Published:Updated:

`தேசமாக ஒன்றிணையும் நேரமிது!’ - உண்ணாவிரதப் போராட்டத்தை ஒத்திவைத்த அரவிந்த் கெஜ்ரிவால்!

`தேசமாக ஒன்றிணையும் நேரமிது!’ - உண்ணாவிரதப் போராட்டத்தை ஒத்திவைத்த அரவிந்த் கெஜ்ரிவால்!
`தேசமாக ஒன்றிணையும் நேரமிது!’ - உண்ணாவிரதப் போராட்டத்தை ஒத்திவைத்த அரவிந்த் கெஜ்ரிவால்!

ல்லையில் பதற்றம் நிலவிவருவதால், தனது உண்ணாவிரதப் போராட்டத்தை ஒத்திவைத்தார் அரவிந்த் கெஜ்ரிவால்.

ஆம் ஆத்மி கட்சியைச் சேர்ந்த அரவிந்த் கெஜ்ரிவால், டெல்லி முதல்வராகப் பதவி வகித்துவருகிறார். டெல்லிக்கு மாநில அந்தஸ்து அளிக்கக் கோரி மார்ச் 1-ம் தேதி முதல் காலவரையற்ற உண்ணாவிரதப் போராட்டத்தை அறிவித்திருந்தார். இந்நிலையில், தனது போராட்டத்தை அவர் ஒத்திவைத்துள்ளார். 

புல்வாமா தாக்குதலுக்குப் பதிலடிகொடுக்கும் விதமாக இந்திய விமானப் படையினர் நேற்று (செவ்வாய்க்கிழமை) அதிகாலை 3.30 மணியளவில் ஜெய்ஷ் இ முகமது தீவிரவாத இயக்கப் பயிற்சி முகாம்கள் மீது குண்டு வீசி தாக்குதல் நடத்தினர். இதனால், எல்லையில் பதற்றமான சூழல் நிலவிவருகிறது. இதனையடுத்து, தனது உண்ணாவிரதப் போராட்டத்தை ஒத்திவைப்பதாக அரவிந்த் கெஜ்ரிவால் தெரிவித்துள்ளார்.

அரவிந்த் கெஜ்ரிவால் தனது ட்விட்டர் பக்கத்தில், ``பாகிஸ்தான் தீவிரவாத இயக்கப் பயிற்சி முகாமை அழித்த இந்திய விமானப்படை வீரர்களுக்கு எனது `சல்யூட்’. தற்போது, எல்லையில் பதற்றமான சூழல் நிலவிவருகிறது. இந்தச் சமயத்தில் நாடு முழுவதும் ஒன்றாக இணையாக வேண்டியுள்ளதால், எனது காலவரையற்ற உண்ணாவிரதப் போராட்டத்தை ஒத்திவைக்க முடிவுசெய்துள்ளேன்’’ என்று பதிவிட்டுள்ளார்.