Published:Updated:

கருணாநிதி இல்லாத கோபாலபுரம்!

கருணாநிதி இல்லாத கோபாலபுரம்!
பிரீமியம் ஸ்டோரி
கருணாநிதி இல்லாத கோபாலபுரம்!

கருணாநிதி இல்லாத கோபாலபுரம்!

கருணாநிதி இல்லாத கோபாலபுரம்!

கருணாநிதி இல்லாத கோபாலபுரம்!

Published:Updated:
கருணாநிதி இல்லாத கோபாலபுரம்!
பிரீமியம் ஸ்டோரி
கருணாநிதி இல்லாத கோபாலபுரம்!

ருணாநிதி இல்லாத 100 நாள்களைக் கடந்திருக்கிறது தமிழ்நாடு. அரை நூற்றாண்டுக்கும் மேல் அரசியல் பரபரப்போடு இருந்த கோபாலபுரம் 4-வது தெரு, 15-ம் எண் வீடு, இப்போது எப்படி யிருக்கிறது? விடைதேடிப் புறப்பட்டபோது வித்தியாசமான தகவல் ஒன்று கிடைத்தது.  

கருணாநிதி இல்லாத கோபாலபுரம்!

“கருணாநிதி இறந்ததற்குப் பிறகு கோபாலபுரம் வீட்டில் மின்சாரப் பயன்பாடே குறைந்து விட்டது’’ என ஷாக் தகவலைச் சொன்னார்கள் மின்சார வாரிய அதிகாரிகள். 

கோபாலபுரம் வீட்டுக்கு கருணாநிதி பெயரில் மூன்று மின் இணைப்புகள் வழங்கப் பட்டிருக்கின்றன. 2016 பிப்ரவரி முதல் 2018 அக்டோபர் வரையிலான கருணாநிதி வீட்டு மின்சாரப் பயன்பாடு தொடர்பான ஆவணங்கள் விகடனுக்கு பிரத்யேகமாகக் கிடைத்தன. இதை ஆய்வு செய்தபோதுதான் கருணாநிதி வீட்டின் மின் கட்டணம் கணிசமாகக் குறைந்த விஷயம் தெரியவந்தது. மூன்று மீட்டர்களை ஒவ்வொன்றாகப் பார்ப்போம். 

முதல் மின் இணைப்பு

2016 பிப்ரவரி முதல் 2018 அக்டோபர் வரையிலான காலகட்டத்தில் மொத்தமாக முதல் மின் இணைப்புக்குச் செலுத்தப்பட்ட கட்டணம் 1,58,842 ரூபாய். இந்தக் காலகட்டத்தில் 2016 ஆகஸ்ட், செப்டம்பர் (மின் கணக்கீடு குறிக்கப்பட்ட நாள் 13.10.2016) மாதங்களில்தான் மிக அதிகபட்சமாக 2,110 யூனிட் மின்சாரம் பயன்படுத்தப்பட்டுள்ளது. இதற்காக 12,406 ரூபாய் கட்டணம் செலுத்தப்பட்டுள்ளது.

மிகக் குறைந்தபட்சமாக 2018 ஆகஸ்ட், செப்டம்பர் (மின் கணக்கீடு குறிக்கப்பட்ட தேதி 11.10.2018) காலகட்டத்தில் 1,270 யூனிட் மின்சாரம் பயன்படுத்தப்பட்டு, அதற்கு 6,862 ரூபாய் கட்டணம் செலுத்தப்பட்டிருக்கிறது.

கருணாநிதி உயிருடன் இருந்தபோது 2018 பிப்ரவரியில் எடுத்த ரீடிங்கில் 10,294 ரூபாயும் அதன்பிறகு ஏப்ரல், ஜூன் மாதங்களில் எடுக்கப்பட்ட ரீடிங்கில் முறையே 9,964, 10,228 ரூபாயும் கட்டணமாகச் செலுத்தியிருக்கிறார்கள். ஆகஸ்ட் 7-ம் தேதி கருணாநிதி இறந்தார். அதன்பிறகு ஆறு நாள்கள் கழித்து 14-ம் தேதி அன்றுதான் ரீடிங் எடுக்கப்பட்டுள்ளது. அதில் 11,614 ரூபாய் கட்டணமாக வந்துள்ளது. அதாவது கருணாநிதி இறக்கும் காலம் வரையில் மின்சாரப் பயன்பாடு அதிகமாக இருந்திருக்கிறது. 

ஒட்டுமொத்த விகடனுக்கும் ஒரே ஷார்ட்கட்!

கருணாநிதி இல்லாத கோபாலபுரம்!

கருணாநிதி இல்லாத கோபாலபுரத்தில் அதன்பிறகு அக்டோபரில் எடுக்கப்பட்ட ரீடிங்கில் மின் கட்டணம் 6,862 ரூபாயாகக் குறைந்துவிட்டது. கருணாநிதி உயிருடன் இல்லாத காலத்தில் மின் பயன்பாடு பெருமளவில் குறைந்திருக்கிறது. ‘கோடைக்காலத்தில் மின் பயன்பாடு அதிகரிப்பதும் மழைக்காலத்தில் குறைவதும் வாடிக்கைதானே’ என்கிற வாதத்தையும் கணக்கில் எடுத்து  அலசினோம். இந்த ஆண்டு அக்டோபரில் எடுக்கப்பட்ட ரீடிங்கில் வந்த தொகை 6,862 ரூபாய். கடந்த ஆண்டு இதே அக்டோபரில் வந்த தொகை 8,908 ரூபாய். அதற்கு முந்தைய ஆண்டான 2016 அக்டோபரில் செலுத்தப்பட்ட தொகை 12,406 ரூபாய். அதாவது கருணாநிதி உயிருடன் இருந்தபோது அக்டோபர் மாதங்களில் மின் கட்டணம் அதிகரித்திருந்தது. அவர் இறந்தபிறகு இந்த அக்டோபரில் குறைந்துவிட்டது. 

இரண்டாவது மின் இணைப்பு

அடுத்து இரண்டாவது மீட்டரின் நிலை என்ன? கருணாநிதி உயிருடன் இருந்தபோது இந்த இரண்டாவது மீட்டருக்கு 2018 பிப்ரவரியில் எடுத்த ரீடிங்கில் 18,478 ரூபாயும் அதன்பிறகு ஏப்ரல், ஜூன் மாத ரீடிங்கில் முறையே 31,744, 55,570 ரூபாயும் கட்டணம் வந்திருக்கிறது. கருணாநிதி இறந்த பிறகு ஆகஸ்ட் 14-ம் தேதி அன்று எடுக்கப்பட்ட ரீடிங்கில் 40,984 ரூபாய் கட்டணம் வந்துள்ளது. அதன்பிறகு கருணாநிதி இல்லாத அக்டோபரில் எடுக்கப்பட்ட கணக்கீட்டில் தொகை 19,798 ரூபாயாகக் குறைந்துவிட்டது. இதே காலகட்டத்தில் கடந்த ஆண்டு அக்டோபரில் வந்த தொகை 47,320 ரூபாய். அதற்கு முந்தைய ஆண்டான 2016 அக்டோபரில் செலுத்தப்பட்ட கட்டணம் 47,254 ரூபாய்.

மூன்றாவது மின் இணைப்பு

மூன்றாவது மீட்டரின் நிலையும் இதேதான். 2016 பிப்ரவரி முதல் 2018 அக்டோபர் வரையிலான காலகட்டத்தில் மொத்தமாக மூன்றாவது மீட்டருக்கு வந்த கட்டணம் 1,13,971 ரூபாய் என்றபோதும் செலுத்தப்பட்ட கட்டணம் 1,37,747 ரூபாய். டெபாசிட்டுக்காக இந்தத் தொகை உயர்ந்திருக்கலாம்.

கருணாநிதி உயிருடன் இருந்தபோது இந்த மூன்றாவது மீட்டருக்கு 2018 பிப்ரவரியில் எடுத்த ரீடிங்கில் 1,978 ரூபாய் கட்டணமும் ஏப்ரல் ரீடிங்கில், 5,014 ரூபாயும் ஜூன் ரீடிங்கில்  7,654 ரூபாய் கட்டணமும் வந்திருக்கிறது. கருணாநிதி இறந்தபின் ஆகஸ்ட் 14-ம் தேதி அன்று எடுக்கப்பட்ட ரீடிங்கில் 6,202 ரூபாய் கட்டணம் வந்துள்ளது. அதன்பிறகு அக்டோபரில் எடுக்கப்பட்ட கணக்கீட்டில் தொகை 920 ரூபாயாகக் குறைந்துவிட்டது.

‘`கோபாலபுரத்தின் பெரும்பாலான அறைகளில் ஏசி வசதி செய்யப்பட்டுள்ளது. கருணாநிதி அறைக்குச் செல்ல லிஃப்ட் வசதி உண்டு. கருணாநிதி இருந்தபோது அவரைத் தேடி நிறைய பேர் வந்து போனார்கள். இப்போது யாரும் வருவதில்லை என்பதால் லிஃப்ட் பயன்பாடு குறைந்திருக்கலாம். வாசிங் மிஷின், டிவி, பிரிட்ஜ், வாக்யூம் கிளீனர், கம்ப்யூட்டர், சிம்னி என நிறைய மின்சாதனப் பொருள்கள் கோபாலபுரம் வீட்டில் பயன்படுத்தப்படுகின்றன. கருணாநிதி முதல்வராகவும் எதிர்க்கட்சித் தலைவராகவும் இருந்த நேரத்தில் கோபாலபுரம் பிஸியாகவே இருக்கும். அதனால் மின் சாதனங்களின் தேவையும் அதிகமாக இருந்தது. கருணாநிதி இறந்த பிறகு லிஃப்ட் மற்றும் மின் சாதனங்களின் பயன்பாடு குறைந்ததால் மின் கட்டணம் குறைந்திருக்கலாம்’’ என்கிறார்கள் மின் வாரிய அதிகாரிகள்.

``கருணாநிதி இல்லாத கோபாலபுரம் எப்படி இருக்கிறது?’’ கருணாநிதியிடம் செயலாளராக இருந்த சண்முகநாதனிடம் கேட்டோம். ‘`நூறு நாள்களும் வெறுமையோடுதான் கடந்தன. எப்போதும்போல காலையில் கோபாலபுரம் வந்துவிட்டு மாலையில் திரும்பிவிடுகிறேன். தலைவர் இல்லாத வீட்டில் இருப்பதே கஷ்டமாகத்தான் இருக்கிறது. தளபதி அடிக்கடி வந்து செல்வது ஆறுதல் அளிக்கிறது. இங்கே வருகிற தொண்டர்கள் தலைவரின் படத்துக்கு மலர் தூவி அஞ்சலி செலுத்திவிட்டுப் போகிறார்கள்’’ என்றார்.

‘`கருணாநிதி இருந்த அறை அப்படியேதான் இருக்கிறது. கருணாநிதி உடல்நலம் குன்றியிருந்த நேரத்தில் அந்த அறையில் செய்யப்பட்டிருந்த மருத்துவ வசதிகள் மற்றும் கருவிகள் அப்புறப்படுத்தப்பட்டுவிட்டன. கருணாநிதியின் ரத்த பந்தங்களும் உறவினர்களும் வழக்கம்போல வந்து செல்கிறார்கள். தளபதி இங்கே வந்து ஆலோசனைகள் நடத்துவார். தலைவரின் அறைக்குப் பிள்ளைகளும் பேரன்களும் மருமகள்களும் வந்து செல்வார்கள். தலைவரின் மகள் செல்வி அம்மா வந்து, தயாளு அம்மாவை வந்து பார்த்துக்கொள்வார். இரவில் தங்குவார். அதிகாரிகள், போலீஸ் அதிகாரிகள் யாரும் இப்போது இல்லை. கருணாநிதியின் உதவியாளர் நித்யா அடிக்கடி வந்து செல்வார்’’ என்கிறார்கள் கோபாலபுரத்துக்கு நெருக்கமானவர்கள்.

எஸ்.ஏ.எம். பரக்கத் அலி - படங்கள்: சு.குமரேசன் 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism