மோடியின் ஆட்சிக்கு உங்கள் மதிப்பெண் என்ன?

பி ரதமர் மோடியின் தலைமையில் பா.ஜ.க-வின் நான்கு ஆண்டு ஆட்சிக் காலம் முடிந்திருக்கிறது. இந்த நான்கு ஆண்டு களுக்கு நீங்கள் தரும் மதிப்பெண் என்ன என்று நாணயம் டிவிட்டரில் ( https://twitter.com/NaanayamVikatan ) ஒரு சர்வே நடத்தினோம்.

. இந்த சர்வேயில் கலந்துகொண்டவர்களில் 9% பேர், 61-க்கு மேல் மதிப்பெண் அளித்திருக்கிறார்கள். இதேபோல, 40-60 மதிப்பெண்களை 11% பேர் மட்டுமே அளித்திருக்கிறார்கள். மோடியின் நான்கு ஆண்டு கால ஆட்சியில் பல நல்ல விஷயங்கள் நடந்திருக்கிறது என்று நினைப்பவர்கள் மிகக் குறைந்த அளவில் இருப்பதையே இது காட்டுகிறது.

. ஆனால், 35 -க்கும்கீழ் மதிப்பெண் தந்தவர்களே மிக அதிகமாக அதாவது, 80% என்கிற அளவில் இருக்கிறது. பணமதிப்பு இழப்பு, ஜி.எஸ்.டி-யை நடைமுறைப்படுத்தியது என மத்திய அரசு எடுத்த பொருளாதார சீர்திருத்த நடவடிக்கைகள் எல்லாம் தங்களைப் பாதிக்கும் வகையில் இருப்பதாகச் சாதாரண மக்கள் நினைப்பதால்தான், அதிகமானவர்கள் குறைந்த மதிப்பெண்களையே தந்திருக்கிறார்கள்.

. தற்போது நிலவும் மனநிலையே மக்களிடம் அடுத்த ஓராண்டு காலத்துக்குப்பின்னும் நிலவினால், தமிழகத்தில் பா.ஜ.க பெறும் வாக்குகளின் எண்ணிக்கை குறைய வாய்ப்பு உண்டு!

- ஏ.ஆர்.கே.

மோடியின் ஆட்சிக்கு உங்கள் மதிப்பெண் என்ன?

எ.ஆர்.குமார்