Published:Updated:

சொகுசு அறைகள் முதல்... அசைவ உணவு வரை! - மினி நட்சத்திர விடுதியான அப்போலோ

ஒட்டுமொத்த விகடனுக்கும் ஒரே ஷார்ட்கட்

Use App
சொகுசு அறைகள் முதல்... அசைவ உணவு வரை! - மினி நட்சத்திர விடுதியான அப்போலோ
சொகுசு அறைகள் முதல்... அசைவ உணவு வரை! - மினி நட்சத்திர விடுதியான அப்போலோ

சொகுசு அறைகள் முதல்... அசைவ உணவு வரை! - மினி நட்சத்திர விடுதியான அப்போலோ

பிரீமியம் ஸ்டோரி

சைவச் சாப்பாடு, 20 அறைகள் என கிரீம்ஸ் ரோடு அப்போலோ மருத்துவமனை ஒரு நட்சத்திர விடுதியாகவே இரண்டு மாதங்களுக்கு மேல் செயல்பட்டதாக ஆறுமுகசாமி ஆணைய விசாரணையில் தெரியவந்துள்ளது.

சொகுசு அறைகள் முதல்... அசைவ உணவு வரை! - மினி நட்சத்திர விடுதியான அப்போலோ

மறைந்த முன்னாள் முதல்வர் ஜெயலலிதா அப்போலோ மருத்துவமனையில் அனுமதிக்கப் பட்டிருந்தபோது, செலவான விவரங்கள் அடங்கிய ஆவணம் வெளியாகிப் பெரும் பரபரப்பை ஏற்படுத்தியது. அந்த ஆவணங்கள் வெளியானதைக் கண்டு அப்போலோ நிர்வாகம் அப்செட் ஆகிவிட்டது. இதுகுறித்து எழுத்து பூர்வமாகவே ஆறுமுகசாமி ஆணையத்திடம் புகார் அளித்துள்ளது அப்போலோ நிர்வாகம். அதில், ‘ஜெயலலிதா, மருத்துவமனையில் இருந்ததற்கான செலவுக்கணக்கு ஆவணங்களை ஆறுமுகசாமி ஆணையத்தைத் தவிர வேறு யாரிடமும் நாங்கள் தாக்கல் செய்யவில்லை. இந்த ஆவணங்கள் எப்படி வெளியாகின என்பது குறித்து விசாரணை நடத்த வேண்டும். மருத்துவமனை தரப்பில் தாக்கல் செய்யப்பட்ட வேறு ஆவணங்கள் இதுபோன்று வெளியாகாமல் பாதுகாக்க வேண்டும்’ என்று சொல்லியுள்ளார்கள். சாப்பாடு செலவுக்கு என்று ஒரு கோடியே பதினேழு லட்சம் ரூபாயும், அறைக்குச் செலவாக ஒரு கோடியே இருபத்தி நான்கு லட்சம் ரூபாயும் செலவாகி யிருப்பதாக அந்த ஆவணங்களில் உள்ளது.

சொகுசு அறைகள் முதல்... அசைவ உணவு வரை! - மினி நட்சத்திர விடுதியான அப்போலோ

இந்த உணவு செலவு குறித்து ஆணையத்தில் ஆஜரானவர்கள் அளித்த சாட்சியங்களில், ‘75 நாள்களும் அப்போலோ மருத்துவமனையில் பணிபுரிந்த காவலர்கள், மருத்துவ மனையில் இருந்த கட்சிக்காரர்கள், அமைச்சர்கள், அதிகாரிகள், பத்திரிகையாளர்கள் உள்ளிட்டோருக்கும் சேர்த்துச் செய்யப்பட்ட செலவுதான்’ என்று சொல்லியுள்ளார்கள். ஜெயலலிதா உடல் நலிவுற்ற நிலையிலும், அமைச்சர்கள் மற்றும் அதிகாரிகளுக்கு உயர் தர அசைவ உணவு வகைகளைத் தினமும் வெளுத்துக்கட்டினார்கள். தொடர்ந்து ஒரே வகையான உணவு அயிட்டங்களையே சாப்பிட்டதால் சற்றுச் சலிப்பு ஏற்பட, ‘மெனுவை மாற்றுங்கள்’ என்று சில அமைச்சர்கள் அப்போலோ நிர்வாகத்தினரிடம் கேட்டுள்ளனர். முன்னாள் தலைமைச் செயலாளர் ராம மோகன ராவ் அளித்த சாட்சியத்தில், ‘மருத்துவமனையில் இருந்தவர்களுக்குப் பிரியாணி பார்சல்கள் கொண்டுசெல்லப்பட்டன’ என்று குறிப்பிட்டிருந்தார்.

அப்போலோவில் அறைகளுக்குச் செலவிடப்பட்ட தொகை குறித்தும் சர்ச்சை எழுந்துள்ளது. இது குறித்துச் சுகாதாரத் துறைச் செயலாளர் ராதாகிருஷ்ணன் அளித்த சாட்சியத்தில், ‘பத்து அறைகள் அதிகாரிகளுக்கு ஒதுக்கப்பட்டன. வி.ஐ.பி-க்கள் சந்திக்க ஓர் அறை, சுகாதாரத் துறை அமைச்சருக்கு ஓர் அறை ஒதுக்கப்பட்டன’ என்று குறிப்பிட்டிருந்தார்.

சொகுசு அறைகள் முதல்... அசைவ உணவு வரை! - மினி நட்சத்திர விடுதியான அப்போலோ

அதேபோல் சசிகலாவுக்கு ஓர் அறை, இளவரசிக்கு ஓர் அறை, ராஜம்மாள் உள்ளிட்டோர் தங்குவதற்கு ஓர் அறை, ஜெயலலிதா அனுமதிக்கப்பட்ட அறைக்குப் பக்கத்து அறையில் ஜெயலலிதாவின் பொருள்கள் வைப்பதற்கு ஓர் அறை என இருபது அறைகள் பயன்படுத்தப்பட்டதும் இப்போது தெரியவந்துள்ளது. ஆணையத்தில் ஆஜராகிச் சாட்சியம் அளித்த முன்னாள் அமைச்சர் பொன்னையன், ‘நான், 123 பக்க ஆவணங்களைத் தாக்கல் செய்துள்ளேன். அந்த ஆவணங்கள் அனைத்தும் இன்டர்நெட்டில் எடுக்கப்பட்டன. நான் சி.பி.ஐ விசாரணை வேண்டும் என்று சொன்னது, சந்தேகத்தின் அடிப்படையில்தான். ஜெயலலிதாவின் கால் விரல் வெட்டியெடுக்கப் பட்டதாக நான் பேசியது ஊடகங்களில் வந்த செய்திகளின் அடிப்படையில்தான். என்னிடம் அதற்கான எந்த ஆதாரங்களும் இல்லை. ஜெயலலிதாவின் கன்னத்தில் ஆணி வைத்து அடித்ததுபோல உள்ளதென நான் சொன்னதும், சமூகவலைதளங்களில் வந்த செய்திகளின் அடிப்படையில்தான்’ என்று கூறியுள்ளார்.

சொகுசு அறைகள் முதல்... அசைவ உணவு வரை! - மினி நட்சத்திர விடுதியான அப்போலோ

கோடநாடு எஸ்டேட்டின் முன்னாள் பங்குதாரர் பீட்டர் ஜோன்ஸ் அளித்த சாட்சியத்தில், ‘கோடநாடு எஸ்டேட்டை என்னிடமிருந்து உடையார் வாங்கினார். அதன் பின்னணியில் சசிகலா இருந்தார் என்பது என் கணிப்பு. மருத்துவமனையில் ஜெயலலிதா அனுமதிக்கப்பட்ட விவரம், செய்தித்தாள்களின் வாயிலாகவே அறிந்து கொண்டேன்’ என்று சொல்லியுள்ளார்.

எய்ம்ஸ் மருத்துவர், “ஜெயலலிதாவுக்கு 4-ம் தேதி ஏற்பட்ட இதய அடைப்பு, தனக்கு அதிர்ச்சி அளித்ததாக மருத்துவர் கில்லானி என்னிடம் தெரிவித்தார். 3-ம் தேதி ஜெயலலிதாவைப் பார்த்தபோது, அவர் பிசியோதெரபி சிகிச்சை அளிக்கும் நிலையில் இருந்தார். ஆனால், 4-ம் தேதி மாலை அவருக்கு ஹார்ட் அட்டாக் ஏற்பட்ட பிறகு, அவர் இதயத்தைச் செயல்பாட்டுக்குக் கொண்டுவர எக்மோ கருவி பொருத்தப்பட்டது. 5-ம் தேதி, ஜெயலலிதாவுக்கு எக்மோ கருவியை எடுத்த பிறகுதான் மரணம் நிகழ்ந்தது’ என்று தெரிவித்துள்ளார்.
 
சசிகலா தரப்பு வழக்கறிஞர் ராஜாசெந்தூர் பாண்டியன், “ஜெயலலிதா மரணம் குறித்துச் சந்தேகம் எழுப்பியவர்கள் பலரும், சமூகவலைதளங்களில் வந்த செய்திகளை அடிப்படையாக வைத்தே குற்றம் சாட்டியுள்ளனர். அவற்றை நிரூபிக்கும் ஆதாரங்களோ, ஆவணங்களோ அவர்களிடம் இல்லை. அ.தி.மு.க-வின் செய்தித் தொடர்பாளராக இருந்த பொன்னையனே தன்னிடம் ஆதாரங்கள் இல்லை என்றுதான் சாட்சியம் அளித்துள்ளார். அது ஆணையத்தில் பதிவுசெய்யப்பட்டுள்ளது. இப்போது அமைச்சர் திண்டுக்கல் சீனிவாசன், ஜெயலலிதா மரணம் குறித்து பல தகவல்களைப் பேசிவருகிறார். அவரை ஆணையம் விசாரணைக்கு அழைக்க வேண்டும். அவர்கள் அழைக்காவிட்டால், நாங்கள் விசாரிக்க அழைப்போம். அமைச்சராக ஒருவர் இருந்துகொண்டு முன்னுக்குப் பின் முரணான தகவல்களைச் சொன்னால், அவரது பதவி பறிபோகவே சட்டத்தில் இடம் உண்டு” என்கிறார்.

- அ.சையது அபுதாஹிர்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு