Published:Updated:

'ஊழல் கண்காணிப்பு எஸ்.எம்.எஸ். திட்டத்துக்கு வரவேற்பு'

புதுதில்லி, மார்ச் 23, 2011

மத்திய ஊழல் கண்காணிப்பு ஆணையம் செல்பேசி மூலம் குறுஞ்செய்தி அனுப்பும் வசதிக்கு நல்ல வரவேற்பு இருப்பதாக மத்திய ஊழல் கண்காணிப்பு ஆணையர் ஆர்.ஸ்ரீகுமார் தெரிவித்தார்.  ##~~## 

சென்னையில் இன்று ஊழல் ஒழிப்பு ஆய்வுக் குழுவின் தமிழக மையத்தை முதன்முதலில் துவக்கி வைத்து பேசிய போது அவர் இதை தெரிவித்தார்.

அவர் மேலும் கூறுகையில், "ஊழல் கண்காணிப்பு முக்கிய மேலாண்மை பொறுப்பாகும். தலைமை நிர்வாகிகளும், தலைமை கண்காணிப்பு அலுவலர்களும் இணைந்து இதை செயல்படுத்த வேண்டும்

ஊழல் ஒழிப்பு குறித்து பள்ளி மாணவர்களிடையே விழிப்பு உணர்வை ஏற்படுத்த வேண்டியது அவசியமாகும்.  ஊழலை ஒழிக்க நாம் அனைவரும் இணைந்து செயல்பட வேண்டும்.  ஒவ்வொருவரும் இதில் முழு மனதுடன் ஈடுபட்டால் ஊழலை முற்றிலுமாக ஒழித்து விட முடியும்.  ஊழல் இன்று ஒரு முக்கிய பிரச்சினையாக நம்மிடையே உருவெடுத்துள்ளது. 

மேலாண்மை பொறுப்பில் உள்ளவர்கள் இதை முற்றிலுமாக ஒழிக்க முயற்சிகளை மேற்கொள்ள வேண்டும்.  ஊழல் தடுப்புப் பிரிவில் "vigeye" என்ற குறிப்பிட்டு 1964 என்ற எண்ணில் குறுஞ்செய்தி மூலம் பதிவு செய்து கொண்டால் எங்கெங்கு ஊழல் நடைபெறுகிறதோ அதை அவ்வப்போது ஊழல் கண்காணிப்பு அமைப்புக்கு உடனடியாக தெரியப்படுத்த முடியும்.  (முழுமையாக அறிய... http://www.vigeye.com/

மத்திய ஊழல் கண்காணிப்பு ஆணையம் செல்பேசிகள் மூலம் குறுஞ்செய்தி அனுப்பும் இந்த வசதியை ஏற்படுத்தியுள்ளது.  இதுவரை இந்த வசதியை பயன்படுத்துவதற்கு 4000 பேர் பதிவு செய்து கொண்டுள்ளனர்.  இதுவரை 500 புகார்கள் வந்துள்ளன.  இந்த வசதியின் மூலம் செல்பேசி மூலம் படங்களை எடுத்தும், ஒலிப்பதிவு செய்தும் உடனடியாக ஆணையத்துக்கு அனுப்பி வைக்க முடியும்.  எங்கு எப்போது நடந்தது என்பதற்கான தகவல்களை இந்த பதிவுகளில் இருந்து தெரிந்து கொள்ள முடியும்.  இது தற்போது பிரபலப்படுத்தப்பட்டு வருகிறது," என்றார் ஸ்ரீகுமார் கூறினார்.

மத்திய ஊழல் ஒழிப்பு ஆய்வுக் குழு ஐதராபாதை தலைமையிடமாக கொண்டு செயல்படும் இதன் தமிழக மையம் இன்று சென்னையில் துவக்கி வைக்கப்பட்டது. 

இந்த மையம் தமிழகம் மற்றும் புதுச்சேரியில் விரிவுப்படுத்தப்படவுள்ளது.  ஊழல் ஒழிப்பு நடவடிக்கைகளை இரு மாநிலங்களிலும் மேம்படுத்தவும், இதுதொடர்பான அனுபவங்களை பகிர்ந்து கொள்ளவும் தமிழகத்தில் இந்த மையம் ஏற்படுத்தப்பட்டுள்ளது.

அடுத்த கட்டுரைக்கு