Published:Updated:

விகடன் லென்ஸ் - காவிரிக் கட்டணம் 41 கோடி!

விகடன் லென்ஸ் - காவிரிக் கட்டணம் 41 கோடி!
பிரீமியம் ஸ்டோரி
விகடன் லென்ஸ் - காவிரிக் கட்டணம் 41 கோடி!

ஓவியம்: கார்த்திகேயன் மேடி

விகடன் லென்ஸ் - காவிரிக் கட்டணம் 41 கோடி!

ஓவியம்: கார்த்திகேயன் மேடி

Published:Updated:
விகடன் லென்ஸ் - காவிரிக் கட்டணம் 41 கோடி!
பிரீமியம் ஸ்டோரி
விகடன் லென்ஸ் - காவிரிக் கட்டணம் 41 கோடி!

காவிரித் தண்ணீருக்காகத் தமிழகம் கண்ணீர் வடித்த சட்டப்போராட்ட சரித்திரம் கால் நூற்றாண்டுக்கும் மேலானது. நடுவர்மன்றத்தில் தொடங்கிய ஓட்டம் இப்போது மேலாண்மை ஆணையத்தில் வந்து நிற்கிறது. ‘காவிரி வழக்கில் இனி யாரும் 15 வருடங்களுக்கு மேல்முறையீடு செய்ய முடியாது’ என இறுதித் தீர்ப்பில் சொல்லிவிட்டது உச்ச நீதிமன்றம். அப்பாடா... என நிம்மதியாக இழுத்த மூச்சுகூடத் திரும்பிவரவில்லை, அதற்குள் காவிரியின் குறுக்கே மேக்கேதாட்டுவில் அணை கட்டக் களமிறங்கிவிட்டது கர்நாடகா. மீண்டும் நீதிமன்றம்... மீண்டும் வழக்குகள் எனக் காவிரிக்கான சட்டப் போராட்டம் மீண்டும் தொடங்கிவிட்டது. 

விகடன் லென்ஸ் - காவிரிக் கட்டணம் 41 கோடி!

இப்படி, கடந்த 28 ஆண்டுகளாக காவிரிக்காக நீதிமன்றத்தில் நாம் நடத்திய சட்டப் போராட்டத்துக்குக் கொடுத்த விலை என்ன தெரியுமா... 41.85 கோடி ரூபாய்!

1991 முதல் தற்போது வரையில் காவிரி வழக்கு தொடர்பாக முப்பதுக்கும் மேற்பட்ட வழக்கறிஞர்கள் தமிழக அரசின் சார்பில் உச்ச நீதிமன்றத்தில் ஆஜராகியிருக்கிறார்கள். இவர்களுக்குக் குறைந்த பட்சம் 3,450 ரூபாய் முதல் அதிகபட்சம் 9.74 கோடி ரூபாய் வரையில் வழக்கறிஞர் கட்டணமாகத் தரப்பட்டிருக்கிறது.  

இதுபற்றிய ஒரு தகவல் தொகுப்பு.

ஒட்டுமொத்த விகடனுக்கும் ஒரே ஷார்ட்கட்!

* காவிரிக்காகத் தமிழகத்தின் சார்பில் ஆஜரான வழக்கறிஞர்களிலேயே குறைந்த கட்டணம் வாங்கியவர் ஆர்.அய்யம்பெருமாள்தான். இவர் வாங்கிய கட்டணம் 3,450 ரூபாய். இவர் ஒரே ஒரு ஆண்டுதான் பணியாற்றியபோதும், இது ஆண்டு முழுமைக்குமான கட்டணம் அல்ல.   வாய்தாக்களைப் பொறுத்துக் கட்டணம் நிர்ணயிக்கப்படும். இவரைப்போலவே ஓர் ஆண்டு (1991) மட்டுமே பணியாற்றிய எம்.எஸ்.கணேஷுக்குக் கிடைத்த கட்டணம் 29 லட்ச ரூபாய்.

* மத்திய அரசின் தலைமை வழக்கறிஞராக இருக்கும் கே.கே.வேணுகோபால், காவிரி வழக்குக்காக முன்பு ஆஜராகியிருக்கிறார். ஜெயலலிதா ஆட்சிக்காலமான 2002-ம் ஆண்டு 23,65,000 ரூபாயும் 2003-ல் 11,75,000 ரூபாயும்  2004-ல் 3,60,000 ரூபாயும் என மொத்தமாக மூன்று ஆண்டுகளில் இவர் வாங்கிய கட்டணம் 39 லட்ச ரூபாய்.

விகடன் லென்ஸ் - காவிரிக் கட்டணம் 41 கோடி!



* ஜெயலலிதா ஆட்சியில் வாதாடிய டெல்லி சீனியர் வழக்கறிஞர் வினோத் அரவிந்த் பாப்டேவுக்கு 2014-ம் ஆண்டில் 30,50,000 ரூபாயும் 2015-ல் 2,25,000 ரூபாயும் 2016-ல் 7,50,000 ரூபாயும் என மொத்தமாக மூன்று ஆண்டுகளில் 40.25 லட்சம்  ரூபாய் கட்டணமாகத் தந்திருக்கிறார்கள்.

* அரசு முன்னாள் கூடுதல் தலைமை வழக்கறிஞராகப் பணியாற்றிய ஆர்.முத்துகுமாரசாமி, 1994, 1996, 2002, 2003, 2004, 2005, 2006 ஆகிய 7 ஆண்டுகள் காவிரி வழக்குக்காகப் பணியாற்றியிருக்கிறார். இதற்காக இவர் வாங்கிய மொத்தக் கட்டணம் 1.13 கோடி ரூபாய்.

* மூத்த வழக்கறிஞர் கே.பராசரன், 1991 முதல் 1996 வரையிலான ஜெயலலிதா ஆட்சியிலும் அதன்பிறகு கருணாநிதி ஆட்சியில் 1998, 1999, 2000 ஆண்டுகளிலும் மீண்டும் கருணாநிதியின் ஆட்சியில் 2006 முதல் 2010 வரையிலும் என 14 ஆண்டுகள் பணியாற்றியிருக்கிறார். இதற்காக 1.54 கோடி  ரூபாய் கட்டணமாகப்  பெற்றிருக்கிறார்.

* மூத்த வழக்கறிஞர் வி.கிருஷ்ணமூர்த்தி மொத்தம் 11 ஆண்டுகள் ஆஜராகியிருக்கிறார். ஜெயலலிதாவின் 1991-1996 ஆட்சியில் ஓராண்டும் அடுத்து வந்த தி.மு.க. ஆட்சியில் (1996 - 2001) நான்கு ஆண்டுகளும் அதன்பிறகு 2006 -2011 தி.மு.க. ஆட்சியில் ஆறு ஆண்டுகளும் என 11 ஆண்டுகள் ஆஜராகியிருக்கிறார். இதற்காக இவர் பெற்ற கட்டணம் 1.72 கோடி ரூபாய்.

* மூத்த வழக்கறிஞர் ராகேஷ் திவேதி 2014, 2015, 2017, 2018 ஆகிய நான்கு ஆண்டுகள் பணியாற்றியதற்காக 3.29 கோடி ரூபாயை அவருக்குக் கட்டணமாகத் தந்திருக்கிறார்கள்.

* 1992 முதல் 2002 வரையில் 11 ஆண்டுகள் ஆஜரானதற்காக மூத்த வக்கீல் ஏ.கே.கங்குலி பெற்ற கட்டணம் 4.23 கோடி ரூபாய்.

* அதிக ஆண்டுகள் ஆஜரான வழக்கறிஞர்களில் உமாபதிக்குத்தான் முதலிடம். தி.மு.க., அ.தி.மு.க. இரண்டு ஆட்சிகள் மாறி மாறி வந்தபோதும் அனைத்து ஆண்டுகளிலும் இவர் ஆஜராகியிருக்கிறார். 27 ஆண்டுகள் காவிரிக்காகப் பங்காற்றியதற்காக இவர் பெற்ற கட்டணம் 5.29 கோடி ரூபாய். அதிக ஆண்டுகள் ஆஜரானதால் இவர்தான் அதிக கட்டணம் வாங்கியிருப்பார் என நினைக்க வேண்டாம். இவரைவிட அதிக கட்டணம் வாங்கியவர்கள் இருக்கிறார்கள். அவர்கள் சேகர் நாப்டேவும் சி.எஸ்.வைத்தியநாதனும்.

* சேகர் நாப்டே 2017, 2018 ஆகிய இரண்டு ஆண்டில் மட்டும்தான் ஆஜரானார். அதற்காக 6.59 கோடி ரூபாய் கட்டணம் பெற்றிருக்கிறார். அதிக கட்டணம் வாங்கியவர்களில் இவருக்கு இரண்டாவது இடம்.

*
முதலிடத்தில் சி.எஸ்.வைத்தியநாதன் இருக்கிறார் 1991 முதல் 1998 வரையிலும் 2002 முதல் 2006 வரையிலும் 2013, 2014 என 15 ஆண்டுகள் வாதாடியதற்காக இவர் வாங்கிய கட்டணம் 9.74  கோடி ரூபாய்.

இப்படி 1991-ம் ஆண்டிலிருந்து 2018 வரையில் 28 ஆண்டுகளாகக் காவிரி வழக்குக்காகச் செலவிடப்பட்ட கரன்சி 41,85,18,394 ரூபாய். கோடிகளில் வழக்கறிஞர்க ளுக்குக் கட்டணம் தருவது ஏன்? சீனியர் வழக்கறிஞர்கள் சிலரிடம் பேசினோம். 

விகடன் லென்ஸ் - காவிரிக் கட்டணம் 41 கோடி!

‘`சீனியர் வழக்கறிஞர்களுக்கு எனத் தனியாக Fee Structure உண்டு. அதன் அடிப்படையில்தான் கட்டணம் நிர்ணயம் செய்திருப்பார்கள். அதனால்தான் இவ்வளவு பெரிய தொகை கட்டணமாகத் தரப்பட்டிருக்கிறது’’ என்றவர்கள், அந்த Fee Structure பற்றியும் விவரித்தார்கள்.  

Study Fees:
பெரிய வழக்கறிஞர்கள் உடனே வழக்குகளை எடுத்துக்கொள்ள மாட்டார்கள். கேஸை ஸ்டடி செய்வதற்காக கேஸ் கட்டுகளில் நுழைந்து பார்ப்பார்கள். இப்படி கேஸ் கட்டுகளைப் புரட்டிப் பார்த்து, படிப்பதற்காக இந்தக் கட்டணம் வாங்கப்படும். 50 ஆயிரம் ரூபாயிலிருந்து 5 லட்சம் ரூபாய் வரையில் வழக்கறிஞர்களின் தகுதிக்கேற்ப கட்டணம்  மாறுபடும்.

Conference Fees : வழக்கறிஞர்களும் வழக்கு நடத்துகிறவர்களும் எனக் குறைந்தது 5 பேர் மீட்டிங்கில் பங்கேற்பார்கள். வழக்கை நடத்துவது தொடர்பாக அந்த கான்ஃபரன்ஸ் மீட்டிங் பேசப்படும்.  இந்தக் கூட்டம் பெரிய நட்சத்திர ஹோட்டல்களில் நடைபெறும். ஒரு மணி நேரத்துக்கு ஐந்து லட்சம் ரூபாய் வரையில் கட்டணம் வாங்கப்படும்.

Argument Fees :
ஒரு நாளைக்கு 40 லட்சம் ரூபாய் வரையில் கட்டணம் வாங்கும் சீனியர் வழக்கறிஞர்கள் இருக்கிறார்கள்.

Assurance Appearance :
வழக்கில் கட்டாயம்  ஆஜராவதற்காக அளிக்கப்படும் கட்டணம் இது. இதற்கு ஐந்து லட்சம் ரூபாய் வரையில் கட்டணம் தரப்படும்.

மற்ற செலவுகள்:
வழக்கறிஞர்கள் வந்து செல்வதற்காக விமானத்தில் எக்ஸிக்யூட்டிவ் வகுப்பில் டிக்கெட் புக் செய்து தர வேண்டும். சீனியர் வழக்கறிஞர்கள் தங்குவதற்காக ஸ்டார் ஓட்டல்களில் சூட் ஒதுக்கப்படும். அவரின் ஜூனியர்களுக்குத் தனியாக அறைகள் அளிக்க வேண்டும். ஹோட்டலிலிருந்து வந்து செல்வதற்கு நல்ல கார்கள் ஏற்பாடு செய்ய வேண்டும். இவையெல்லாம் தனிச் செலவுகள்.

இவ்வளவு செலவுகளுக்குப் பிறகுதான் காவிரிப் பிரச்னையில் நமக்கு ஓரளவாவது நீதி கிடைத்திருக்கிறது. 

எஸ்.ஏ.எம்.பரக்கத் அலி 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism