Published:Updated:

காஞ்சிபுரம் கிறுகிறு - கொலை வழக்கு... - தலைமறைவு ரவுடி...

காஞ்சிபுரம் கிறுகிறு - கொலை வழக்கு... - தலைமறைவு ரவுடி...
பிரீமியம் ஸ்டோரி
காஞ்சிபுரம் கிறுகிறு - கொலை வழக்கு... - தலைமறைவு ரவுடி...

போலீஸ் தேடும் வழக்கறிஞர்!

காஞ்சிபுரம் கிறுகிறு - கொலை வழக்கு... - தலைமறைவு ரவுடி...

போலீஸ் தேடும் வழக்கறிஞர்!

Published:Updated:
காஞ்சிபுரம் கிறுகிறு - கொலை வழக்கு... - தலைமறைவு ரவுடி...
பிரீமியம் ஸ்டோரி
காஞ்சிபுரம் கிறுகிறு - கொலை வழக்கு... - தலைமறைவு ரவுடி...

சினிமாவை மிஞ்சிய திருப்பங்களைக் கொண்டது, ஓய்வுபெற்ற சப் கலெக்டர் வெங்கடாச்சலத்தின் மகன் எல்லப்பன் கொலை வழக்கு. இந்தக் கொலையில், வழக்கறிஞர் ஒருவரையும் போலீஸ் தேடுவது, காஞ்சிபுரத்தைப் பரபரப்பாக்கி உள்ளது.

காஞ்சிபுரம் கிறுகிறு - கொலை வழக்கு... - தலைமறைவு ரவுடி...

காஞ்சிபுரம் டி.கே நம்பி தெருவில் குடும்பத்துடன் வசித்துவந்தார், ஓய்வுபெற்ற    சப் கலெக்டர் வெங்கடாச்சலம். இவருடைய மனைவி ராஜலட்சுமி, ஓய்வுபெற்ற ஆசிரியை. இவர்களின் மகன் எல்லப்பன், கல்பாக்கம் அணுமின் நிலையத்தில் பொறியாளராகப் பணியாற்றி வந்தார். வெங்கடாச்சலத்தின் வீட்டில் தேன்மொழி என்ற பெண் வாடகைக்குக் குடியிருந்தார். 
2006-ல் வெங்கடாச்சலம் மரணம் அடைந்தார். திடீரென ஒரு நாள் எல்லப்பனைக் காணவில்லை. பிறகு, ராஜலட்சுமி திடீரென இறந்துவிட்டார். அந்த மரணத்தில் மர்மம் இருப்பதாகப் பேச்சு எழுந்தது.

இந்த விவகாரம் குறித்து வெங்கடாச்சலத்தின் வீடு அமைந்துள்ள பகுதியில் விசாரித்தோம்.

“எல்லப்பன் மனநிலை பாதிக்கப்பட்டதால், பணிக்குச் செல்லாமல் வீட்டிலேயே இருந்தார். அவரை அவருடைய தாயார் அவ்வப்போது மருத்துவமனைக்கு அழைத்துச் செல்வார். அப்போது அவர்களுடன் தேன்மொழியும் செல்வார். 2013-ம் ஆண்டு பிப்ரவரியில் எல்லப்பன் காணாமல் போனார். இரண்டு மாதங்களுக்குப்பின், ராஜலட்சுமி மர்மமான முறையில் இறந்தார். எல்லப்பனைக் கண்டுபிடித்துத் தருமாறு, விஷ்ணு காஞ்சி காவல்நிலையத்தில் எல்லப்பனின் சித்தப்பா இளங்கோ புகார் அளித்தார். புகார் மீது போலீஸ் நடவடிக்கை எடுக்கவில்லை. மூன்றாண்டுகளுக்குப் பிறகு, மாமனார் வெங்கடாச்சலம் பெயரில் உள்ள சொத்துகளைத் தன் பெயருக்கு மாற்றுவதற்கு எல்லப்பனின் மனைவி அங்கயர்கண்ணி முயன்றார். அப்போது அந்தச் சொத்துகள் தேன்மொழி பெயரில் மாற்றப்பட்டிருந்ததைக் கண்டு அதிர்ச்சியடைந்தார்” என்று சொன்னார்கள்.   

ஒட்டுமொத்த விகடனுக்கும் ஒரே ஷார்ட்கட்!

காஞ்சிபுரம் கிறுகிறு - கொலை வழக்கு... - தலைமறைவு ரவுடி...

காவல்துறை வட்டாரத்தில் கேட்டபோது, “தேன்மொழியை விசாரித்தபோது, எல்லப்பன் கொலை செய்யப்பட்டது தெரியவந்தது. அ.தி.மு.க முன்னாள் ஒன்றியக் கவுன்சிலர் செல்லப்பன், வெங்கடகிரி, ஏழுமலை மற்றும் சேகர் ஆகியோருக்கு இந்தக் கொலையில் தொடர்பு இருப்பதும் தெரிந்தது. எல்லப்பனைக் குருவிமலைப் பகுதிக்குக் கடத்திச் சென்று கொலை செய்து, பாலாற்றில் புதைத்துவிட்டதாகச் சொன்னார்கள். வேலூர் மற்றும் காஞ்சிபுரத்தில் உள்ள பல கோடி ரூபாய் மதிப்புள்ள வெங்கடாச்சலத்தின் ஐந்து வீடுகளை, தேன்மொழியின் பெயருக்கு அவர் உயில் எழுதிய மாதிரி செட்டப் செய்ததும், இதில் மதியழகன் என்ற வழக்கறிஞர் மூளையாகச் செயல்பட்டதும் தெரிய வந்தது” என்றனர்.

காஞ்சிபுரத்தைச் சேர்ந்த பிரபல ரௌடி ஸ்ரீதர், தற்போது துபாயில் உள்ளார். அவர் இந்த விவரங்களைத் தெரிந்துகொண்டு, தன் ஆட்களின் மூலமாகத் தேன்மொழியை மிரட்டியுள்ளார். மிரட்டலுக்குப் பயந்த தேன்மொழி, அந்தச் சொத்துக்களை ஸ்ரீதர் ஆட்களின் பெயருக்கு மாற்றிக்கொடுத்துள்ளார். ‘‘வழக்கறிஞர் மதியழகனுக்கு ரௌடி ஸ்ரீதருடன் நெருங்கிய தொடர்பு உண்டு. பிரச்னைக்குரிய சொத்துக்கள் எவை எவை என்பதைக் கண்டறிந்து, அவற்றின் உரிமையாளர்களை மிரட்டி, அந்தச் சொத்துக்களை ஸ்ரீதருக்கு வாங்கிக்கொடுப்பது உள்ளிட்ட வேலைகளை மதியழகன் முடித்துக் கொடுப்பார். ஆரம்பத்தில், குடியரசுக் கட்சி உட்பட சில கட்சிகளில் இருந்த மதியழகன், தங்கபாலுவின் ஆசியுடன் காங்கிரஸ் கட்சியில் இணைந்தார்” என்கிறார்கள் போலீஸ் தரப்பில்.      

காஞ்சிபுரம் கிறுகிறு - கொலை வழக்கு... - தலைமறைவு ரவுடி...

இதுபற்றிக் காவல் துறையின் துணைக் கண்காணிப்பாளர் ஸ்ரீநாத்திடம் பேசினோம். “எல்லப்பன் கொலையில் தொடர்புடைய மதியழகன், ஸ்ரீதர் ஆகியோர் தலைமறைவாக இருக்கிறார்கள். ஸ்ரீதரை தேடப்படும் குற்றவாளியாக அறிவித்திருக்கிறோம். மத்திய அமலாக்கத் துறை மூலமாக, ஸ்ரீதரின் சொத்துகளை முடக்கியிருக்கிறோம். இது சீக்ரெட் ஆபரேஷன் என்பதால், அடுத்து என்ன நடவடிக்கை எடுக்கப்போகிறோம் என்பதை வெளிப்படையாகச் சொல்லமுடியாது. விரைவில் குற்றவாளிகளைப் பிடிப்போம்” என்றார் உறுதியான குரலில்.

‘தலைமறைவாக இருக்கிறார்’ என போலீஸ் சொல்லும் மதியழகன், கடந்த வாரம் காங்கிரஸ் கட்சியின் காஞ்சிபுரம் மேற்கு மாவட்டத் தலைவராக நியமிக்கப்பட்டிருக்கிறார். மதியழகனிடம் பேசினோம். “தேன்மொழி கொடுத்த வாக்குமூலத்தில், என்னைச் சந்தித்துப் பேசியதாக சொல்லி இருக்கிறார். வழக்கறிஞர் என்ற முறையில் சிவில் வழக்கு ஒன்றுக்காக தேன்மொழி என்னைச் சந்தித்தாரே தவிர எனக்கும் அந்தக் கொலைக்கும் சம்மந்தமில்லை. தலைமறைவாக இருக்கிறேன் என போலீஸ் சொல்வதெல்லாம் உண்மை யில்லை. நான் காஞ்சிபுரத்தில்தான் இருக்கிறேன். ஸ்ரீதரை நான் இதுவரை நேரில் சந்தித்தது இல்லை. ஸ்ரீதர் பெயரில் நிலம் வாங்குவதற்கு எந்த உதவியும் செய்யவில்லை. எங்கள் கட்சியில் சிலர் என்னைப்பற்றித் தவறாகச் சொல்லிப் பிரச்னையைக் கிளப்பி விடுகிறார்கள். இதனால் முன் ஜாமீன் கேட்டு மனு செய்திருக் கிறேன்” என்றார் அதிரடியாக.

- பா.ஜெயவேல்   

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism