Published:Updated:

மத்திய அமைச்சரைக் கீழே தள்ளி அறைந்த வாலிபர்! -தர்ம அடி கொடுத்த கட்சியினர்

மத்திய அமைச்சரைக் கீழே தள்ளி அறைந்த வாலிபர்! -தர்ம அடி கொடுத்த கட்சியினர்
மத்திய அமைச்சரைக் கீழே தள்ளி அறைந்த வாலிபர்! -தர்ம அடி கொடுத்த கட்சியினர்

மகாராஷ்ட்ராவில் மத்திய அமைச்சரை ஒரு வாலிபர் கன்னத்தில் அறைந்த சம்பவம் பெரும் பரபரப்பை ஏற்படுத்தியுள்ளது. 

மத்திய அமைச்சரைக் கீழே தள்ளி அறைந்த வாலிபர்! -தர்ம அடி கொடுத்த கட்சியினர்

இந்திய குடியரசு கட்சியின் தலைவராகவும், மத்திய சமூக நீதி மற்றும் அதிகாரமளித்தல் துறையின் அமைச்சராகவும் இருப்பவர் ராமதால் அதவாலே.இவர் நேற்று மகாராஷ்ட்ரா மாநிலம் தானேவில் உள்ள அம்பேர்நாத் என்ற பகுதியில் நடந்த நிகழ்ச்சி ஒன்றில் கலந்துகொண்டர். 

நிகழ்ச்சி முடிந்த பிறகு காரில் ஏறுவதற்காக வெளியே வந்த அவர் முன், குடியரசு கட்சியின் கொடியுடன் வந்த வாலிபர் ஒருவர் அமைச்சருடன் புகைப்படம் எடுக்க விரும்பிக் கேட்டுள்ளார். அமைச்சருக்கும் அதற்கு ஒப்புதல் அளித்துள்ளார். அடுத்த சில நிமிடங்களில் அந்த வாலிபர் அமைச்சர் ராமதாஸை கீழே தள்ளி அவரின் கன்னத்தில் பலமான அறைந்துள்ளார். இதைக் கண்டு அருகில் இருந்தவர்கள் ஒரு நிமிடம் திகைத்தனர். 

மத்திய அமைச்சரைக் கீழே தள்ளி அறைந்த வாலிபர்! -தர்ம அடி கொடுத்த கட்சியினர்

பிறகு குடியரசு கட்சியினர் அந்த வாலிபரைப் பிடித்து தர்ம அடி கொடுத்துள்ளனர். அமைச்சரின் பாதுகாவலர்களும் தங்கள் பங்குக்கு அடித்து போலீஸில் ஒப்படைத்தனர். அதன் பிறகு நடந்த விசாரணையில் இளைஞர் பெயர் பிரவின் கோசாவி என்பதும் அவரும் குடியரசு கட்சியைச் சேர்ந்தவர் எனவும் தெரியவந்துள்ளது. இருப்பினும் பிரவின் எதற்காக அமைச்சரைத் தாக்கினார் என்பது தொடர்பாக விசாரணை நடைபெற்று வருகிறது. 

மத்திய அமைச்சரைக் கீழே தள்ளி அறைந்த வாலிபர்! -தர்ம அடி கொடுத்த கட்சியினர்

அமைச்சர் தாக்கப்பட்டது திட்டமிட்ட செயல் எனக் குடியரசு கட்சியின் மூத்த தலைவர்கள் தெரிவித்துள்ளனர். இந்நிலையில் இன்று காலை செய்தியாளர்களைச் சந்தித்த அமைச்சர் ராமதாஸ் அதவாலே, “ நான் ஒரு பிரபலமான தலைவர். அந்த இளைஞருக்கு எதன் மீதோ கோபம் உள்ளது அதனாலேயே இப்படிச் செய்துள்ளார். நேற்றைய நிகழ்ச்சியின் போது பாதுகாப்பு பணிகளும் சரியாக இல்லை. இந்தச் சம்பவம் தொடர்பாக மகாராஸ்ட்ரா முதல்வரை நான் சந்திக்கவுள்ளேன். இது தொடர்பாக விசாரணை நடத்த வேண்டும்” எனப் பேசியுள்ளார்.