Published:Updated:

தேர்தல் ஆணையத்தின் கவனத்துக்கு...

தேர்தல் ஆணையத்தின் கவனத்துக்கு...
பிரீமியம் ஸ்டோரி
தேர்தல் ஆணையத்தின் கவனத்துக்கு...

தேர்தல் ஆணையத்தின் கவனத்துக்கு...

தேர்தல் ஆணையத்தின் கவனத்துக்கு...

தேர்தல் ஆணையத்தின் கவனத்துக்கு...

Published:Updated:
தேர்தல் ஆணையத்தின் கவனத்துக்கு...
பிரீமியம் ஸ்டோரி
தேர்தல் ஆணையத்தின் கவனத்துக்கு...

தோ, ஐந்தாண்டுகளுக்கு ஒருமுறை இந்தியக் குடிமக்களுக்குக் கிடைக்கும் வாக்கு என்னும் அற்புதமான

தேர்தல் ஆணையத்தின் கவனத்துக்கு...

ஆயுதம் கிடைக்கப்போகிறது. தமிழகத்தைப் பொறுத்தவரை இது வெறுமனே மத்திய அரசைத் தீர்மானிக்கும் தேர்தல் மட்டுமல்ல, 18 தொகுதிகளுக்கும் நடைபெறப்போகும் இடைத்தேர்தல், மாநில அரசின் நம்பகத்தன்மையையும் எதிர்காலத்தையும் தீர்மானிக்கப்போகிறது.

இத்தகைய வரலாற்று முக்கியத்துவம் வாய்ந்த வாக்குரிமையைப் பணம் கொடுத்து வாங்க நடைபெறும் முயற்சிகளை முறியடிக்க வேண்டிய கடமை தேர்தல் ஆணையத்துக்கு உண்டு. தேர்தல் அறிவிக்கப்பட்ட நாள் முதல் தேர்தல் நடைபெறும் வரை மாவட்ட ஆட்சியாளர்கள் தொடங்கி, காவல்துறைக் கண்காணிப்பாளர்கள்வரை அனைவருமே தேர்தல் ஆணையத்தின் ஆணையை மீறி எந்த ஒரு காரியமும் செய்துவிட முடியாது. சுதந்திரமாகவும் சுயேச்சையாகவும் செயல்பட வேண்டும் என்பதற்காகத்தான் நமது அரசியல் சட்டத்தை வடிவமைத்த பிதாமகர்கள் தேர்தல் ஆணையத்துக்கு அத்தகைய அதிகாரத்தைக் கொடுத்திருக்கிறார்கள்.

ஆனால், கடந்த காலங்களில் நடைபெற்ற பல நிகழ்வுகள் தேர்தல் ஆணையத்தின் செயல்பாடுகள் குறித்துப் பல கேள்விகளை எழுப்பின. உதாரணத்துக்கு, ஆர்.கே. நகரில் நடைபெற்ற தேர்தலின்போது எடப்பாடி பழனிசாமி தொடங்கி விஜயபாஸ்கர் வரை பலர்மீதும் பணப்பட்டுவாடா புகாரை வாசித்தது தேர்தல் ஆணையம். சட்டத்தைக் காற்றில் பறக்கவிட்ட இவர்கள்மீது தேர்தல் ஆணையம் இதுவரை ஏன் எந்த நடவடிக்கையும் எடுக்கவில்லை? மழை, வெயில், புயல் என்று பல காரணங்களைக் காட்டி, பல இடைத்தேர்தல்களைத் தள்ளிப்போட்டுவந்த தேர்தல் ஆணையத்தின் செயல்பாடுகள் அனைத்தும் மாநிலத்தை ஆளுகின்ற கட்சிக்கு சாதகமாகவே அமைந்ததால் தேர்தல் ஆணையத்தின் மீது சந்தேக நிழல் படிந்தது. இப்போதுகூட காலியாக இருக்கும் 21 சட்டமன்றத் தொகுதிகளில் 18 தொகுதிகளுக்குத்தான் தேர்தல் ஆணையம் இடைத்தேர்தலை அறிவித்திருக்கிறது.  ஒட்டப்பிடாரம், திருப்பரங்குன்றம் மற்றும் அரவக்குறிச்சி சட்டப்பேரவைத் தொகுதிகளுக்கான  இடைத்தேர்தலை, நீதிமன்ற வழக்கைக் காரணம் காட்டி அறிவிக்காமல் இருப்பது பலத்த சந்தேகத்தை ஏற்படுத்தியிருக்கிறது.

சித்திரைத் திருவிழா நடக்கவிருப்பதைக்கூடக் கணக்கில் எடுத்துக்கொள்ளாமல் ஏப்ரல் 18-ம் தேதி அன்று தமிழகத்தில் தேர்தலை நடத்தத் தேர்தல் ஆணையம் முடிவெடுத்திருப்பது ஏன் என்ற கேள்வி எழுகிறது. நூறு சதவிகிதம் வாக்குப்பதிவு நடைபெற வேண்டும் என்ற குறிக்கோளோடு செயற்பட வேண்டிய தேர்தல் ஆணையம், வெவ்வேறு ஊர்களில் இருந்தும்கூட மக்கள் மதுரையில் வந்து கூடும் சித்திரைத் திருவிழா நாளன்று தேர்தல் நடத்துவது சரியா என்பதைச் சிந்திக்கவேண்டும். கௌரவம் பார்க்காமல் தேர்தலுக்கான மாற்றுத்தேதியை அறிவிப்பது குறித்துத் தேர்தல் ஆணையம் பரிசீலிக்க வேண்டும்.

ஆட்சியாளர்களை நம்புவதா, எதிர்க்கட்சிகளை நம்புவதா என்றுதான் மக்கள் தேர்தல் சமயத்தில் சிந்திக்கவேண்டுமே தவிர, தேர்தல் நடத்தும் தேர்தல் ஆணையத்தையே நம்புவதா, வேண்டாமா என்று யோசிக்கும் நிலைக்குத் தள்ளிவிடக் கூடாது. இந்தத் தேர்தலில் யார் வேண்டுமானாலும் ஜெயிக்கலாம். ஆனால், ஜனநாயகமும் தேர்தல் ஆணையம் மீதான நம்பகத்தன்மையும் தோற்றுவிடக் கூடாது!

ஒட்டுமொத்த விகடனுக்கும் ஒரே ஷார்ட்கட்!