Published:Updated:

சூடானில் வெடித்த ‘சூடான’ புரட்சி!

சூடானில் வெடித்த ‘சூடான’ புரட்சி!
பிரீமியம் ஸ்டோரி
சூடானில் வெடித்த ‘சூடான’ புரட்சி!

சூடானில் வெடித்த ‘சூடான’ புரட்சி!

சூடானில் வெடித்த ‘சூடான’ புரட்சி!

சூடானில் வெடித்த ‘சூடான’ புரட்சி!

Published:Updated:
சூடானில் வெடித்த ‘சூடான’ புரட்சி!
பிரீமியம் ஸ்டோரி
சூடானில் வெடித்த ‘சூடான’ புரட்சி!

வெங்காயத்தின் விலை உயர்வு, இந்திய அரசியலைப் புரட்டிப்போட்டது நினைவிருக்கலாம். தற்போது, ரொட்டியின் விலை உயர்வு, சூடான் நாட்டு அதிபராக முப்பது ஆண்டுகள் கோலோச்சிய ஒமர் அல் பஷீரைப் பதவியிலிருந்து தூக்கி வீசியிருக்கிறது. 

சூடானில் வெடித்த ‘சூடான’ புரட்சி!

ஆப்பிரிக்க கண்டத்தில் ஆட்சிக் கவிழ்ப்புகள் சாதாரணம். இதுவரை நைஜீரியாவில் எட்டு முறை, கானா மற்றும் சியாரா லியொனில் தலா பத்து முறை, புரூண்டியில் 11 முறை என ஆட்சிக் கவிழ்ப்புகள் நடந்துள்ளன. சூடானில் இதுவரை நான்கு முறை ஆட்சிக் கவிழ்ப்பு நடந்துள்ளது. 1989-ம் ஆண்டில், அப்படி ஓர் ஆட்சிக் கவிழ்ப்பில் அதிபரானவர்தான், இப்போது தூக்கி எறியப்பட்ட பஷீர். விலைவாசி உயர்வு, பொருளாதார வீழ்ச்சி, பணத்தட்டுப்பாடு போன்ற காரணங் களால் கடந்த நான்கு மாதங்களாக சூடானில் போராட்டங்கள் நடந்துவருகின்றன. அதைத் தொடர்ந்துதான் ஏப்ரல் 11-ம் தேதி, ஆட்சியைக் கவிழ்த்து, நாட்டின் நிர்வாகத்தைத் தனது கட்டுப்பாட்டுக் குள் கொண்டுவந்திருக்கிறது, சூடான் ராணுவம். பஷீர் கைதுசெய்யப் பட்டுள்ளார்.

ஒட்டுமொத்த விகடனுக்கும் ஒரே ஷார்ட்கட்!

சூடானில் வெடித்த ‘சூடான’ புரட்சி!

கடந்த 2011-ம் ஆண்டில், சூடான் நாட்டிலிருந்து பிரிந்து, தனி நாடாக உதய மானது, ‘தெற்கு சூடான்’. மொத்த எண்ணெய் வளத்தில் 75 சதவிகிதம் தெற்கு சூடானில் இருந்ததால், சூடான் நாட்டின் வருவாய் குறைந்து பொருளாதாரம் சீரழிந்தது. தொடர்ந்து, அல்கொய்தா அமைப்பின் தலைவர் ஒசாமா பின்லேடனுக்கு அடைக்கலம் கொடுத்ததாகக் குற்றம்சாட்டி சூடான்மீது, அமெரிக்கா பொருளாதாரத்தடை விதித்தது. இதனால், சூடானில் 70 சதவிகித அளவுக்குப் பணவீக்கம் உயர்ந்தது. நாணய மதிப்பு கடுமையாக வீழ்ந்தது. அத்தியாவசியப் பொருள்கள், மருந்துகளின் விலை விண்ணைத் தொட்டன. மானியங்கள், சலுகைகள் ரத்து செய்யப்பட்டன. ரொட்டியின் விலை மூன்று மடங்கு உயர்ந்தது. பெட்ரோலின் விலை இரண்டு மடங்கு உயர்ந்தது. வெடித்தது போராட்டம். போராட்டத்தை ஒடுக்க முற்பட்டது, சூடான் அரசு.

போராட்டம் வலுத்ததைத் தொடர்ந்து மக்களைச் சமாதானப்படுத்த முயற்சிசெய்த பஷீர், ‘நான் மீண்டும் அதிபர் பதவிக்குப் போட்டியிடமாட்டேன். 2020-ம் ஆண்டு ஏப்ரல் மாதம் என் பதவிக்காலம் முடியும் வரை பதவியில் இருந்துவிட்டுப் பிறகு விலகிக் கொள்கிறேன்’ என்று அறிவித்தார். ஆனால், இதற்கு முன் அதிபர் கொடுத்த பல வாக்குறுதிகள் நிறைவேற்றப்படாததால், இம்முறை மக்கள் அவரை நம்பத் தயாராக இல்லை. ‘அதிபர் பதவி விலகுவார்’ என்று கடந்த பிப்ரவரி மாதம் ராணுவம் அறிவித்த போதும் மக்கள் கண்டுகொள்ளவில்லை. ராணுவம் அறிவித்த சில நாள்களிலேயே பதவி விலக மறுத்த பஷீர், நாட்டில் அவசரநிலைப் பிரகடனத்தைக் கொண்டு வந்தார். அதனால், கொதித்தெழுந்த மக்கள், தலைநகர் கார்தூமில் உள்ள ராணுவத் தலைமையகத்தை முற்றுகை யிட்டனர். இதைத் தொடர்ந்து ஆட்சியைக் கைப்பற்றிய ராணுவம், அதிபரைக் கைது செய்திருக்கிறது. அதே நேரத்தில், ‘இன்னும் இரண்டாண்டுகளில் தேர்தல் நடத்தப்படும்’ என ராணுவம் அறிவித்துள்ளது. ஆனால், ‘மக்களாட்சி மலரும் வரையில் மக்கள் போராட்டம் தொடரும்’ என மக்கள் அறிவித்துள்ளனர்.

ராணுவம் தற்போது எடுத்திருக்கும் மக்கள் ஆதரவு நிலைப்பாட்டால், சூடான் வீதிகளில் ஓடவிருந்த ரத்த ஆறு தடுக்கப்பட்டுள்ளது. ஆனால், உண்மையிலேயே தடுக்கப்பட்டுள்ளதா அல்லது தள்ளிப்போடப்பட்டுள்ளதா… என்பது போகப்போகத்தான் தெரியும்.

- கே.ராஜு