Published:Updated:

சிறுதொழில் நிறுவனங்களுக்கு உதவுவது நம் கடமை!

சிறுதொழில் நிறுவனங்களுக்கு உதவுவது நம் கடமை!
பிரீமியம் ஸ்டோரி
சிறுதொழில் நிறுவனங்களுக்கு உதவுவது நம் கடமை!

சிறுதொழில் நிறுவனங்களுக்கு உதவுவது நம் கடமை!

சிறுதொழில் நிறுவனங்களுக்கு உதவுவது நம் கடமை!

சிறுதொழில் நிறுவனங்களுக்கு உதவுவது நம் கடமை!

Published:Updated:
சிறுதொழில் நிறுவனங்களுக்கு உதவுவது நம் கடமை!
பிரீமியம் ஸ்டோரி
சிறுதொழில் நிறுவனங்களுக்கு உதவுவது நம் கடமை!

ஹலோ வாசகர்களே..!

சிறுதொழில் நிறுவனங்களுக்கு உதவுவது நம் கடமை!



சிறுதொழில் நிறுவனங்களுக்கு உதவுவது நம் கடமை!

ரூ.25 கோடிக்குள் இருக்கும் கடனைத் திரும்பச் செலுத்தத் தவறியிருக்கும் சிறு, குறு மற்றும் நடுத்தர நிறுவனங்கள் (MSME) தங்கள் கடனைத் திருத்தி அமைத்துக்கொள்ள ஒரு வாய்ப்பு வழங்கப்படும் என மத்திய ரிசர்வ் வங்கி அறிவித்திருப்பது உண்மையிலேயே வரவேற்கத்தக்க விஷயமாகும். ரிசர்வ் வங்கியின் இந்த நடவடிக்கைமூலம் சிறுதொழில் நிறுவனங்களின் கழுத்தை நெரித்துக்கொண்டிருந்த கயிறு, கொஞ்சம் தளர்ந்திருக்கிறது.

ஆர்.பி.ஐ-யின் இந்த நடவடிக்கை மிகத் தவறானது என்று சிலர் விமர்சனம் செய்திருக்கிறார்கள். பெரிய கார்ப்பரேட் நிறுவனங்கள் வாங்கிய கடனைத் திருத்தியமைத்துக்கொள்ள அனுமதி தருகிறமாதிரி சிறுதொழில் நிறுவனங் களுக்கும் தந்தால், வங்கிகளின் வாராக் கடன் இன்னும் அதிகரித்துவிடும். கடனைத் திரும்பக் கட்டத் தேவையில்லை என்கிற சிந்தனைப் போக்கையே இது உருவாக்கும். எனவே, ஆர்.பி.ஐ இந்த அறிவிப்பைத் திரும்பப் பெற வேண்டும் எனச் சிலர் வாதிட்டிருக்கிறார்கள்.

இந்த விமர்சனம் தேவையற்றது என்பதுடன், சிறுதொழில் நிறுவனங்கள் பற்றி மிகவும் தவறாகப் புரிந்துகொண்டதன் விளைவாக இந்த விமர்சனம் எழுந்துள்ளது என்பதே உண்மை. கார்ப்பரேட் நிறுவனங்கள் பல ஆயிரம் கோடி கடன் திரும்பக் கட்டாமல் இருக்க, 25 கோடி ரூபாயைத் திரும்பக் கட்டத் தவறிய சிறுதொழில் நிறுவனங்களுக்கு மட்டுமே இந்தச் சலுகை தரப்பட்டிருக்கிறது.  இதன்மூலம் 12,000 கோடி ரூபாய்க்கு மட்டுமே கடனைத் திருத்தியமைக்க வேண்டியிருக்கும். இந்தத் தொகை மிக மிகச் சிறிதே.

பல ஆயிரம் கோடி ரூபாய் கடனைத் திரும்பக் கட்டாமல் இருக்கும் கார்ப்பரேட் நிறுவனங்கள், அதிகபட்சம் சில ஆயிரம் பேருக்கு மட்டுமே வேலைவாய்ப்பைத் தரும். ஆனால், சிறுதொழில் நிறுவனங்களோ பல லட்சம் பேருக்கு வேலைவாய்ப்பைத் தருகின்றன. இதனால் லட்சக்கணக்கான குடும்பங்கள் ஓரளவுக்கு நிம்மதியான வாழ்க்கையை வாழமுடிகிறது. சில ஆயிரம் கோடி ரூபாயை மிச்சப்படுத்த, பல லட்சம் குடும்பங்களைத் தவிக்க விடுவது எந்த வகையில் நியாயம்?

நமது நாட்டின் மொத்தப் பொருள் உற்பத்தியில் (GDP) சிறுதொழில் நிறுவனங்களின் பங்கு 30 சதவிகிதத்துக்குமேல் இருக்க, இந்த நிறுவனங்களுக்குத் தரப்பட்ட தொழில் கடன் மொத்தத் தொழில் கடனில் வெறும் 14% மட்டுமே. சிறுதொழில் நிறுவனங்களுக்கு இன்னும் அதிகக் கடன் தரலாம் என்பதைச் சொல்ல இந்த ஒரு புள்ளிவிவரமே போதும்.

மக்கள் தொகை, பரந்துவிரிந்த பரப்பளவு, வளர்ந்துவரும் பொருளாதார நிலை என எந்தக் கோணத்தில் பார்த்தாலும், சிறு தொழில் நிறுவனங்களுக்குக் கூடுதல் கரிசனத்துடன் உதவுவதுதான் சரியான விஷயமாக இருக்கும். சிறு தொழில் நிறுவனங்கள் இந்த வாய்ப்பினைப் பயன்படுத்தி, தொழிலில் முன்னேற்றம் கண்டு, வாங்கிய கடனை மீண்டும் திரும்பத் தர நடவடிக்கை எடுக்கவேண்டும். சிறுதொழில் நிறுவனங்களுக்கு என்றும் உறுதுணையாக இருப்பது நம் கடமை என்பதை மாற்றுக்கருத்தின்றி ஒப்புக்கொள்வோம்!

- ஆசிரியர்

ஒட்டுமொத்த விகடனுக்கும் ஒரே ஷார்ட்கட்!