத்தான் தமிழக அரசு செய்கிறது. தமிழக அரசு, மத்திய அரசிடம் சரணடைந்த அரசாகத்தான் இருக்கிறது. ‘தமிழர், தமிழர் உரிமை’ என்று எதையும் பேசக் கூடாது, இந்த வார்த்தையே வரக்கூடாது என நினைக்கிறார்கள். முக்கியமாக பிரபாகரனின் மகன் பாலச்சந்திரன் சுவரொட்டிகளையெல்லாம் காவல்துறையினர் கிழித்து எறிந்திருக்கிறார்கள். அவற்றை ஒட்டிய தோழரையும் அடித்திருக்கிறார்கள். ஈழம் தொடர்பாகவோ, தமிழர் உரிமை பற்றியோ யாருமே பேசக்கூடாது என மத்திய பா.ஜ.க அரசு நினைக்கிறது. ஜெயலலிதாவின் காலத்தில் இருந்தே இந்த நினைவேந்தல் நடந்திருக்கிறது. இது ஜெயலலிதாவின் அரசு என்றால், எப்படி நினைவேந்தலைத் தடுப்பார்கள்?

என்னோடு, தமிழர் விடியல் கட்சியினர் மூன்று பேர் மீதும் குண்டர் சட்டத்தில் வழக்குப் போட்டு இருக்கிறார்கள். அவர்கள் இளைஞர்கள். நல்லது செய்யவேண்டும் என்று களத்துக்கு வருகிறார்கள். அவர்களையும் முடக்க வேண்டும் என்ற எண்ணம்தான். சட்டம் ஒவ்வொருவருக்கும் ஒவ்வொரு மாதிரி இங்கு செயல்படுகிறது. காவல்துறை யாரின் சார்பாக செயல்படுகிறது. இதுதான் என் முக்கியமான கேள்வி.”

“இந்த வழக்குகளிலிருந்து எளிதில் வெளிவர முடியும் என நினைக்கிறீர்களா?”

“இவை எல்லாமே காவல்துறை போட்ட பொய் வழக்கு. நாங்கள் போராட்டத்துக்குத் திட்டமிடும்போது, ‘போங்க... நாங்க அனுமதி கொடுப்போம்’னு சொல்லிவிடுகிறார்கள். ஆனால், போராட்டம் நடத்த அனுமதிக் கடிதம் தரமாட்டார்கள். பிறகு, அனுமதியைப் பெறாத போராட்டம் என்று சொல்கிறார்கள். அதேபோல் தமிழர் விடியல் கட்சி நடத்திய போராட்டத்துக்காக, ஒன்பது மாதங்கள் கழித்து என் மீது கொலை முயற்சி வழக்குப் போடுவது எந்த விதத்தில் நியாயம்? இது ஜனநாயக ரீதியாக போராடுபவர்களின் கழுத்தை நெரிக்கும் செயல். எமர்ஜென்சி காலத்தில் நடப்பதுபோல தற்போது ஆட்சி நடக்கிறது.”

“காவல்துறை உங்களை அடித்தார்களா?”

“அடித்தார்கள். ஒரு காவலர் லத்தி எடுத்துவந்து என் வயிற்றில் குத்தினார். ‘அடிங்க சார்... நான் எதற்கும் தயாரா இருக்கிறேன்’ என்று சொன்னேன். என்னுடன் கைதான தோழர்களையெல்லாம் பலமாக அடித்திருக்கிறார்கள். காவல்துறையினர் லத்தி சார்ஜ் என்று சொல்லி, காலுக்குக் கீழே அடிப்பார்கள். இங்கு மண்டையில் அடிக்கிறார்கள்; தாக்குகிறார்கள். சுருக்கமாகச் சொன்னால், குடிசையைக் கொளுத்திய போலீஸ்காரர்களைக் கைது செய்யாத தமிழக அரசு, மெழுவத்தியை ஏற்றியதற்காக எங்களைக் கைது செய்து குண்டர் சட்டத்தில் அடைத்திருக்கிறது. எங்கள் விடுதலைக்காகக் குரல் கொடுக்கும் அனைவருக்கும் நன்றி.”

- நா.சிபிச்சக்கரவர்த்தி

படம்: ஆ.முத்துக்குமார்

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism